مشكلة الطقم راح تتكرر
 

مشكلة الماركات العالمية مثل نايك ماتاخذ تصاميم من الجمهور

وجهة نظر خاصه فيني أتمنى اشوف طقم الهﻻل هالموسم يكون تيشيرت أزرق وشورت ابيض مثل أطقم الهﻻل القديمه

ملينا من الأزرق الكامل

يالبى والله نفسي اقول هالكلام وسبقتني
ولا تنسى الشراب ابيض
الازرق كامل يخليك تحس اللاعبين قصار مرره وخاصه بالشراب الازرق والله تقول مالهم سيقان :)

أفضل طقم للهلال في وجهة نظري هو طقم 2012 - 2013

الهلال متعاقد مع نايك .. ومستحيل بسوي طقم خاص لعيون الهلال
انا اشوف فيه شركات ثانية غير نايك واديداس وكلها تصاميمها افضل
بوما مثلا وفيه شركات قد طرحها الاعضاء

مشكلة ثانية ان الاطقم دايم تجي وااسعة ع اللعيبة .. اتمنى يشوفون لها حل

مثل ماذكر في البداية ان الشركات العالمية عندها تصاميم جاهزة تطبقها لكل الاندية المتعاقده معها
والشركةعندها مصممين ماراح تاخذ تصاميم من جماهير ومشجعين ابدا .

وشوف طقم الاندية العالمية اللي متعاقده مع نايك وتأكد ان طقم الهلال راح يكون نسخة كربونية منها .

المشكلة اللي مانبي نمر فيها هي ان الموسم لايبداء والطقم ماتجهز مثل ماصار قبل العام وقبله .
ياليت الطقم يجهز بالثلاث نسخ قبل بداية الدوري ويتم عرضه في مؤتمر ويباع في نقاط البيع والتوزيع

وان شاء الله يكون طقم لايق وتصميم مبدع

تحياتي

الادارة اعلنت ان هذا الموسم بتشتري اطقم جاهزه.. والموسم القادم سيكون تصاميم خاصه بنادي الهلال..

يا أستاذي ماهي على كيف الادارة الموضوع بيد الشركة الي توفر الملابس هي الي تعطيهم

تصاميم يختارون منها

الحلم الازرق دايم تتكلم عن الشي الي ابي اقوله

اقسم بالله كنت افكر يوم قريت الموضوع ان الشورت يكون ابيض وقريت ردك على طول ....

اتمنى يكون الشورت والشراب ابيض والفنيله زرقاء مثل مباراتنا قدام النصر قبل سنتين

والي يقولون متعاقدين مع شركات ما اختلفنا ناخذ الطقم منهم بس طلبنا الشورت يكون ابيض

الطقم ما يجيب بطولات ..

عساهم يلعبون بفنايل بيضاء .. أهم شيء يحسمون البطولات

ما نفعتنا الأطقم ثلاث سنوات راحت ..

-

السلام عليكم...

بصراحه اي طقم عليه شعار الهلال راح يكون جميل ومرتب
والاعبين هم اللي يجملون الطقم

مشكلة الأطقم الرياضية عند الأندية السعودية بشكل عام إنك تشوفها تحس إنه الأندية أندية حواري ..
و على وقت الحواري والله كانت أطقمنا مرتبة و مفصلة تحس فريقنا أوروبي مهب سعودي :d

أنا ما أدري متى المسؤولين السعوديين يقتنعون إنك إذا تبي دوري ناجح و يجذب الناس تشوفه إنه لازم يغطي الأشياء الدقيقة هذي ..
الملاعب .. أطقم الأندية .. أسماء اللاعبين بقمصان الأندية .. الأرقام تكون مطبوعة بشكل احترافي مهب شغل البطحاء ..
والأهم .. الاعلان على قميص النادي .. ياخي بعض الاعلانات جايب لك قماش و مخيطة بالغصب على الفنيلة ..

والله أشياء بسيطة بس تعطي الدوري نكهة عالمية .. ولازم رئيس الاتحاد السعودي يلزم الاندية بالاحترافية بمثل هالامور

ولا أقصد الإهانة والله و كل الفرق على عيني وراسي .. بس شف اندية مثل العروبة او نجران و غيرها .. بالله نادي ما يقدر يدفع مبلغ 50 ألف ريال بالسنة على ملابس عليها العلم ؟! ..


شوفوا دوريات شمال افريقيا .. مع ان انديتهم اقل قدرة مالية من انديتنا .. الا ان اطقمهم تحسسك انك تتابع دوري أوروبي

خذ لك أمثلة بسيطة على ترتيب الطقم والإعلانات عليه ..

1- الترجي التونسي

http://i.kooora.com/?i=albums%2Fmatc...o_dsc_0049.jpg

2- الصفاقسي التونسي

http://www.albawaba.com/sites/defaul...CS_SFAXIEN.jpg

3- الرجاء المغربي

http://www.vetogate.com/upload/photo...00x282o/16.jpg

4- الوداد المغربي

http://img.youm7.com/images/NewsPics...1115151458.jpg


-------------------------


هذي فقط أمثلة لأندية ماعندنا المادة مثل اللي عند انديتنا ..الا انها احترافية .. و ارجع لأطقم الأندية عندنا ..