|
قيمة التذاكر مرتفعة كل عام وأنتم وسائر الأمة الهلالية بخير وصحة وسلامة وعافية وتقبل الله من الجميع صالح الأعمال بالأمس القريب استبشرنا خيرا لما سمعنا عن عقود الرعاية التي انهالت على نادينا الملكي من كل حدب وصوب والتي أثمرت عن دعم قياسي لميزانية النادي ونقله نوعية للفريق مقارنة بالفرق المنافسة الأخرى من كافة الدول العربية والاسيوية والافريقية ولكن مع كل أسف فرحتنا لم تكتمل حيث صرح سمو رئيس النادي أن على جماهير الهلال أن تقبل بالزيادة على قيمة التذاكر أسوة بالأندية الأخرى فبدلا من السعر الذي كانت عليه العام الماضي 20 ريال ستكون 40 ريال أي الزيادة 100% مما سيحد من نسبة الاقبال على المباريات والحضور سمو الأمير نصيحتي لكم احترمو جماهير النادي وراعو ظروفهم المادية واستطلعو ارائهم واعملو بها لكي لاتخسروا الوقود الحقيقي للبطولات ولسموكم فائق التحية والاحترام |
المفروض يكون سعر التذكرة أقل من 20 ريال فيه ناس تحب الهلال وتبي تحضر كل مباراة بس مبلغ 40 ريال راح يستفيد منه في شي ثاني مع إحترامي للهلال ، أنا لو بدفع 40 ريال في 15 مباراة يكون دفعت 600 ريال .. وهذا مبلغ لايقدر عليه البعض من الجماهير |
انا دائما اجي من الاستراحة انا واصدقائي واحضرهم معي بسيارتي وادفع لهم التذاكر على حسابي كله من اجل الهلال لكن الان صعبة ادفع200ريال على خمس تذاكر الان سوف احضر لوحدي |
ريسنا يقول هالسنة سوف يكون لدينافايض بمزانية النادي مانبي الفايض نبي التذاكر تبقى كما هي |
ياززين متابعة المباريات بالديوانيه مع الشاهي اروح ملعب سوء مرفقات وسوء البوفيهات ودورات المياه والان التذاكر 40 .. تعالوا الديوانيه بس بلاشش وضيافه فوقها |
إذا صح الخبر .. ستكون مشكلة .. مكافأة الجامعة يالله تكفي .. |
استحو على وجيهكم.. جمهور الرائد والتعاون يدفعون دبل من السنه الي فاتت ولاقعدو يصيحون زيكم وياليت لو يحطونه ٨٠ ريال بعد... اقل شي نسويه دعما لنادينا.. والي يبخل ب ٤٠ ريال على الهلال... ابركها ساعه لايجي للملعب... وعسى يحظرون مكانكم جمهور يحبون ويقدرون فريقهم... وجمهور يشرفنا بالملعب.... *والي فعلا لا يستطيع شراء التذكره... ينسق مع اعضاء الهلال مايقصرون.. يوزعون آلاف التذاكر كل مباراة.. |
حبيبي انت تبي الهلال يدفع لجماهير الفرق الثانيه مثلا السعر لو الهلال متحكم فيه خلوه بخمسه ريال لكن الفرق الثانيه ترفع على جمهور الهلال ويستفيدون منهم النادي المفروض يستفيد من جمهوره |
لو كانت الملاعب مهيئه كان دفعت 50 ماعندي مشكله بس تجي الملعب تدور كرسي ونصها محجوزه ولا مطاعم وحرر وحتى المويا مايخلونك تدخلها .. ترى الجماهير تبي الراحه بعد مو كل شي تعايرونا فيه تحبون احضروا والله اني دايم احضر واتحمل بس اكره احضر المباريات الجماهيريه بسبب سوء التنظيم |
إقتباس:
|
إقتباس:
*والي يدعي ان ما بيحضر جمهور عشان حظرته مب دافع ٤٠ ريال... اقول له تبطي.. جمهور الهلال ملايين مب نفرين.. عشان تجي تقول لنا الكلام هذا !!! |
إقتباس:
كثير من مشجعين الهلال طلاب سواء ثانوي او جامعي انا طالب جامعي .. ومكافأتي الجامعيه 840 شهريا ما تكككفيني للحياة .. عشان احضر للمباريات !! مفروض ادارة النادي تراعي هالطبقة العمرية من الجمهور بحيث يكون لهم خصم 50 % نبي نحضر للهلال .. ولكن ظروفنا المادية م تسمح ! وكلي ثقه ان ادارة الهلال واعية .. :ba::ba: |
فوق على الحضور والزحمه وعدم مشاهدة اللعب عن قرب قسم بالله حضور الجمهور بالاستاد حتى لو كان في المنصه يالله يالله يشوف اللاعبين من مسافة الكيلو حق المضمار اللي حاطينه ههههههههههههه وبعد بيحطون سعر التذكره 40 ريال احمدوا ربكم ان الجمهور يحضر والله العظيم اني اروح لعيون الزعيم وارجع وانا ماشفت شي بس حضوري للدعم وليست للمشاهده لأن استاد الملك فهد يحرمك لذة المتعه والمشاهده عن قرب وشكرا |
قيمة التذاكر مرتفعه انا اتكلم موعلشاني ...علشان الحضور اصلا ناس غلابا طلبه وموظفين صغار |
يحسبون كل الشعب السعودي وُلِد وفي فمه ملعقة ذهب كالتي في أفواههم.! رفع قيمة التذاكر بهذا الشكل وبهكذا آلية سواءً كان من الأندية أو الاتحاد السعودي يعكس العلاقة الطردية السعودية ما بين المواطن المُستَضعَف والمسئول المُتسلِّط.! كذا وبدون سابق إنذار ترفع ضريبة الترفيه على المواطن المخنوق بنسبة 100%.؟! يا أخي أقل شيء إعمل لك خطة خمسية وارفع سعر التذاكر سنوياً بمعدل 20% على الأقل على الأقل خَل الواحد ما يحس إنه انزرَف.! طيب ارتقي بخدامتك وعروضك شوي حتى الواحد يحس إن هالزيادة لها مُقابِل وإن المسئول تكلَّف على عُمرَه مثله مثلك يا المواطن الكاش الدفِّيع.! طيب قدِّم للمجتمع "المُسيَّر لا المُخيَّر" مُسوِّغات ومُبررات لهذه الزيادة الدَبَل .. مثلاً قل لهم ترى البلد تعاني أزمة سكن والعقارات نار ومثل ما إيجار بيتك زاد فطبيعي إيجار ملعبك بيزيد.! http://up.alhilalclub.com/uploads/pu...40705_a162.gif أو مثلاً قل لهم أشقاءنا بسوريا وغزة يُقتَلُون ودموعنا عليهم أربع أربع ودموعنا بدها كلينكس وكلينكس عند البَقَّال والبقَّال يبغى فلوس والفلوس ما تكفينا والخير والبركة فيكم وناديكم يناديكم.! http://up.alhilalclub.com/uploads/pu...40705_a162.gif ويا سلام لو تلحنت بعد بلحن طفولي بكذا تضمنوا المواطن يدفع لكم وهو بسابع نومة http://up.alhilalclub.com/uploads/pu...40705_a162.gif أممم المسخرة يا شيخ ما فيه إلا زرف زرف زرف ويا ويلك لو قلت ليه.! |
| الوقت المعتمد في المنتدى بتوقيت جرينتش +3.
الوقت الان » 02:18 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd