الكل منصدم من ماحدث من احداث غريبه داخل البيت الازرق
1 اقالة المدرب سامي

2 الاعلام الاصفر القذر ومعرفته بأخبار الهلال قبل الهلاليين انفسهم

3 بيانات غريبه وكلام سخيف عن الاحداث هذي

4 تغريدات مزعجه من مصادر بعيده مثل تغريدات المدرب الروماني

اعرف ان اقالة سامي صدمه مدوية بالنسبة لي وﻷغلب المشجعين للهلال واستغرب من اللي يطلع ويقول انتم مشجعين لسامي وليس النادي .
طيب الحين اقالة سامي هل كانت فنيه ام تصفية لحسابات شخصية لاتجاوب هنا جاوب بينك وبين نفسك لانك اكيد بتكون صريح مع نفسك بدون مااحد يدري غير رب العباد سامي ابن النادي وقبل كذا ابن البلد والوقوف مع ابن البلد شي اكيد
مثال بسيط مدرب النصر السابق اول موسم معاهم ماسوا شي لادوري ولا كاس ولا اسيا ومع ذلك وقفوا معاه وهو اجنبي وجاب لهم بطولتين وحده منهم من امامك لاتجي وتقول لانها من امامنا اخذها لان الهلال اخذ نفس البطوله من امامهم العام الماضي ومع ذلك صبروا
السؤال دام مثل مايقولون انها مسأله فنية ليش ماصبرتوا عليه ؟
الرساله اللي وجهها بندر بن محمد للجمهور مع احترامي للجمهور هي لاتنقسموا عشان النادي ولازم نتحد من اجل مصلحة النادي لو ياسيدي في انقسام بين الجماهير كان مالقيتهم متحدين مع بعض ضد قرار الاقاله هذا والغريب انك ماتطرقت لعمل سامي فيه وابنك على طول تغريدات تهكمية على سامي وكأنه احد اعداء الدوله ولاكأنه سعودي وفعلا الفئات السنيه انت موفاضي لها لمرضك شفاك الله والمسلمين ولا كذا كان لقينا اظهرة وقلوب دفاع ممتازين مارحنا جبنا الحافظ ولا عطيف من الخارج العمر له احكام لك افضال محد ينكرها لكن آن الاوان للراحة .

المركز الاعلامي اللي يعطي الاخبار متأخره بعد ماتنتشر بسرعة الحريق على تويتر من متى والاعلام الاصفر يطقطق مع احترامي للتعبير ويتحدى وبلغة الواثق ان قرارات الهلال كلها عنده بتال جاب موضوع المدرب الروماني ولسه ماوقعوا معاه وكان متأكد والمريسل يتحدى اذا سامي عدم استمرار سامي وانه اذا استمر بيقفل حسابه واذا غادر ماراح يكتب 3 ايام بتويتر وصار الهلال ومحبيه مسخره عنده ومركزنا الاعلامي طلع امس واعلن الاخبار اللي الناس عرفتها من اسبوع على امل انها تكون مجرد اشاعات عشان تغطي صفقه مدويه للهلال تفاجئ بها الجمهور لكن حدث العكس وتم تأكيد اخبار الاعلام القذر الاصفر

عبدالرحمن بن مساعد ان اللي صاير بعهدك ماصار بعهد اخوك اللي كان اسوأ فتره للهلال لاانت اللي طلعت تدافع عن الهلال ولا الجماهير ولا انت اللي حضرت لمباريات الهلال الهامه وكل الوقت بره البلاد عشان الرعايه مجهود تشكرعليه بس تخيل اب بعيد عن عياله طول الوقت والاب بس يعطي فلوس كل شوي لعيال بيته ويسأل عنهم بالجوال بس ها وش سويتوا اليوم ايش تتوقع من عياله اكيد بعضهم بيضيع ويستهتر والبعض راح يحاول يصلح من اخوانه بس مو مثل اﻷب احضر حتى لو بالمنصه مو لازم جنب اللاعبين في الدكة حسسهم بأهميتك لانك انت اللي بوجه المدفع قدام الكل

الزبده يااداره واعضاء شرف وخصوصا بندر بن محمد احنا جمهور لم ولن يتفكك ودائما على الحلوة والمرة مع الكيان واقالة سامي ومشاكل الاعلام الحاصله هي جزء ممايحصل للكيان الهلالي وعمرنا ماكنا مع شخص على حساب النادي لكن ماحصل سيظل في ذاكرة الشارع الرياضي وخصوصا الهلالي لان اقالة سامي امر مدروس مسبقا وليست فنيه با شخصية ﻷن سامي لو مشكلته فنية بحته كان هو اول واحد اقال نفسه واعتذر لانه شجاع وشفناه لما كان يخسر يخرج للناس ويتحمل المسؤلية لوحده ولاقد قال اللاعبين خذلوني.

اللهم وفق الهلال يارب

للاسف هذا مايريده الاعلام الاصفر

حيث انه تققل داخل الاداره وصار يعرف اكثر منا

وعملو شغلهم قبل اسيا لما الفريق اشتغل صح ابتدى اللي حاسد

واللي يتمنى الهلال ينهزم ووووووووووو

وكملها بندر ووويبد و ان الشغله حسد ولكن دام كذا

الفرريق بيبقى مثل حالة الفقر سابقا لازم الاداره توكل على الله الان

حتى تبدى اداره جديده ومدرب جديد وان شاء الله تزبط الامور

الاهم الاداره الان توكل على الله هم يبوها تخرب والشغل معمول من الاعلام الاصفر المتغلغل في الاداره

إقتباس الرسالة الأصلية كتبت بواسطة برق الحجاز للاسف هذا مايريده الاعلام الاصفر حيث انه تققل داخل الاداره وصار يعرف اكثر منا وعملو شغلهم قبل اسيا لما الفريق اشتغل صح ابتدى اللي حاسد واللي يتمنى الهلال ينهزم ووووووووووو وكملها بندر ووويبد و ان الشغله حسد ولكن دام كذا الفرريق بيبقى مثل حالة الفقر سابقا لازم الاداره توكل على الله الان حتى تبدى اداره جديده ومدرب جديد وان شاء الله تزبط الامور الاهم الاداره الان توكل على الله هم يبوها تخرب والشغل معمول من الاعلام الاصفر المتغلغل في الاداره

انتمنى انها تستقيل بس هل هناك من يستطيع قيادة الهلال اداريا

كلامك جميل وان شاء الله الهلال مستمر ببطولاته وهيمنته

شكرًا لك

الهلال افضل الفرق بالمستوى و بفارق كبير

ضاعت البطولات في الموسم المنصرم لأسباب غير المستوى

منها التعالي على الكرة أو التحكيم

صح النوم... ترى شالو سامي من شهر ولا اكثر... ولا توك استوعبت؟
جابو مدرب جديد... والواجب علينا دعمه...
والمواضيع هذي ما تجيب غير التفرقه بين الهلاليين..
امامنا كاس آسيا... وما نعطي مجال لاي من كان انه يأثر على استقرار الهلال
لازم نحط استقرار النادي من اولوياتنا... ونترك البكاء على مافات..
الهلال كبير... ودائما ما يثبت لنا انه يستاهل انا نشجعه...
وما تفرق لو شالو مدرب كبير.. وجابو مدرب اكبر منه...
احنا في مرحله مهمه وصعبه... لابد الجميع يستوعب..
وما ظني في هلالي يرضى يكون عاله على فريقه... و يسبب مهاترات وضغط على النادي بسبب بكاء على سامي
سامي راح من زمان.. ارضى بالواقع.. ادعم المدرب و اللاعب الجديد.. وتمنى الافضل للهلال..

حتى يعود هلال زمان يجب خروج من غير ملامح البطل وأضعف الزعيم إعلاميا ونفسيا داخل وخارج الملعب لم يبق إلا الجمهور الأزرق بحماسه وإخلاصه وهو الحل بعد الله في خروج هذه الإدارة الفاشلة

اتصور ان الادارة بدأت بالتصحيح
اولها اقالة سامي
باقي الاعلام يجب ان يكون هناك اعلاميين يدافعون عن الهلال بالمنطق والحجة
اما قولك بيانات سخيفة فانا اتحفظ على الكلام
انا متفائل وان شاء الله يحقق الهلال بطولة اسيا وسعدنا
ولك تحياتي

استغرب الحديث في موضوع انتهى وتم حسمه ولاتفيد اعادته الا في التفرقة فقط
سامي قد يدرب في قطر وننتظر نجاحه هناك وقلوبنا وقبلها دعواتنا الصادقة معه وهذه الخطوة كان يجب ان تكون قبل الهلال
عموماً وجهة نظري ان الادارة لديهااخطاء كثيرة تم علاج احداها بالتعاقد مع جهاز فني وجلب لاعب محور رائع ولازلنا في الإنتظار

إقتباس الرسالة الأصلية كتبت بواسطة عذب السجايا استغرب الحديث في موضوع انتهى وتم حسمه ولاتفيد اعادته الا في التفرقة فقط سامي قد يدرب في قطر وننتظر نجاحه هناك وقلوبنا وقبلها دعواتنا الصادقة معه وهذه الخطوة كان يجب ان تكون قبل الهلال عموماً وجهة نظري ان الادارة لديهااخطاء كثيرة تم علاج احداها بالتعاقد مع جهاز فني وجلب لاعب محور رائع ولازلنا في الإنتظار

ليتك قبل ماتستغرب ياسيدي الفاضل تكون شفت تاريخ الموضوع

إقتباس الرسالة الأصلية كتبت بواسطة hp_sa ليتك قبل ماتستغرب ياسيدي الفاضل تكون شفت تاريخ الموضوع

اعتذر اخي الكريم لم انتبه لتاريخ الموضوع

اي صدمه ياعزيزي ؟ الصدمه اننا خرجنا من الموسم خاليي الوفاض
المدرب اعطي كل صلاحيه ليفوز ببطوله ولكن خرجنا ثلاث مرات متتاليه
سؤال / لماذا لم يدعم المدربين قبل سامي دول وهاسيك وكمبواريه وجميعهم مدربوا الزعيم ؟ هل عندما تولى سامي التدريب اصبح اهم من الهلال ؟

اقووول المعسكر بدى او بيبدى بعد كل يوم هذا كلام كله ماخوذ خيره
وحنا نشجع الهلال ولا يهمنا غيره ولا اعلام يقدر يجيب بطوله

إقالة سامي تصفيه وربعك يبك تمدحهم تمدح المدرب على طول اقاله والامثله كثيره كالديرون يوم شالوه الاعبين. من بكره كرشوه مع ان منتخبك ذاك الوقت ولاخساره بس لا انه ما أخذ نور طيروه خليل الزياني مدرب سعودي وجاب اسيا همشوه وكانه ماسوى شي وسامي متئكد اننا راح نندم عليه وعبدالله بن مساعد الله يبعده عن الهلال ماطلع اسرر الهلال الا هو وبتال اخبار الهلال تجيه عن طريقه