حبيبي انت تبي الهلال يدفع لجماهير الفرق الثانيه مثلا


السعر لو الهلال متحكم فيه خلوه بخمسه ريال


لكن الفرق الثانيه ترفع على جمهور الهلال ويستفيدون منهم


النادي المفروض يستفيد من جمهوره

لو كانت الملاعب مهيئه كان دفعت 50 ماعندي مشكله بس تجي الملعب تدور كرسي ونصها محجوزه ولا مطاعم وحرر وحتى المويا مايخلونك تدخلها .. ترى الجماهير تبي الراحه بعد مو كل شي تعايرونا فيه تحبون احضروا والله اني دايم احضر واتحمل بس اكره احضر المباريات الجماهيريه بسبب سوء التنظيم

فوق على الحضور والزحمه وعدم مشاهدة اللعب عن قرب قسم بالله حضور الجمهور بالاستاد حتى لو كان في المنصه يالله يالله يشوف اللاعبين من مسافة الكيلو حق المضمار اللي حاطينه ههههههههههههه

وبعد بيحطون سعر التذكره 40 ريال احمدوا ربكم ان الجمهور يحضر والله العظيم اني اروح لعيون الزعيم وارجع وانا ماشفت شي بس حضوري للدعم وليست للمشاهده لأن استاد الملك فهد يحرمك لذة المتعه والمشاهده عن قرب

وشكرا

قيمة التذاكر مرتفعه انا اتكلم موعلشاني ...علشان الحضور اصلا ناس غلابا طلبه وموظفين صغار

انا من وجهة نظري اشوف انه غلط الي يصير يعني رفعوا السعر 50% والله فيه ناس يالله تدبر مصروف عشاء مع اخوياهم وانا اتكلم عن الطلاب لأن اغلبهم يحب الهلال ويبي يحضر ويساند لكن لما يجي يبي يشتري تذكره وينصدم بالسعر بيدق ريوس وع اقرب مقهى وكذا راح يقل حضور الجمهور الهلالي والله العالم !

نحن نسمع عن تبرع النادي ل الجمعيات وغيرها اتمنى تكون صحيحه ولله .....طيب الاولى جماهيركم هالغلبانه ارحموها والا يابن مساعد ............او ترفع السعر والتبرع اجل من هالمسكين الجماهير ماهي منكم

مستغرب من اللي يقول ماراح ادفع 40 عشان الملعب مافيه مطاعم
لو كان فيه مطاعم كان دفعت ضعف الـ 40

والله حاله ادارتنا تعطي الشعله لاعبين بالمجان وتجي على هالجمهور الضعيف تدور من وراه 10 و20 ادارة اخر زمن وتناقظ ما بعده ؟؟؟؟؟
وعجبي

اتمنى ان يكون هناك تنظيم لحملة ويتم ايصال صوتنا للادارة
#لا_لزيادة_اسعار_التذاكر

ي إخوان ﻻتشوشون ع الفريق ونحن في منعطف آسيوي خطير

جميع اﻻنديه بترفع قيمة التذاكر وتستفيد منها حتى اﻻنديه الكبار

والهﻻل ﻻزم يرفعها ويستفيد اسوه باﻻنديه اﻻخرى

يعني حتى جماهير الاتحاد والنصر والشباب بتدفع 40 للتذكره مافي أحد احسن من احد

وبالنسبه للجمهور اللي صعبه عليه سعر التذكره : اكيد بيكون فيه تذاكر مجانيه في أغلب المباريات كما جرت العادة يوزعونها عند البوابات

اما المباريات اﻻسيويه أغلبها بيكون الدخول مجاني ويتم تخفيض سعر التذكره فيها لأهميتها

اذا ما تقدر تدفع خلك بالبيت لين توفر 40 ريال وبعدها تعال الله يحييك بالنسبه لي انا اتمنى يرفع سعر التذكره لمائة ريال
ما دام فيها فايده لزعيم اسيا ونادي القرن النادي الملكي واللي ما يقدر يرتاح في بيته ؟؟؟

اللي يقول يارب يرفعونها ل 100 ريال واللي يقول اللي مو قده لايحضر ياخي تحسب الناس كله مثلك

ترى اغلبية الجماهير طلاب وصعبه شوي وانا ضد رفع التذاكر 100 % لانه كذا بيقل الحضور الجماهيري

والرعاة ماتعاقدوووا مع الهلال الا علشان جماهيريتة وبكذا بيقل الحضور الجماهيري وبتبدأ الرعاة بالهروب

والخسران الاكبر الهلال من ناحيه اقتصاديه ، وفر ملاعب زي الناس وخدمات بمستوى ممتاز بعدين فكر ترفع

اسعار التذاكر ؟!

إقتباس الرسالة الأصلية كتبت بواسطة ريفلينو 10 كل عام وانتم بألف خير يجب أن نُقدر لرئيس النادي جهوده الكبيرة في السعي الدائم نحو تطوير النادي وخصوصاً موارده المالية . وما رفع التذاكر إلا أحد هذة الموارد. وهذا حق شرعي لرئيس النادي . ويجب علينا التقيد به وليست تلك الصعوبة أن تكون قيمة التذكرة 40 ريال . ولو أفترضنا أن جمهور هلالنا في مدينة الرياض سوف يحضرون جميع المباريات الاياب فهي 13 مباراة في 40 ريال فالناتج 520 ريال في موسم كامل يخص الدوري وهو الاهم . إذاً . ليست بتلك القيمة .. وهذا واجب على كل عاشق للهلال ان يدعم فريقه . ولكن هل رئيس الهلال ولا أقول إدارته . فإدارته لا حول لها ولا قوة . هل يسمع من الجمهور عند أنتقاده لأمر في النادي أو الفريق . هل يجد الجمهور آذناً صاغية لتعديل وضع الفريق أم فقط عند الحاجة نادوا بصوت كله ترجي للجمهور بالحضور والمساندة وعندما يكون الجمهور في قمة حرقته لا يجدإلا ( الطناش ) .......................... مستغرب جداً من عدم السعي الجاد خلف التعاقد مع مهاجم صريح . فلايوجد سوى ناصر الشمراني وحيداً . فكيف لو لا قدر الله كان في اصابة او توقيف من المهاجم . هل ياسر القحطاني المنتهي منذ سنوات أم السالم الغير مناسب نهائياً للهلال من حيث طريقة لعب الفريق . والمصيبة أن الهلال سوف يلعب اكثر من اربعة اشهر قبل الفترة الثانية للتسجيل . والمصيبة الاكبر ان الهلال في خلال هذة الشهور الاربع لديه مشاركات جداً مهمة وحساسة مثل دور الثمانية لكل اسيا وقد يكون دور الاربعة وان شاء الله مباراة النهائي غير الدوري الذي يجب على الفريق ومدربه الفوز المباشر من اول مباراة دون اي تفريط حتى يحقق البطولة . هذة مشكلة فنية تكمن في عدم وجود مهاجمين غير ناصر . فكيف نحقق البطولات . وارجعوا لفرق العين الاماراتي والسد القطري لتعرفوا قوة تعاقداتهم إلا نحن . وبكل صراحة يدي على قلبي أن الهلال لن يتجاوز السد القطري . والله يستر على فكرة .. لم ابعد يدي من على قلبي منذ اربعة مواسم !!!!!!!!!

مابيض وجهك هذا العام الا عندما شارك ياسر اساسي استطعنا نحصد النقاط وكسرنا راس الفقراويه وتاهلنا للثمانيه كله من مشاركة ابوعزوز ولو لعب من بداية الموسم اساسي لاخذنا بطولة الدوري بالراحه (فياسر متخصص بجلب النقاط من الفرق التي تنافسك وتحتاج نقاطها لكن الله اقوى حيل ...ضيعنا سامي وطار كل شئ ) السالم من افضل المهاجمين لكنه لم ياخذ فرصته
المدرب ريجي شاهد المهاجمين ووضع كل لاعب في مكانه فهو يريد مهاجم يستطيع يتخطى المدافع لايريد مهاجم لايستطيع التسجيل الا يكون مواجه للمرمى وهذا ماستراه بعينك هذا العام