فكره جميلة ل المتجر
 

السلام عليكم ورحمه الله وبركاته وكل عام وانتم بخير وتقبل الله منا ومنكم صالح الاعمال انا بصراحه من الناس اللي مايسجلون دخول ل المنتدى ادخل اتصفح وامشي لان الوضع صار مش زي اول .. عندي اقتراح جميل بخصوص المتجر .. يعلم الجميع ان التسوق عبر الانترنت اصبح منتشر وكلنا نعرف ان فيه جماهير كبيره ل الزعيم خارج الرياض او حتى السعوديه ليه م نسوي فكره ان التوصيل والشحن لخارج الرياض زي ( نمشي و سوق )وصدقوني الاقبال عليها كثير وبرضوا في ناس من الرياض راح تطلب .. انا ساكن ف شمال الرياض وتقريبا المتجر مو بعيد عني بس والله لي فتره ودي اشتري طقم بس عارفين زحمه العليا وكذا .. اسعدكم الله في الدارين اعذروني اذا فيه اخطاء داخل من الجوال

عليكم السلام ورحمة الله وبركاتة

والله صادق اخوي .. انا شخصيا في امريكا وادور على منتجات الهلال وماخذ هم الشحن

وطبعا هنا محروم من منتجات الهلال ... لكن بانتظر اقرب اجازة وارجع البلد اخم لي مجموعه هلاليه طيبه وابرد قلبي فيها

والله الهلال يستاهل وعشقه ذبحني لكن نصبر لعيونه

والله فكرة حلوة وانا من ابها وودي بطقم الهلال لكن ابها مافيها متجر للزعيم .. ودي انه يكون في كل مدينة متجر للهلال او مثل ما قال صاحب الموضوع يصير فيه توصيل وشحن لخارج الرياض لكافة مدن المملكة وسلامتكم :)

شاكر لكم مروركم جميعا .. من جد لو يتعاقدون مع شركه توصيل زي ارامكس او دي اتش ال ومنها فايده ل النادي وفوق كذا الجميع يشتري اللي يبيه وهو في بيته وصدقوني المبيعات بتزيد 100٪ انا صاحبي يجيب اغراض وكذا يعرضها في تويتر وانستغرام وربي رازقه ماشاء الله

اوافقك الرأي بشددددده الدنيا اصبحت ع النت

فكره جميله يسون شراكه مع شركه توصيل مقابل عرض اعلانات لها في قناة الهلال او في الملعب