|
جماهير الهلال تقاطع في المرمى والادارة تضع اخبار الهلال عنده !! بسم الله الرحمن الرحيم كلعادة تستمر مسلسلات الادارة المستفزه اليوم تابعنا مؤتمر مدرب الهلال ريجيكامب ويتوسط المؤتمر مايك العربية - في المرمى برنامج بتال وتواجد مراسليه ويتم الترحيب بهم من الجاسر الحين جماهير الهلال قاطعته مو عشانك يوم غرد وقال الدب قتل صاحبه وهو يهش ذبابة عن جبينه وكان يقصد عبدالرحمن بن مساعد يوم اختار سامي للتدريب قاطعناه عشان اساء لسامي بابو يمن - وللحميداني ولقطة ختامه حاط صورته على نغمات على الحايط - والناقور ولقطة الباص - ويوم نشر الفتنه بين سامي ومحمد بن فيصل وقضية ايمانا وغير وغيره .. لهذي الاسباب قاطعناه وبالنهاية تجي تحط اخبار الهلال عنده كانك تقول روحو له ولاحطيت اي قيمة لأي مشجع !! نجي للاستقبال الحين ياادارة ويااعضاء الشرف تعرفون تجيبون مدرب ولا تعرفون تستقبلونه زي الناس الرجال يركض وماسكه العسكري والجماهير وراه بمنظر معيب وتستقبلونه بكامري !! ويوم وصل للنادي قهوة وعلب مويه حتى التمر ماحطيتو !! ولا واحد من السته اللي اجتمعو استقبله في مطار ولا في النادي لين راح من الرياض ولا شفنا صورة لكم معه والصحافة تكتب عنه شاذ وعميل وزوجته لعابة قمار ويهودية ولا حياة لمن تنادي الجمهور كل اللي مصبره آسيا ان طارت وطلعنا من السد اللي معطينه 5 مع سامي وطلعنا على يد مدربكم فالموج هيكون عالي يابن مساعد اعذروني على الطيلة وعدم ترتيب الموضوع لكن القلب يشتعل |
صادق والله الاداره ما عندها اهتماااااام الله يعين |
صححححح لساااااااااااااااانك أول مره اشوف ادارة تستفز جمهورها يارب يارب ياكريم عجل ب إستقالة ادارة المثاليه |
اتمنى من الاعضاء الشرفاء تحديد موعد للتجمع امام نادي الهلال ورفع لافتات تطالب بمقاطعة الخبيث بتال وقناته العربيه ونشر صور التجمهر واللافتات في الصحف الالكترونيه .. |
هل أدارةة الهلال فقدة الكرامهه ؟؟ لو وجيهم فيها حياء كان ماسمحوا لقناة العربية تدخل النادي لكن هم راضين بالأهانه من بتال ! أدري أن الأنذار بيجيني لكن خلاص طفح الكيل من هالأداره الفاشلةة ! |
إقتباس:
|
من جد الاداراه مو مهتمه وبنخسر اسيا بسبب الاداره وعدم تعاونها المدرب يبي دعم من الاداره اولا و الجمهور والاعلام ام الكل اذا كان ضده والكل يفكرر بسامي بنخسره كمدرب وبنخسر بطولات فالابد من دعم |
إدارة النادي أستخفت فينا بما فية الكفاية عبدالرحمن بن مساعد والجاسر زودوها حيل ترى راس مالكم نطردكم من النادي الا هينا وكفى بتال الفقراوي لانريدة يتميلح لامن بعيد ولا من قريب كفاية أنة أساء للكيان كثير وهذا عبدالرحمن بن مساعد معتمد علية ويستشيرة بأشياء كثيرة وجميع أسرار النادي عندة لهذي الدرجة ماعندكم غيرة على الكيان والجاسر كفاية أساء لنا أقسم بالله لن ولن نصبر أذا شفنا بتال وبرنامجة يترززون بأشياء تخص النادي ناسين أننا مقاطعينة هو وبرنامجة |
صدقتو ياشباب بالذات هالي اسمه بتال مو نازل لنا من زور ماندانيه مو غصب ياادارتنا تروحون تحطون اهم الاخبار الانتقالات والطقم عنده وش فيه المطيويع وش ناقص ثامر الحميد اذا مافي امل حطو عند الفراج مو لازم نسمع اخبارنا عند بتال وبياناتنا عند العجمه ياخوفي من غضب جماهير زعيم آسيا لن نرمي العلب كبعض جماهير الاتحاد على الفايز لكن سنصبر لين يتدخلون احد رجالات الهلال المخلصين الذين لا يرضيهم مايحصل في زعيم الاندية |
ياشيخ مالك النادي اقصد رئيس النادي مخلي الاعلام الاصفر يسرح ويمرح بالنادي وهو مشغول والجاسر ماغير ساكت واذا ماقدر على احد قام علينا حنا يالجمهور |
كفو ياذيبان والقط شيراز حسبي الله عليه |
السبب بسيط جدا .. يكمن في مثالية وضعف شخصية رئيس الزعيم !! الله يرحم ايام محمد بن فيصل ما كان احد يقدر فقط يقرب على اسم الهلال .. اما في رئاسة عبد الرحمن بن مساعد اصبح جدار الهلال قصير وبمباركة من رئيس القسم الاعلامي الجاسر !! السؤال هل لو كانت العربية قد تمادت في لغطها عل نادي النصر واقيل المدرب هل كان سوف يقبل فيصل بن تركي ان تدخل المؤتمر الصحفي للمدرب الجديد بالنادي ؟ من استطاع الاجابه عل هذا السؤال يعلم الفرق بين الادارتين في الصرامه وحفظ حقوق النادي . |
يا اخوان والله العظيم انا مو في الرياض والا كان ينفرش الوفد الاعلامي للعربيه داخل النادي من الجمهور الغيور عل سمعة الهلال . قولوا كلمتكم يا جمهور الزعيم واطردوا وفد بتول القوس من النادي واتركوا الرئيس المثالي ورئيس القسم الاعلامي .. المشكله انا للحين مادري على ايش الجاسر تم تعيينه رئيس القسم الاعلامي بالنادي وهو واضح انه ضعيف شخصيه ولا يستطيع الدفاع عن نفسه خل عنك يدافع عن الهلال . |
إقتباس:
ليتها تبقى على كذا |
هو فيه أحد يتابع هالقناة ؟ شكراً للكاتب ولمن علّق.. |
إقتباس:
اما انك تدافع عن بتال من دافع الحمية القبليه او انك غير متابع !! لانه مافيه هلالي شريف غيور على ناديه ويرضى بقناة العربيه تدخل اسوار النادي !! |
اتضحت الصورة خلاص ... وتاكدنا من من يسرب اخبار النادي بندر بن محمد وابنه اللي مادري شيبي محمد حسبي الله عليهم ومن خلفهم عبدالكريم الجاسر .. نافخ البووق محمد وابوه هم خلف كل شيء همهم مصلحتهم فوق كل شيء وياتي الرئيس ويقوول نستشير لانهم يحبون الهلال اي حب وهم يحاربون رجالاته ولاعبيه اي حب وهم يسربون اخبار النادي اي حب وهم لا يدعمون ولا بريال واحد اي حب وهم من يسب رجالات الزعيم ورموزه واسياطيرة اللذين هم اعلى منهم شأنا اي حب وهم يطلبون من بتال القذر اهانة رمزنا واسطورة الكرة السعودية لكن صدقني ستندم يارئيس لانك انجرفت خلف اناس لا تحب الا دمار الغريق حسبنا الله ونعم الوكيل وكل خراب قادم هم ابطاله وخذوها مني على فكرة المدرب الجديد جاي تجارة بدليل ان الادارة انهت عقد مدرب الاولومبي بطلب منه وراح يتعاقد مع روماني ..وبكل تاكيد له نسبة من العقد |
اما ان يقاطعون العربية وبتال القوس واما لن نحظر للملعب بتال خطر ع الهلال المقاطعه المقاطعة |
لاتجون وتقولون مذيع تافه ولا فاشل هذا انسان غير نزيه استخدم منبر العربية لمحاربة سامي الجابر والناقور لمحاربة رجالات الهلال الرجاء الضغط ع الاداراة لمقاطعته |
ماينفع الضغط على الادارة بالمنتديات لانها للاسفت همشت ولازالت تهمش الجمهور الهلالي . يجب ان نتحرك ونتجمهر امام النادي للمطالبه باقالة الجاسر وطرد قناة العربية !! |
الادارة هذه للأسف لا تريد الجمهور أن يكون له طرف من حب الزعيم .. حسبي الله على من جعل الهلال هكذا .. |
يارب يارب ياكريم عجل ب إستقالة ادارة المثاليه |
إقتباس:
كلام خطير اخشى ان يكون صحيح !! |
لابد من وقفه قويه تردع هالاشكال ولابد من اجبار الادارة ع الاستقاله يجب ان تكون للجمهور كلمه تحدد مسيره الزعيم لقد طفح الكيل ... |
| الوقت المعتمد في المنتدى بتوقيت جرينتش +3.
الوقت الان » 09:14 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd