جميل جداً أن تقرأ ما بين السطور أخي الكريم ..

إن كنت تقصد بأن مقصد سامي هو أن سبب خروجه من الهلال هو الأمير بندر بن محمد فهذا لا يحتاج لقراءة ما بين السطور فالجميع يعرف ذلك منذ بداية الموسم ..

أما إن كنت تقصد شيئاً آخر فأرجو التوضيح ...

كل يوم يتأكد لنا أن إقالة سامي الجابر كانت (((لأمور شخصية)))

الحمدلله سبحانه الذي أظهر الحقيقه أمام الملأ وكشف حرب أعضاء الشرف ع سامي كمدرب خوفاً من نجاحه

سامي الجابر مكانك أووربا هي القاره الوحيدة التي تقدر الناجحين وتدعمهم وليس مثلنا نحطم الناجحين ونجلب الفاشلين لينجحوا ع حسابنا !

كأني اشوف حلقة للمحقق كونان ههههههههههههههههههههههه
ع العموم بالتوفيق لسامي وبأذن الله يرجع لنا بالمستقبل مدرب كبير ويحقق لنا كل البطولات
ويارب يوفق زعيمنا وهلالنا ويحقق البطولات الأربعه الموسم الجاي
<-- من حقي أطمع لإني هلاااااااااااالي

ودي افهم الجميييع ان مثل هالمواضيع ماتفيد بل تفرّق. وبندر بن محمد من عرفناه الى الحين هذي زلته الوحيده" مع اننا مو متأكدين 100٪ان الامير هو سبب الاقاله". فياليت نوحد الصفووف

إقتباس الرسالة الأصلية كتبت بواسطة هلاليه زي القمر من هنا تكتشف ان الامير عنده موقف ضد سامي بما انه ما يرد عليه ولهذا السبب تمت اقالته ع العموم سامي انسان صريح وهم ما يحبون الصراحه سامي كان محب لهم وكان يشكر فيهم مع وقوفهم ضده احيانا وان كان انتقدهم بشي فهو لمصلحة الهلال فقط فقط لا لمصالح شخصيه وان جينا للحق الامير بندر اهمل الفئات السنيه بعد ما كان هو الداعم الاول لهم ومن هنا نشكره على كل نجم خرج على يده يعطيك العافيه

والله اذا كان هناك اشخاص فوق مصلحة الكيان هذي مشكله

اذا لم يكن ابعاد سامي فني مية بالميه فعلى الهلال السلام

كان لي لقاء مع الامير بندر منذ اسبوعين تقريبا

وقال لي بأن الهلال يسير بالطريق الصحيح وستجدون مايسركم في الموسم القادم

لكن لم افهم هل كان كلامه وفق معطيات معينه او مجرد كلام روتيني ينقال بالمقابلات وغيره

الظاهر يبغالنا كاهن يسرد لنا القصه ويعطيني الحقايق كامله ههههههههه

بالاخير من يتحمل هذا كله هو الامير عبدالرحمن لانه استمع للداعمين ولم يستمع لمصلحة الهلال ^_^

واتمنى ان يكون الامير عبدالرحمن قد وفق في المدرب الجديد ^^

اللي استفزني هو الامير عبدالله بن مساعد يوم قال عندي رسائل من لاعبين لايريدون سامي

ومن هم الاعبين اصلا عشان يؤخذ بكلامهم ؟؟

لاعب مثل نواف العابد يتغيب عن التمارين وغير انضباطي مثلا ؟

اتمنى ان يكون شجاع ويذكر اسماء هؤلاء الاعبين ولماذا لا يريدون سامي

وهل الاعبين اصبحو فاهمين تدريب فجأه او ايش بالضبط ؟؟

الأخ كاتب الموضوع المدعو منطق القلم توقيت الموضوع وهذه أول مشاركة لك وأنت مسجل 2009 م خمس سنوات ودي أمشيها بس ماتركب شكلك ماعندك منطق بالمرة لوتكرمت روح لمنتداكم ناديك يناديك سبحان الله أذا طاح الجمل كثرة سكاكينه جمهور مسيار ووجهه لوح

سامي وموضوعه صفحه وانطوت الان مدرب جديد ولابد ان ندعمه واذا عاد سامي سوف ندعمه سامي نحبه ونقدره ونعلم سبب رحيله لكن الهلال اهم

خلاص ياشباب لا تقعدون تفتحون مواضيع ماله اي علاقه

لاتعليييق والله يكتب اللي فيه الخير . . ~

والله قرفتا من المنتدى ومواضيعكم ترى الهلال انهى عقد زاجالو ويوردانيسكو واوسكار وقريتس وسامي تجربه وراحت

باي باي سامي الله يوفقك مع اي فريق كان

إقتباس الرسالة الأصلية كتبت بواسطة نفاش هذا ثاني رد غبي من طفل عنده اجازه ... تعبيرك سخيف جدا

كيف يسمح بهكذا ردوووووووووووووووود
ان تبقى في هذا الموقع
غريييييييييييييييييييب

ياعزيزي هذي المواضيع لاتصلح للرجال لان هذه الأسئلة واعادة الماضي والتعليق عليه ليست من شيم الرجال لان كل شيئ انتهى .
مجالس الحريم والعذر بهذا الوصف لجميع الأخوة اذا لايوجد موضوع جديد او ( حش جديد ) يعيدون المواضيع المنتهية ويعيدون ويزيدون فيها وتوصل حتى الدعاء وتجديد الحقد والبغضاء ، وشحن الناس بين بعضها هذي شيم الحريم .

اما شيم الرجال سامي اقيل وانتهى وشكر الأمير بندر بن محمد وعاتب عليه عدم الرد عليه هل هذا الموضوع يلزم منا التعليق عليه كأنه شيئ يخصنا او يمسنا شخصياً . لان لانعلم مابين الرجلين وربما تجدهم مع بعض الآن ولكن الأعلام فقد ( الخوف من الله اولاً وأمانه القم ثانياً وظلم الناس ثالثاً ونشر فضائح الناس رابعاً الدخول بالذمم خامساً والقائمة تطول .

اخواني لاتنجرفوا وراء القيل والقال ووكالة يقولون لانك محاسب تدخل وتحلل على كيفك مسالة قال وقيل هذي علمها عند الله الأ في حالة واحدة فقط ( شاهدتها بعينك او سمعتها بأذنك فقط ) هذا الذي تستطيع ان تقول رأيك بالأصلاح ان كان في خلل او الستر على الموضوع .

( الناس الآن للهروب من مشاكلها تنشغل في مشاكل غيرها لنسيان مابهم من مشاكل خاصة ) ...

الحذر ثم الحذر سامي قال في حديثه ( انا احد رجالات الهلال ) يعني اخرس المشككيين .

وجهة نظر الرجاء عدم الزعل من بعض الكلمات ربما خاني التعبير ... وفق الله الجميع .. ودمتم ..

لانه سامي انتقد عمل الفئات السنيه وما يحبون احد ينتقدهم