|
الجمال لا يليق الا بالهلال ،، ان شاء الله هلالنا يفرحنا بلاسيويه يارب ،، |
أخوي الغالي مستشار الزعيم لسنا نبحث عن تصنيف وتعودنا على البطولات ولكن من حق فريقنا علينا نقل الأخبار إذا كانت مشرفة تصفح أي موقع فريق سعودي لو فازوا بزوجي السلاحف الاستوائية تجد الإعلام أفرد له صفحات كاملة ولوجدت منتدياتهم تمجد هذه الانتصارات الوهمية .. أنا أحب التفائل وخصوصاً بعد أن عانينا من خذلان من الاتحاد السعودي ولجنة التحكيم هداهم الله ولم يكن زعيمنا سيئاً في الموسم الماضي والله سبحانه وتعالى لم يقدر لنا بطولة تحياتي |
إقتباس:
عكس ما يتصوره المتشائمين الف مبروك وعقبال النتائج الرائعه تستمر مع الفريق وتحقيق زعامة اسيا من جديد |
شاكر لك طرحك الجميل .. وأنا بقول كلام ما أدري يمكن يعجب البعض ومايعجب الكثير أنا ما اعرف من وين طلع هالموقع ؟ يعني بكل صراحة وانا اخاطب العقلاء هنا .. هل من الممكن ان يكون الاسطورة سامي الجابر مدرب يصل إلى المركز 50 مدري 20 عالمياً ؟ وهو في اول سنة تدريب ؟ انا ما اعرف ايش طريقة الموقع في التصنيف لكن فعلاً شيء غريب والاغرب انو ماجاب ولا بطولة هالسنة سامي ولكن برضه تصنيفه في ارتفاع .. هل يعقل يا اخواني ان النصر في المركز الرابع اسيوياً ؟!!!!!!!!!!!! وهو اللي ماشارك بالبطولة منذ اعوام هل يعقل ان الفريق الايراني الخامس ؟ وهو اللي طلع من المجموعات وهل يعقل ان الاتحاد المجتهد في اسيا مايكون ضمن الاوائل ؟ هل يعقل ان الهلال افضل من الفريق اللي لعب نهائي بطولة اندية العالم ؟ كيف الهلال اخذ المرتبة الاولى اسوياً وعربياً ؟! وجوانزو الفريق المرعب الحاصل ايضاً على دوري الابطال السنة الماضية ويمكن اللي قبلها كمان ما اذكر معليش يعني انا بكل صراحة ماني مقتنع في هالتصنيف ولكن يبقى الهلال كبيراً ومانحتاج مثل هالتصانيف الغبية اجل النصر الرابع اسوياً عشانه اخذ الدوري والكاس ؟ ههههههههههه فعلاً شيء مضحك اسمحيلي يالغرام .. معليش ,, انا كان ودي سامي الجابر يستمر كـ مدرب لانه فعلاً صنع فريق قوي في اخر 5 مباريات بدأت نتيجة العمل تظهر ولكن يجيك عضو الشرف يشيله ما انقص من سامي الجابر ولكن حقيقتاً تصنيفه عالمياً ما اعتقد انه صحيح واحس فيها مبالغة فـ رجااء مايحتاج نعتمد على هالتصانيف والمواقع الغبية بصراحة تذكرت الليبراليين لما يستخدموا الفوتوشوب ويقلك سبحااااااااااااان الله خروف مكتوب عليه اسم الله (استغفر الله العظيم ) تعالى الله على ذلك .. والاغبياء من القوم يجيك ويقول سبحاااان الله !!! يا اغبياء الاسلام مايحتاج مثل هالخرافات اللي طلعوها الليبرالية عشان يضحكون علينا في منتدياتهم ماني جالس اقارن وادخل الدين بالموضوع ولكن تذكرت هالشيء ولا اقارن الهلال بالدين ابداً .. ولكن في النهاية انا احس انها نفس القصة واتمنى مايجيني شخص ويقول مندس مندس لاني بصراحة ماراح ارد عليه طفشنا من هالشريط اللي ينعاد |
عقبال المراتب العليا علميا يازعيم لك من تحيه |
يعطيكم العافية. لا شي غريب في الامر. بالتوفيق ان شاء الله والمحافظة على المركز آسيويا وعربيا .... ودخول قائمة ال١٠ عالميا. |
بفضل الله ثم بفضل سامي وليس عبدالرحمن بن مساعد او بندر ونواف بن محمد |
إقتباس:
اخوي العزيز الغالي / المسافر 2009 اخوي العزيز الغالي / العقد الهلالي تحياتي .. هل يعقل بأن يكون تصنيف الهلال الأول آسيويا ومن خلفه بطل النسخة السابقة للبطولة الآسيوية !!!! لو كان التصنيف بعدد البطولات الآسيوية انا اتفق معك تماما .. العام المنصرم ولا بطولة في خزينة النادي على غير المعتاد .. . وبكل أمانة نحن كهلاليين صرنا نبحت عن الوسط الإعلامي لتفريغ الإخفاقات !!! ومن قبل كنا لا نلتفت إلى الإعلام بل كان شغلنا الشاغل داخل المعلب فقط .. ولو تنظر إلى وضع الفريق والإدارة أصبح كله بيانات ..! (وأسفاآآآآآآآآآه) بالتوفيق والسداد لك وللأعضائ ولزعيم نصف الأرض ،،، |
شوفولنا بلاتر ولا بلاتيني علشان يقنع الحبايب اللي ماقتنعوا لأنه شكلهم ماجاز لهم التصنيف |
يستاهل الزعيم مشرفنا بالبطولات والآسيوية وبأذن الله الآسيوية هذا العام لا ترضى الا بالهلال |
إقتباس:
اتشرف عزيزي ان ارد عليك بما اراه اعتقد ان التصنيف يخص الفتره القريبه ولا ينظر للتصنيف الذي سبق في اوقات سابقه بعيده اعلن وتحصل فيه الاوائل في بطولة اسيا بما يستحقون من تصنيف ممتاز فهو تصنيف مجدد وليس تقويم جامد ويقيس الاداء الفنى والتفاعل والابداع الجماهيري الذي تميز فيه الهلال وكان حديث الاعلام واستحق خطابات ثناء من الاتحاد الاسيوي واشارات صحفيه عالميه وانطلاق الهلال من المركز الاخير الى سنام الترتيب يدل على تصاعد المستوى وعدم دخول اي هدف في عدد كبير من مباريات الحسم امام ابطال دول لهم باع في دورى اسيا وتحقيق نتائج كبيره له تقييم فنى خاص العمل الفنى الذي حدث في الهلال اصدائه غالبا تكون في صحف الخارج ويلقى التجاهل هنا لذلك افرح بهذه القفزات التى حققها الهلال وهذا التقييم المحايد الذي لايضره تجاهل الاقربين ويشوهونه في قلوب الجميع هذا التصنيف اتمنى ان يمحو التصنيف المخزي الاخير لمستوى المنتخب بين منتخبات العالم (دائما الهلال جابر عثرات الكرة السعوديه ) وهذين التصنيفين توضح انتصار العمل الاداري في الهلال على العمل الاداري في المنتخب شكرا لك استاذي العزيز على طلب رايي المتواضع في التصنيف الرائع للهلال والقادم سيكون افضل ان شاء الله |
حقيقة موضوع جيد تحياتي لك يا المسافر والله يوفق الزعيم في آسيا |
الله يوفق الزعيم في جميع البطولات |
| الوقت المعتمد في المنتدى بتوقيت جرينتش +3.
الوقت الان » 04:53 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd