|
ريجيكامب وعشق المفاجأت وخبثه الكروي بسم الله الرحمن الرحيم ,,, كل عام وانتم بخير ولو انها متأخره حقيقه بغيت ابتعد عن المنتدى بعد أقالة سامي لتحفظي على القرار نفسه , ولكن من خلال رؤيتي للهلال بقيـادة هذا المدرب حبيت اوضح اشياء لم اشاهدها منذ ايام الجميل جيرتس , فالاثنان يعشقان المعدل اللياقي المرتفع ودائما ما يعتمدان عليه ويختلفان في شئ وهو الخبث الكروي , فجيرتس كان لا يحب المغامرة ابدا ولا يعشق المفاجأت فكان دائما واضح في الملعب , عكس ريجيكامب وهو ما لفت نظري فهذا ما نظري فهو بدأ يغامر مع أول مباراة مايدل الا على ان المدرب بالفعل تمكن من معرفة جميع اللاعبين وبدقة عاليـة وهذا ماجعله يغامر فلجميع الآن مستاء من عدم ثباته على تشكيلة ومباراة السد الاسبوع المقبل !!! فريجي كما صرح في أول تصريح له في قناة رومانية وقال بالحرف الواحد , انا احب المفاجآت , ففعلا المدرب يعلم ماذا يفعل وألا الان وضع الجماهير الهلال في وضع الحيرة فلا أحد يعلم ماهي تشكيلته الاساسية او خطته المعتمدة , فما بالكم مدربين الخصم !!! البعض يتسأل , طيب وش عرفنا انه يحب المفاجـأت , يمكن انه ما يعرف يثبت على تشكيلة وجالس يسلك !! هل تذكرون كومبواريه ؟ كيف كان كان اعداده فكان الهلال معد جيدأ , وكان المدرب لطالميا ما يغير باللاعبين مع ثباته فالتشكيلة وخلصنا الدور الاول وهو لسى ما ثبت على لاعبين فكان يفوز في مباراة ويخسر في اخرى وحتى اذا فاز لا يفنعك ,فهذا ما يدل الا ان المدرب لم يعرف اللاعبين عن كثب فهو مقتنع بالتشكيلة مع عدم اقتناعه بلاعبين وهذا اسوأ مافي كرة القدم , ولكن مع ريجي هناك العكس المدرب عرف وظايف اللاعبين لاعب لاعب وبدأ ينسج تشكيلاته بنفسه وتستغرب ان الاداء هو هو بنفس الانسجام وينفس الوظايف ولكن لا تتنبأ أبدا بتشكيلاته فكل مباراة يأتي ومعه مفاجأته ويضرب بتوقعاتك , وهذا ما كان يقصده الكابتن خالد الشنيف في تحليله هذا ‫الهلال 4-1 العروبة | دوري عبداللطيف جميل 2015 | الاستديو التحليلي بعد المباراة‬‎ - YouTube بالفعل ما ذكره المقدم , فريجي كامب تشٌرب الهلال في 5 مباريات ,,,! بالتوفيق للهلال ولكم ودمتم بود :smilie47: |
الله يستر عليه من المكايد الصفراء طبعهم لاشافوا مدرب مميز..... لكن درس كوزمين قريب |
شوف كتكتيك مشاءالله ... واللي عجبني لاصارت هجمه للهلال ماتدري مين يسجل الشمراني او نيفيز او الزوري يامعود حتى الفرج و ديقاو صارت لهم كلمه مشاءالله ... ’، لكن التنظيم الدفاعي والحراسه يبيلها شغل والله .. وان شاءلله يتعدل الحال .. |
اولاً الشغل كله على الاعب المحلي متى ما كان في يومه فانه ينجح اي مدرب وعلة الهلال هيا في الحراسه وفي الاعب السعودي اذا اراد اي فريق النجاح فعليه بايجاد لاعب سعودي ممتاز مقاتل محب مخلص بعدها جيب لك مدرب من الصومال وستنجح |
أتفق معاك بأنه صاحب مفاجأة ولكن كيف بمدرب يلعب المعسكر بخطة و فجأة بسبب اصابة لاعب يغير الخطة على اللاعبين - لعل انهم تدربوا عليها - وجهة نظري ان المدرب يخووووف وآسيا ما تتحمل الأخطاء, |
عبدالعزيز الدوسري مع احترامي علامة تعجب كبيرة لو لي من الأمر شيء نقلته للحزم وعساهم يأخذونه بطيئ ويقتل الهجمة |
أنا استغرب ليش ادارة الهلال ما دفعت كم مليون زيادة واشترت عقد احمد الكسار حارس الرائد ؟؟ |
لا تحكموا بسرعه على المدرب السلام عليكم احترم وجهه نظرك اخوي وبالعكس انا مااشوف خبث كروي اشوف تخبط في التشكيله والتكتيك وايضا في التغييرات في مباراه الشعله بالخصوص لان مباراه العروبه اتوقع الكل شاهد فريق منتهي كان العروبه وبالنسبه للتسجيل حتى العام الفريق ماتدري مين يسجل كلهم يسجولوا ماشالله وهذي الميزه معروفه في تاريخ الهلال اعتماده الاكبر على الوسط لانه هو مايميز الهلال كان في التمرير او التسجيل وبالنسبه للاخطاء ماتغير شي الحراسه سيئه الى الان الكور العرضيه من سالم الدوسري وياسر الشهراني سيئه عبدالعزيز الدوسري للان مستواه هابط وايضا كلامك ان مدرب السد ماراح يعرف التشكيله التشكيله او الطريقه واضحه الي بيلعب فيها ريجي هيا نفس طريقه سامي الجابر 4-4-2 او 4-4-1-1 اتوقع لو لعب بطريقه غير هذي فاعرف ان المدرب يتخبط المباراه في الرياض وهذي افضل طريقه ملاحظه انا مااتقصد المدرب بس لا تحكموا عليه بسرعه واتمنى من الله انه يحقق كل البطولات للهلال بس المقصد من ردي عليك ان الاخطاء الي كانوا بتصيدونها لسامي الجابر هيا نفس الاخطاء الي يقع فيها ريجي للان مع افضليه سامي في التشكيل كتوضيف لاعبين ومع افضليه سامي خاصه في الاسيويه بالدافع المعنوي والروح والقتال واتمنى ريجي يهتم بالنقطه هذي خاصه في الاسيويه اكثر من التكتيك الفني |
انشاالله جميع البطولات هلالية |
ايوه يحب المفاجآت .. بيطلعنا من آسيا ويسوي لنا أكبر مفاجأة !! المدرب لحد الآن في نظري يتخبط .. ونأجل الحكم النهائي لما بعد آسيا ! |
واحساسي يقول ان مفاجئة السد السديري وكريري بالتوفيق للهلال |
افضل شي فيه انه يدرس الخصم ويكلف مساعدينه بهالشي وطلب من الادارة مباراة السد ولخويا والادارة جابت له شريط المباراة ان شاء الله الفوز هلالي بالذهاب والاياب ومايعترف الهلال الا بالثلاث اهداف وطالع بس الاهم يركز علی الحراسه عندنا ويشوف صرفه بالحارس الثنيان والسبيعي الی الان ثقتنا فيهم معدومه |
والله ان المدرب داهيه وذكي جداً وبالعكس هو ثابت على تشكيلة وحده ولكن يغير من التكتيك وينوع بطريقة اللعب ولذلك يعتقد البعض ان المدرب تخبط في التشكيله والتكتيك ! :d:ds121s ريجي مدرب ناجح ولكن يحتاج لدعم جمهور الزعيم :alzaeem: |
المدرب "داهية" بمعنى الكلمة وذكيّ جدا :smilie47: يلعب بأكثر من خطة لديه أكثر من مفتاح لعب ! يقرأ الخصم بشكل مميز ويوظف لاعبينه بالطريقة المثالية ريجي معالم نجاحه مع الهلال بدأت بالوضوح يحتاج للصبر ثم الدعم وبإذن الله لن يقف في طريق الهلال شيء :smilie47: |
إقتباس:
تفاءل خير بس بعدين "كيف حكمت عليه" بالتخبط !! المدرب يقرأ المباراة بشكل ممتاز ويحترم خصمه ,, لديه اكثر من خطه واكثر من طريقة لعب وموظف لاعبيه بشكل صحيح , لا نصير نحب الإنتقاد أكثر من قول الحق :smilie47: |
| الوقت المعتمد في المنتدى بتوقيت جرينتش +3.
الوقت الان » 03:55 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd