السلام عليكم ورحمة الله وبركاته

كلنا نعرف هاشتاق #آسيا_تنادينا_لدعم_نادينا

وكل الهلاليين كانوا متحمسين وينتظرون التذاكر تنزل

حتى اللي بيرتبون التيفو من زود الحماس راح يكون التيفو بارجاء الملعب

ليه ؟؟

لان جمهور الهلال متعطشين يبغون يحضرون .. يؤازرون .. يساهمون بنجاح التيفو .. يهتفون طوال 90 دقيقة

يعلمون الخصم من هم (جمهور الزعيم)

نزلت التذاكر امس الاحد

والمفاجئه ؟؟؟


اللي اشترى التذاكر قليل !!!!!!!!!!!!!!!!!!!!!!!!

ومنبر الهلال صرح ان بقي اكثر من 45 الف تذكرة


ليه ياجمهور الهلال ؟




ماتبغون تكررون هالمنظر




ماتبغون الاتحاد الاسيوي وغيرهم يتكلمون عن جمال جمهور الهلال وابداع جمهور الهلال

ما اشتقتم ؟




ليه مافي كمية شراء على التذكار

اوكي المنصه بـ 1000 ريال

والممتازة بـ 200 ريال

بس الموحده يازعماء بـ 30 ريال


مانبغى احد يتكل على الثاني ... لاتعتمدون على التذاكر المجانيه اللي راح تتوزع ليلة المباراة من عند مجلس الجمهور الهلالي

اذا قادرين تشترون تذكره بـ 30 ريال و 200 ريال لاتقصرون مع ناديكم

اتركوا المجانيه للي ماعنده استطاعه على شراء تذكرة بهالقيمه

او للي جاي من خارج الرياض ولا راح يوصل الا متأخر


ارجوكم يازعماء

نبغى هالعدد بالملعب وزياده .. وانتم قدها




نبغى الكل ينصدم بالعدد الضخم من الجمهور ليلة المباراة




يازعماء ..

عدد اللاعبين 11 ... كونوا انتم رقم 12

ساندوا اللاعبين .. اهتفوا بصوت واحد .. اربكوا الخصم بأهازيجكم .. شجعوا اللاعبين على القتال بروح عاليه

عشان شي واحد فقط


نشوف اليوم اللي لاعبين الهلال شايلين كأس اسيا





في الختام:

اشكر كل شخص شرا التذكرة وجاهز للمباراة

وكلمة الشكر ماتوفيكم يازعماء

الاشخاص اللي من خارج الرياض وماراح يوصلون الا ليلة المباراة :

راح تتوزع التذاكر يوم الثلاثاء (ليلة المباراة) في العصر عند البوابة الخارجية رقم 5 من الساعه3:30 العصر الى الساعه 4


ويارب لاتخيب امالنا .. وفرحنا بشوفة الهلال منتصر بفوز ساحق ويكون مرمانا نظيف مافيه ولا هدف

الخوف ان يتم الاعتماد الكلي ع التذاكر المجانيه وبالاخير ما يحصلونها لانها لا تقدر يعني 6000 ارى انها ليست كافيه لاكن انشاء الله الجمهور يكون قدها وقدود ويحضر عشان يحطون اللاعبين تحت موقف مالك عذر وين اسيا لازم الحضور ودعم اللاعبين ولي الضغط عليهم

كالعاده حملات وحماس وبالنهايه يادوب تتعبى الواجهه
للأسف جمهور الرياض اتكالي ليتني بالرياض بس
كنت متوقع انه ماراح يحضر 70 الف ولكن اكذب نفسي اقول يمكن يتحمسون
اتمنى الجمهور يعتبرها المباراه النهائيه بأسيا وعلى الكأس

الهمه الهمه ياجمهور زعيم نصف الارض

ان شالله يكونون جماهير الزعيم في الموعد كما عودونا وكما هي عادتهم الحب والوفاء لناديهم

ياخي المشكلة في الاعضاء الذين
تبرعوا في 6000 تذكره مجانيه هم السبب في عدم شراء التذاكر
المفروض توزيعها قبل المباراه بثلاثة ايام اما تاجيلها حتى يوم المباره يعتبرأمر غريب !!
ياخلوها مباراه مفتوحه مجانا للجماهير او تلغى عملية عضو يتبرع في 1000 والثاني في 2000 والثالث في 1500 ؟؟
مدري هي لعبة او محاولة تخريب او لكسب الشهره ولكن ؟؟ الجماهير الهلاليه غنيه عن انتظار التذاكر المجانيه ولله الحمد وشكرالكم

المفروض المجانيه الدخول مع بوابه معينه
لقطع الطريق على عمليات البيع
وان لايتم تسليم اي شخص التذكره بيده ..
وذلك بإدخاله مباشره وقص التذكرة عند بوابة الدخول

طيب انباعت امس 20 الف تذكرة اشوف ان العدد جيد
واليوم سيستمر بيع التذاكر واذا مانفذت اليوم
سيكون هناك بيع في شباك تذاكر الملعب
اتوقع الاغلب يشتري التذاكر من الملعب

الله يعطيكم الف عافيه وبالتوفيق للزعيم

مع احترامي لك اشوفك قللت من جمهور الهلال بالذات في اسيا حضورهم دايم مشرف
بعدين المباراة باقي لها يوم يعني فيه ناس جايه من غير الرياض وانا من ضمنهم جايين بكره ان شاء الله
بالتوفييق لزعييم يااارب

لازال لدي ثقه بالرقم الصعب
اطمئنوا

أتمنى أهل الرياض والمناطق اللي حولها يشترون تذاكراهم بنفسهم

ﻻن المجانيه ماتغطي اللي بيوصلون متأخر يﻻ تكفيهم

بالعكس أخوي

اللي شفته ان الجمهور ماشاء الله مسوي زحمه امس في متجر الهلال

وانا اتوقع ان الملعب راح يقفل على 55 ألف متفرج بإذن الله

يعطيك العافيه وفالنا الفوز وتكرار الخماسيه بإذن الله سبحانه