للأسف لابد من الرحيل يا كوتش
 

السلام عليكم ، لنا اكثر من اسبوع وحنا مو عارفين اذا الكوتش ماشي ولا جالس ، واغلب الأخبار متناقضة مصادر تقول انه جالس ومصادر تقول انه ماشي . انا عن نفسي كنت من أشد المعارضين لإقالة الكوتش لأسباب كثيرة لكن أهمها هو الاستقرار الفني للفريق لكن بعد الأحداث اللي صارت هالاسبوع غيرت وجهة نظري في الموضوع الان من مصلحة الفريق اولا وسامي ثانيا انه يترك الفريق لأن كما هو معروف ان اغلب أعضاء الشرف معارضين لبقائه وهالشي راح يشكل ظغط نفسي كبير على الكوتش اذا استمر وراح يهز ثقة اللاعبين في مدربهم للاسف ، والفريق بعد هالاحداث كلها هو اللي متضرر سواء استمر المدرب او أقيل لكن إقالته راح تكون اخف ضرر للفريق من وجهة نظري يعني بالعربي الفأس بيطيح بالرأس من بدري وكذا افضل من تأجيل السقوط الى بداية الموسم الجاي فأرجو من الادارة الإسراع بإنهاء الموضوع لمصلحة الفريق . سامي كان ولا زال أسطورة الهلال والسعودية ويكفي انه اشغل الهلاليين وغير الهلالين لكن رحيله واجب .

ملاحظة : اغلب الهلاليين في المنتدى وانا كنت منهم يفكرون ان سبب اعتراض أعضاء الشرف لبقاء سامي هو سبب فني ولكن اللي عرفته من أشخاص قريبين من البيت الهلالي ان السبب غير فني ابداً وماله علاقة بمستوى الفريق والله اعلم .