اقترب البولندي لوكاس زوكالا مدافع ستيوا بوخارست الروماني من الانضمام الي نادي الهلال السعودي بتوصيه من المدرب الجديد للفريق لورينتو ريجيكامب.

وذكرت صحيفه "سبورت واي" البولندية ان الهلال عرض علي اللاعب الانضمام للفريق مقابل 2 مليون يورو وهو ما يعادل 10 مليون ريال سعودي.

المدافع البولندي "زوكالا"؛ فهو من مواليد 1984 ولاعب أساسي في فريق "ستيوا"، وكان صمام أمان للفريق الروماني.
يذكر أن زوكالا يمتلك عقدا ساري المفعول مع ستيوا بوخارست حتى عام 2016، ويلعب زوكالا بقميص الفريق الروماني منذ عامين شارك خلالهما في 73 مباراة رسمية وسجل تسعة أهداف.

مدرب جديد والاسيويه بالوجه اقل شي نحاول نحافظ على مجموعة الاعبين الي عندنا خصوصنا من ناحية الانسجام بينهم

مركز لايحتاجه الهلال.. عندنا ٢ قلوب دفاع وكلهم ممتازين..
ما نحتاجه الآن هو محور اجنبي مثل بالومينو وظهير ايمن محلي مثل حسن معاذ..
لان بالومينو يلعب محور + قلب دفاع + ظهير ايمن.. وبعدها يصبح علينا سهل استبدال اي من المدافعين بمهاجم هداف او جناح...
حسب حاجه الفريق

وعن مستوى بالومينو:
الجميع شاهد مستوى الاهلي اثناء وجود بالومينو.. وصل الاهلي لنهائيات آسيا.. وبعد ذهابه اصبح يهزم من الي يسوى والي مايسوى

نبي طرف او صانع لعب


وش نبي بالمحور بيصير كل الأجانب دفاع الا نيفيز

ما اتوقع الخبر صحيح مجرد سواليف صحف ويمكن تسويق لبعض اللاعبين ..
المدرب توه يوصل ويبغى يشوف الفريق قبل مايعطي خيآره بخانة كاستيلو كيف يقولهم جيبوا مدافع ..

ممكن مكان ديجاو لا شاف ان المدافع البولندي افضل من مستوى ديجاو مع اني ما اتوقع هالشي ولا اتوقع صحته ابدا ..
على العموم المدرب زي ماعرفنا انه اجتمع بالرئيس امس وطلب مباريات للفريق حتى يشوفها ويرد عليه بالخانات اللي يحتاجها بعد مايشوف المباريات ويحكم على الفريق منها وخلال الكم يوم ماراح يطلب اي اسم حتى يشوف المباريات جميعها اللي اعطيت له ..


الله يفكنا من اخبار الصيف وقروشتها ..
عوافي على التغطيه ..
بالتوفيق للزعيم ..

إقتباس الرسالة الأصلية كتبت بواسطة hilalicanada مركز لايحتاجه الهلال.. عندنا 2 قلوب دفاع وكلهم ممتازين.. ما نحتاجه الآن هو محور اجنبي مثل بالومينو وظهير ايمن محلي مثل حسن معاذ.. لان بالومينو يلعب محور + قلب دفاع + ظهير ايمن.. وبعدها يصبح علينا سهل استبدال اي من المدافعين بمهاجم هداف او جناح... حسب حاجه الفريق وعن مستوى بالومينو: الجميع شاهد مستوى الاهلي اثناء وجود بالومينو.. وصل الاهلي لنهائيات آسيا.. وبعد ذهابه اصبح يهزم من الي يسوى والي مايسوى

عز الله حققنا اسيا دام جمهورنا طموحه بالمينو !!!!!! ويـــــــــــــن ياحبيبي !!

اذا كان هذا اللاعب بدل ديقاو فمرحباً به

ونريد صانع لعب بدل كاستيلو

مع حسن معاذ و معتز الموسى والحمد

والله محي النشاما بأذن الله اسيا في الدولاب

اتوقع انها اخبار صيف او ع الاقل كان عطيتنا صوره من الصحيفة

لكن لو كان الموضوع صحيح فاتوقع المدرب لم يقتنع بديجاو

اظن ان الفريق لا يحتاج قلب دفاع مع كونه يحتاج ظهير ايمن عصري...او جناح ايسر عالي المستوى
هذا من اوله شكله داخل علي طمع هههههه

المهم الله يسهل الاسبويه

إذا كان افضل من ديقاو أنا اشوف مافيه مشكلة

إذا كان أفضل من ديجاو ليش لا ..؟؟

اللي يقول ديجاو لاعب ممتاز يرجع لمباريات الهلال مع النصر

والإتحاد ويحكم بنفسه .. !

مشكلة الهلال إنه يحتاج ( حارس - لاعب محور - ظهير أيمن - جناح أو مهاجم ) ..

بالمحور بالمينو كمحترف .. أو كنو الإتفاق ( محلي ) ..
ظهير ايمن معاذ الشباب .. والكسار بالحراسة

بالنسبة لي أرى ( علي الزقعان ) بديل ممتاز جدا لسالم الدوسري ..
خصوصا إن سالم ماله أي بديل بالهلال حاليا !!


يعطيك العافية ..

الفريق بصفه عامه ماشي صح

والتغيير معروف وين ( المحور الدفاعي )

اتمنى ما يتفلسف المدرب كثير لان مباراة السد مافيها مجال للتجربه

يركز ويقرا الفريق صح لان الوقت ما راح يساعده قبل المباره ، بحكم انه جديد ع المنطقه




لاهنت اخوي




يارب وفق الزعيم ~

هذي اخرت المدرب الاجنبي

يسووق للاعبين فريقه الاول يبي يجيب المحور ويبي المدافع

واخر الموسم يقول ظروف عائليه ويمشي لاكن الله يستر
ويمشي الامور على خير

الهلال ناقصه صانع العاب جناح من طراز ويلي

إقتباس الرسالة الأصلية كتبت بواسطة #ابوخالد# اظن ان الفريق لا يحتاج قلب دفاع مع كونه يحتاج ظهير ايمن عصري...او جناح ايسر عالي المستوى هذا من اوله شكله داخل علي طمع هههههه المهم الله يسهل الاسبويه

ظهير ايمن عصري والشهر اني وين راح والمدرب اول مااعجبه من اللاعبين ياسرالشهراني