|
سوف يفشل بسبب الجمهور بسم الله الرحمن الرحيم ياجماعة الخير خلاص تكفوووون كفااااايه. سامي الجابر اسطوره وكلنا عارفين الشيء هذا ولا ينكره الا جاهل... ولكن! اغلب الجمهور الان جالسين يتحسفون على سامي وكانهم يتمنون المدرب يفشل بسبب يريدون اثبات ان سامي افضل. ياجماعه والله ما احد يقدر يشتغل في بيئه مثل هذي، الكل متوقع ان المدرب الجديد بيفشل والكل يتنظر او خساره له علشان يثبت ان كلامه وتوقعه صح. ولكن للاسف كل هذا على حساب الكيان الهلالي. رجاء من اليوم وطالع خلونا نرحب بالمدرب الجديد ونهيء له بيئه صافيه وتساعده على العمل لكي يتحقق النجاح. الكل يريد من الجمهور الالتفاف مع النادي ولكن الجمهور يريد ان يصفي حساباته مع الاداره علشان حبهم لسامي.. اتحدى واتحدى اي مدرب في العالم يقدر يشتغل في بيئه مثل هذي البيئه. تذكرو كلامي زين اذا فشل المدرب بيكون بسببكم انتم. "سامي راح خلاص الله يوفقه، فريقنا محتاجنا محتاجنا محتاجنا" يكفي مواضيع ماتفيد الفريق .. كتبت هالموضوع من القهر اللي في داخلي بسبب المواضيع اللي كلها توقعات بفشل المدرب الجديد ودمتم زعماء |
والله شوف اذا المدرب فعلا ناجح راح يثبت ذلك وراح تحبه الجماهير من اول مبارات لذلك راح نترقب ونشوف محبتي |
شوف مواضيع المنتدى كلها عن سامي وندمهم على رحيله وكان الكوره انتهت خلاص. انا ماني فاهم هل خلاص نبطل تشجيع الهلال والا وش السالفه بالظبط؟! |
الجمهور اليوم في استقبال المدرب ريجيكامب أثبتوا أنهم وضعوا الماضي خلف أظهرهم, لأنه مهما اختلفت وتعددت وجهات النظر في البيت الهلالي ففي ساعة الجد الجميع على قلب رجل واحد |
صراحه افضل موضوع قرأته وياخوفي يكون هالشي على مستوى اللاعبيين لاني سمعت عبدالله بن مساعد يقول هناك لاعبيين لايرغبون ببقاء سامي يعني هل يقوم اللاعبيين المؤيدين لسامي بالتخاذل مع المدرب التجديد لاحراج الاداره في قرارها وخاصه ناصر الشمراني ونيفيز هنا يجب علينا الالتفات حول الكيان وترك اي شي اخر |
المدرب عنده مقومات النجاح بأذن الله اللي يقهر شوي اني اجلس مع هلاليين يقولون ياليتنا نطلع من اسيا عشان يقولون للأداره شفتوا لو مخلين سامي كان خذيناها !! مدري وين وصلت مراحل التفكير عند البعض |
النظرية اللي نتبعها هي : الهلال اولا احترام قرارت الادارة احترام اعضاء الشرف |
الإدارة تفكيرها كل يوم يتغير والدليل المدربين سامي نجح مع الهلال في الاسيوية وهذا المهم نبغى مدرب للاسيوية ما نبغى مدرب يجيب البطولات المحلية ملينا من كلام الناس بطولاتكم نسخة قديييمة ومدري وش بالنسبة للمدرب الجديد لازم يأخذ فترة اعداد والله يعين أتوقع اذا جبنا اسيا راح تكون اجتهادات لاعبين فقط وليس تكتيك مدرب والسبب انه يحتاج فترة اعداد :) |
مجهز العصابة قبل الفلقة والمتهم قبل التهمة الجمهور هو من سيكون سبب الفشل ليش بيحدونه بالسيارة قبل وصوله للنادي الملعب والحضور الجماهيري سيجعل هذا المدرب يعمل مسوين هاشتاقات بإستقبال المدرب ومطالبة بالحضور الجمهور وبعدين من متى الجمهور يستقبل مدربين بالمطار من متى صارت؟ حتى الجابر بدايته مع الهلال كانت حذره وفيها ترقب من الجمهور وبدأ التصاعـد في الدعم من يشكك بالجمهور يا إنه لا يثق بقرار التعاقد أو أنه لا يثق بالجماهير ........ والثانية هي المصيبة هذه لغة جاسرية بدأت تنتشر بالمنتدى .......................!!! الجمهور هو سور الهلال العظيم .................!! وعندما تبدأ الحملة النصراوية على المدرب ستجد الجمهور يدافع عنه !!!!!!!!!!!!!!!!!! اتركوه هذه اللغة وهذه العدوى التي انتقلت من المركز الإعلامي للشارع الهلالي |
راح مدرب محترف وجاء مدرب محترف خلاص لايكثر خلونا نركز في الاشياء الي في صالح النادي |
أما أن تحضرمدرب له وزنه وثقله وأسمه وخبرته ويشهد له الجميع أنه رقم صعب في عالم التدريب أوأن تتحمل مايصلك من لوم وعتب عند فشله أوتوقعات بفشله قبل مجيئه فالقاعدة تقول من يطلب الحسناء لم يغلها المهر قلنا قبل إقالة سامي وقبل التعاقد مع المدرب الجديد أما مدرب عالمي بكل ماتحمل الكلمة من معنى أوالإبقاء على سامي وعدم إحضارمدرب عالمي وعدم الابقاء على سامي باعث لكل التكهنات ومن حق الجمهورالهلالي أن يعبرعن الرأي بالكلام بعد أن أستبدت الإدارة بقراراتها بالأفعال وفعلت مايحلو لها |
مع كل التقدير أخي المدرب الناجح هو من يجذب الجمهور وهناك فرق حققت نجاحات بدون جمهور وعندك الشباب مثلاً . وحبذا لوالجميع يترك سالفة المدربين والجمهور والإدارة وأعضاء الشرف ونركز على أمور اخرى حتى يفرجها ربك وكأس العالم على الأبواب |
إقتباس:
أما وكالة يقولون مالهم سوى كلام يقولون ,,,, |
إقتباس:
وتعتقد أنهم هلاليين حقيقيين هذول جماهير أفراد وإلا كيف مشجع هلالي يتمنى هزيمة فريقه من أجل من ذحبهم هيامه ولكن الزعيم أكبر من عقليات من لايريد الخير لفريقه ولايتشرف بهم |
إقتباس:
اذا دعمنا المدرب قد يساعده انه ينجح في وقت قصير بدون مايحتاج الى فترة اعداد طويله. اما اذا صرنا ضده حتى لو جلس 5 سنين فترة اعداد لن ينجح. تحياتي لك وشكرا على مرورك |
| الوقت المعتمد في المنتدى بتوقيت جرينتش +3.
الوقت الان » 06:24 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd