الحين بدينا بالتشويش على الاعبين وعلى الهلال قبل المعكسر بهذي المواضيع ؟؟

وايش المشكله لو تساوو الفريقين تراه مجرد اعلان مو انجاز او تصنيف عالمي

هم صحيح نادي فقر لكن للاسف اخذو بطولتين وهذا اللي خلاهم تحت مجهر الشركات الراعيه

اتركو المواضيع الاداريه للاداره تحت قياده الرجل عبدالرحمن بن مساعد

واحضرو التمارين وشجعو الفريق وان شاء الله الهلال يبيض الوجه

خلو الاداره تركز بالملعب

وخلو الدنيا ان شاء الله تشب برا م علينا منها

ياجماعة الخير يالشقردية
لاتشغلون بالكم بالله بالفرق الثانية .. خلونا في هلالنا وبس

لو موبايلي قدمت للهلال 500 مليون وقدمت للرائد 500 مليون بنقول لها لا ؟؟

المهم فايدة الهلال ولايعنينا كم تقدم لغيرنا . موبايلي حرة بفلوسها والمهم عندنا اننا ناخذ الحد الاعلى في الدعم وبس.

بدون زعل مايرضيني اشوف هلالي شايل هم فرق ثانية وفي الفترة الاخيرةزادت هالظاهرة في تويتر وصرنا مثل جمهور الجار في العشرين سنة الماضية كل همه الهلال .

لاتزعل من وجهة نظري وتقبل تحياتي

المفروض مفاوضة stc
والتوقيع معهم لإزاحه موبايلي من الصورة... ورجوع جميع الهلاليين ل stc
والخسائر الكبيره من وراء هذي النقله بتربيهم والغبيني الفقراوي حقهم.. وتعلمهم من هو الهلال..
موبايلي تغطرست ونست منهو الي حطها بالصوره.. اتوقع الوقت جا نرجعهم للقاع ثاني..

إقتباس الرسالة الأصلية كتبت بواسطة hilalicanada المفروض مفاوضة stc والتوقيع معهم لإزاحه موبايلي من الصورة... ورجوع جميع الهلاليين ل stc والخسائر الكبيره من وراء هذي النقله بتربيهم والغبيني الفقراوي حقهم.. وتعلمهم من هو الهلال.. موبايلي تغطرست ونست منهو الي حطها بالصوره.. اتوقع الوقت جا نرجعهم للقاع ثاني..

بتفهمني ان الاداره اذا وقعت مع stc الجماهير كلها بتغير ؟؟ ههههههههه

ياخوي ترا ايام باقه الزعيم في موبايلي واسعارها المميزه نص الشباب عندي اشتركو فيها

وفيهم الاهلاوي والاتحادي والنصراوي والشبابي

العالم يبون عروض جيده وبيشتركون ومابيفكرون هذي هلاليه ولا نصراويه

ارتقو بالتفكيير شوي

إقتباس الرسالة الأصلية كتبت بواسطة الــــزعــــيـــم911 بتفهمني ان الاداره اذا وقعت مع stc الجماهير كلها بتغير ؟؟ ههههههههه ياخوي ترا ايام باقه الزعيم في موبايلي واسعارها المميزه نص الشباب عندي اشتركو فيها وفيهم الاهلاوي والاتحادي والنصراوي والشبابي العالم يبون عروض جيده وبيشتركون ومابيفكرون هذي هلاليه ولا نصراويه ارتقو بالتفكيير شوي

لا انت اللي ارتقي بالتفكير ، انا اشتركت بباقة الزعيم مع موبايلي وطلعت شريحه موبايلي ، عشان الهلال ، ولا استفدت من اي عرض ولا ادري وش هو ، و كل اخواني واصحابي اللي يشجعون الهلال علمتهم عن الباقه ، و طلعوا شرايح موبايلي واشتركوا ببقاة الهلال، وانا اعرف نصراوي كاسر شريحة ولده عشانها موبايلي ، ولا يطلع الا اتصالات اوزين لعياله ، يكفي ان اول شهر اشترك في الباقه فوق العشرين الف هلالي ، باعتراف موبايلي نفسها ، القوة الشراءيه موجوده بالجماهير الهلالية اكثر ، لان الهلال اخر عشرين سنه لم ينقطع عن البطولات ، والتوقيع مع النجوم، لذلك فئة المراهقين و الشباب سيطر عليها الهلال ، وهي اكثر فئه استهلاكيه ، وبالذات في قطاع الاتصالات.

لابد الهلال يكون راعيه موبيلي لانه عشرة عمر

اتصور ان موبايلي تعرف اهمية الهلال وفي البداية اتفقت مع الهلال على العقد
و عدد كبير من الجماهير الهلالية اخذت ارقام من مبايلي
الان موبايلي يمكن في حساباتها ان عدد من المشتركين لن يغيروا ارقام هواتفهم لصعوبة
ذلك فمثلا انا من عائلة كان عندنا ارقام الاتصالات يوم اتفقت موبايلي مع الهلال
قمنا كلنا بتغيير الارقام الى موبايلي هالحين مشكلة اقناع الجميع بالتغيير الى الاتصالات يعني في حسابات موبايلي انهم اذا راحوا لفريق اخر يكونون قد كسبوا المشتركين من الجماهير الهلالية
والمشتركين من النادي الاخر !!!

موبايلي لو كانت ستدفع اكثر لما تركت التجديد
المسألة عرض وطلب والفريقان سيشاركان في اسيا كماان النصر حقق بطولتين بينما خرج الهلال بدون بطولة رغم ان الموسم الماضي هو الاسهل والاضعف في تاريخ الرياضة السعودية لذلك الابتعاد عن العاطفة امر مطلوب مهما قلنا ان هناك دفع رباعي لكن الواقع ان الهلال الذي كان يضرب الخصم مع الحكام لم يكن قادر على فعل ذلك
الهلال لازال يدفع ثمن التخبط الاداري والفني الذي كان عليه الفريق الموسم المنصرم لذلك من الخطأ المكابرة ورفض ٢٥ مليون لن نجد من يدفعها ولو وجدنا فهناك مساحات اعلانية اخرى يمكننا الاستفادة منها

هههههههههههههههههههه جمهور الهلال ينتظر اشارة بس ..وتتكسر الشرايح

المقصد لموبايلي هو مادي وربحي فقط

ومن الظلم أن تتساوى القيمة بين نادي العز والبطولات والنادي الاخر

نتمنى أن لا يؤخذ الموضوع ببساطة بنظر ادارة الهلال

تحياتي لناقل الخبر

عني مو مأخذه موبايلي الا عشان الملكي مجرد ما تتعاقد مع الفقر بنغير لشركه ثانيه

وخلوا الفقر ينفعهم

يعطيك العافيه

إقتباس الرسالة الأصلية كتبت بواسطة هلاليه زي القمر عني مو مأخذه موبايلي الا عشان الملكي مجرد ما تتعاقد مع الفقر بنغير لشركه ثانيه وخلوا الفقر ينفعهم يعطيك العافيه

وانتي كمان يعطيك العافيه ولو كل المشجعين مثلك كان شركة موبايلي ضربت الف حساب للهلال تحياتي للجميع