~ ..  سلخير يالمجلس العـام ..! 
 

بسم الله الرحمن الرحيم

يالله الخيره يالمجلس العام :d:smilie47: جئتكم مع هلال العيد والعيد فرحه .. فرحه فرحه :d
الحلقوم جاي الله وكيلكم اكثر واحد كلى حلقوم ورماه وراه الكنب انا :d
لو تدخلون بيت جداني من اول وتشوفون ورى الكنب كأنه جدار معتّق :d من كثر
ماحط هالحلقوم ورىآ هآلكنب :d لا ولايجيك بالبردقان :d الله وكيلكم يتعفط وجهك
ويتغير ويصير كأنك وحده بتولد قبل شهرها :d .. ماعلينا شلون رمضان معكم:d..
الله يعيده علينا اعواما وحنا بافضل حال ان شاءالله :s2: احتمال بكره عيد ان شاءلله يقولون
من اول نحتري سليمان العيسى الله يرحمه :rose: يطلع يعلن لكن من كم سنه صار سليمان العيدي :d ويجي برنامج العيد والنآس وصواريخ وشروخه :d عموما من كم سنه ماتعيد ف السعوديه وحتىآ هالسنه بعد :d:smilie47: الشي الكويس ليله العيد انك تفطر مع اهلك آخر يوم برمضان :d والاوضاع طبيعيه واذا أعلنوا بكره العيد تدخل للبيت مستحي وتسلمون على بعض انت واهلك :d كانك وآحد معزوم على العشاء :d
10 دقايق والبيت ريحته حنا كأنك في عطاره بن منقاش :s2: .. على كل حال يازيننا من اول :d عاد تامنون بالله بقولكم شغله ,,! :d
عرفتوا فديو كليب نجوىآ كرم .. انا مافيي حبك اكتر من عيني .. :d
من اول لاجاء هالكليب اجي انا وولد خالتي نجلس مع اهالينا ونستحي وانا احط سعابيل وازين حواجبي الظآهر احسبها تشوفني :d داخل قصه حب مخفيه بيني وبين نجوىآ كرم :d لو تشوفني اللحين عطتني ذاك [ x ] حق قوت تالنت :d:smilie47:
مير الشكوىآ لله من بدى رمضان لين خلص وانا مانوم الا 8 الصبح :D
وان نمت كل شوي اصحى مدري ليه :D .. كأني وحده تقوم ترضع ولدها :D الشكوىآ لله بس ..
جالس أكتب هالموضوع وحاط السماعات بأذني :D واسمع انشوده فرشي التراب يضمني :d ..
على كل حال يامشرفنا لاتغير عنوان الموضوع :d نبي نجمع العالم ف المجلس:d

سبحانك اللهم وبحمد أشهد أن لا إله إلا انت استغفرك وأتوب إليك ..:rose::d

@meshal_s9 :d

مسلخير يا مشعل :smilie47:

كل عام وانت بخير يا مؤرخ برامج الإعلان عن العيد في التلفزيون السعودي :d

وأبشرك .. بنت الاجاويد نجوى بنت طوني ال كرم من فخيذة الشحرورة تبلغك التهاني والتحايا وتقول لك : انها لا زالت على العهد والوفاء وهذا السيف وهذا الميدان .. ومن شان هيك بدبكلك ها الدبكة يا دلي :d

يعطيك العافية

نجوى كرم عيّت تعجّز ..
الظاهر ما راح تعجّز إلا إذا ماتت صباح !

سبحان الله ما يمديني أحب وحدة إلا وتطيح من عيني .. كنت أحب
نجوى كرم لأنها محترمة .. صح شوي من صدرها كان باين بس كنت
أقول اختلاف ثقافات :s2::smilie47:
لكن بعد كليباتها الأخيرة كرهتها كره لا يعلم به إلا الله ..

اكتشفت إن الشيبان دايم على حق !
حتى خقتهم على حق .. ما فيه فنانة محترمة غير سميرة توفيق !
بس يعجبني فيهم يهايطون علينا قلوبنا صافية ونحب على وضح النقا ..
وهم غمزة من سميرة توفيق تجيب روسهم وشلون لو قالت لهم هيت لكم؟ :s2::smilie47:


على العموم .. أبارك للعضو النصراوي عالمي وعزومي قوية المنصب الاستشاري بالمجلس العام ..
وأخيراً مجلسنا صار مخترق .. بكرة منار الرياض تلقونها تكتب عندنا :s2::smilie47: