|
ياسر القحطاني روح الهلال.. نبي اسيا تكفى يابوعزوز..# من المعروف ان كل هلالي تذوق جميع البطولات والحمدلله ولم يبخل علينا الهلال بشي ابد بطولات تشهد عليها الارقام والاحصائيات لكن نبي السابعه اســـــيا العاصيـه وعندي احساس كبير ان لاعبين الهلال متعاهدين على ترويضها هالسنه غصب المدرب جديد ومايعرف وش تعني لجمهور الهلال هالبطوله لكن الامل بالله ثم بكتيبة ياسر القحطاني لازم يزرع الروح في الاعبين ويبدا من حيث انتهى الفريق في اخر مباراة قبل التأهل لدور الثمانيه يعني لانريد الروح القتاليه ان تنتهي يابوعزوز نثق في امكانيات كل لاعب ونعرف انهم مستحيل يقصرون بجهد لكن نريد القتاليه في الملعب لن يواجه الهلال فرق سهله ابدآ تبقى الكثير على النهايه الاجمل في تاريخ الزعيم نريد ان تكون السابعه على ايديكم يارجال اصنعو التاريخ يجب ان يشعر كل لاعب بالمسؤليه ولايخيب ظن الجمهور فيه وبالتوفيق يارب لكيان الهلال |
الزعيم عائد لعرشه بإذن الله بتوفيق الله اولا ثم بدعمنا احنا كجمهور عاشق للكيان الهلالي �� |
شوف ياغالي اسيا ماهي صعبه ع الهلال فقط نريد ان نرى تعاون بين اللاعبين .......اتمنى ان تقوم ادارة الفريق برصد التمريرات للاعبين وكل لاعب كم فرصه صنع ويواجههم بها المدرب والاداره لانه للاسف مستشريه الانانيه في الهلال باستثناء الشلهوب وياسر والعابد لاعبي الوسط سالم والفرج ونيفيز والزوري والشهراني والشمراني .....اتمنى تحصوا معي كل مباراه كم صنعوا فرص ستجدون انعدام التمريرعندهم فقط يمرر وياخذ موقع للرد والتسجيل نريد نرى تمريرات الثنيان وسامي والرشيد والدوخي والتيماوي (فارق كبير بين الجيلين ) فذاك الجيل يصنع كل لاعب في المباراه الواحده عدة فرص ...............بينما هالجيل في عشرمباريات يصنع فرصه او تنعدم ارقامه |
الله لايهينك ياالصقر على الرد والله يسمع منك لكن الجمهور مستحيل يقصر ابد ابد بشي وكل سنه يسوي اللي عليه وزياده المسؤليه على الاعبين الان حتى المدرب معذور لانه جديد حتى الاداره ماقصرت ابد |
إقتباس:
شكرا على تكرمك والرد على موضوعي يا اسطوره وانا والله اثق في جميع الاعبين وحرصهم على الفوز لكن بعض الانانيه وخاصه قدام المرمى مالها لزوم واشوف ان ياسر القحطاني صار يمرر كوره بذكاء كبير ماشاءالله تبارك الله عليه وجوده مطلوب لاعبين افتقدناهم في صنع اللعب فعلا زي ماقلت فيه لاعبين لازم يصحون هذا وقتهم |
اسيا ليست صعبة لاننا زعماء اسياب6بطولات لاكن لابد من تظافر اللاعبين والادارة والمدرب ونحن الجمهور وان شاء الله السنة هذي تكون من نصيب الزعيم وترجع البطولة الأسيويه الى زعمااااااااااااء اسيااااااااااااااااا وتكون البطولة 7 |
الله يوفق الزعيم للفوز ببطولات الموسم و آسيا .. يارب .. .. |
اسيا هالسنة لنا لنا بس الله يبعد الاتحاد عن طريقنا ...! |
إقتباس:
الاتحاد او غيره اذا لاعبين الهلال نووها ماحد يقف في طريقهم واعرف اتحادين يدعون الله ان الهلال يبعد عن طريقهم رغم ان المواجه لابد منها واحد منهم بيتاهل لنهائي ويلعب قدام المتاهل من شرق اسيا اللي اتوقع يكون جوانزو الصيني |
الله يوفق الزعيم للفوز ببطولات الموسم و آسيا .. |
يعطيك العافيه اخوي كلنا ثقه بالله ثم بابو عزوز ونجوم الهلال جميعا ،، والله يوفقهم يارب وفق الزعيم ~ |
إقتباس:
|
راح ندعس السد وندعس الاتحاد ونكسب البطوله بإذن الله ونهديها لمن عمل عليها وتعب وهوا سامي الجابر |
مازلتُ مستعجباً من بعض الجماهير الهلالية !!!!!!!!! في تحجيم الهلال في لاعب . أو بمعنى أصح تقزيم الهلال في لاعب . تستفزع بلاعبك المفضل ياسر القحطاني . وهو ( منتهي الصلاحية منذ زمن ليس بالقصير ) وما تجديد العقد معه ومع الشلهوب لمدة ثلاثة سنوات إلا ( مجاملة ) فقط . ولكن . لو أفترضنا وأقتنعت بما كتبت . هل باقي اللاعبين ( عجم ) لا يفهمون مناداتك عندما تخص المناداة فقط بياسر القحطاني . إذا رغبنا كجمهور هلالي في أي بطولة يجب وجوباً الابتعاد النهائي عن تمييز لاعب عن لاعب . يجب أن نضع الثقة فيهم جميعاً دون أي تفرقة . بل مشكلة بعض الجمهور الهلالي تفضيل لاعبين أنتهت صلاحيتهم أو أنهم لا يقدمون للهلال ربع ما يقدمه بعض اللاعبين المهضومة حقوقهم ( التشجيعية ) من بعض جمهور الهلال . إذا . تتمنون البطولة وأي بطولة أبعدوا عنكم التفرقة بين اللاعبين . بل أعطوا كل ذي حقاً حقه من الإنصاف . فأنا لدي ( ياسر الشهراني ) حماساً وإخلاصاً ومستوى أفضل مليون مرة من ياسر القحطاني المعتمد فقط على ( هتافات لعشاق النجوم ) فقط . ولكن . مادام يرتدي شعار الهلال فيجب دعم كل لاعب ولا أقول نجم . فجميعهم لدي ( لاعبين ) هدفهم الواقعي خدمة الهلال وليسوا نجوم همهم مصالح انفسهم . ..... مجرد رأي ..... ريفلينو 10 |
فيه واحد من الحقد خلى ناصر الشمراني من ﻻعبي الوسط هههههههههههه ي عزيزي الشمراني رأس حربه يعني اللي خلفه هم ملزومين بصناعة الكور له وﻻ مانع من مساهمته في صناعة الكور اذا كان في وضع يسمح وبالنسبه لموضوعك أعتقد أن قادة الهﻻل الآن أربع وقد يكون اثنين منهم ع دكة احتياط أو قد يكون أحدهم ﻻ يلعب اﻻ شوط ويخرجه المدرب لذلك جميع القادة اﻻربع مسؤولين عن هذه المهمه والشيء المميز بالهﻻل أن جميع ﻻعبيه قاده وتخصص بطوﻻت |
| الوقت المعتمد في المنتدى بتوقيت جرينتش +3.
الوقت الان » 02:48 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd