|
بقاء سامي vs المدرب الروماني الجديد بسم الله الرحمن الرحيم هاذا اول موضوع لي في هاذا المنتدى الجميل... وانا بصراحه ما كنت ناوي اكتب لكن كثرت المواضيع اللي تسد النفس تجبر الواحد احيانا انه يتكلم. اولا ... هل انا مشجع هلالي!؟ بصراحة بديت اشك في نفسي ههههههه لاني اريد بقاء سامي ... وذلك من اجل الاستقرار وجني ثمار الفريق اللي صنعه سامي واللي بين في اخر المباريات ... ومنها ايضا دعم لابن من ابناء الوطن ،،. فالرياضة هدفها الاول بناء المجتمع!! وسامي او غيره من المدربين الوطنيين هم ابناء هذا المجتمع ويكفي انهم مسلمين.... فمن واجبي دعمهم وتفضيلهم على الاجنبي خصوصا اذا كنت ارى بوادر للنجاح واللي بينت في اخر خمس مباريات. ولكن.. وللاسف... هاذا التوجه والدعم لسامي وامثاله خلاني اشك في هلاليتي لاني اشوف الجماهير الهلالية تناديني بطفل سامي. واني افضل سامي على الكيان.. واني اريد فشل الهلال!! ولا يهمني سوى نجاح الحبيب سامي؟ المشكلة الادهى والامر ....اني ايضا لا امانع ان الادارة تتعاقد مع مدرب يكون فعلن على مستوى عالي بششششررررط انه يوقع شرط جزائي خمسمية مليون (( عشان غصب يكمل الفترةالتدريبية لاننا زهقنا من التغيير... كل ما استقر الفريق .. جاووك عباقرة التدريب وغيروه:ranting: ))... بحيث يستفيد منه الفريق بشكل عام.. خصوصا ان افضل وقت لاحضار مدرب جديد هو نهاية الموسم،، بحيث يستغل فترة الصيف في الاعداد وتجهيز وبناء فريق لا يقهر (( طبعا هاذا شي صعب يتحقق في ظل المنافسة القوية من دول الخليج العربي )) ولكن اذا كان اعضاء الشرف سيدعمون ذلك بكل بقوة ويرون انه الافضل للهلال... فما عندي مشكلة نعم افضل بقاء سامي ... لكن هاذا ما يعني ان استبداله بمدرب افضل بكرهني فالهلال!؟؟ فبالعكس انا اتفهم ايضا هاذا التوجه واتقبله... فسامي حاليا ليس افضل مدرب على وجه الكرة الارضيه وهنا تتجلى مشكلة اخرى...مجرد تقبلي لفكرة استبدال سامي بمدرب افضل وضعتني في محل اتهام اني مندس وابغى الشر للهلال واني لست مشجع هلالي ههههههههه؟!!! طيب والحل يا باش مهندس؟!!!؟؟؟؟؟؟:mad: بما اني متاكد اني مشجع هلالي صميييم اذا فالمشكلة تكمن في عقل من اتهمني؟! سواء كان مشجع هلالي يرغب في بقاء سامي ... او مشجع هلالي يريد استبدال سامي بمدرب افضل اما اذا اردنا ان نعرف اي الجانبين هو الصواب... فلا انا .. ولا اعضاء الشرف ... ولا المشجعين يستطيعون ان يحددوا ما هو الصواب وماهو الخطأ لان الميزان في هذه المسالة ميزان فني بحت ...لا يقيمه الا الخبراء لذلك... اترك كلام المشجعين ... واترك كلام الصحفيين... واضرب بكلامي الحائط وابحث عن اربع فنيين تثق فيهم... ان اشادوا بالهلال واداء سامي ... فادعم الهلال وسامي وان اقترحوا استبدال سامي ... فادعم الهلال بالمدرب الجديد ان كنت تشجع الهلال.. وان احترت ولم تجد الحل الامثل ... فالسكوت احيانا افضل من الثرثرة لذلك سانهي موضوعي بصمت المشجع البسيط واقول الله يكتب اللي فيه الخير للهلال...سواء ببقاء حبيبنا سامي او بمدرب جديد يكتب الله على يده البطولات ((ولو ان البطولة من يد الذيب احلى)) s13s اسف عالاطالة لكن اول موضوع ... ولابد من الحماس :d |
ههههههههاي بداية موفقة ان شاء الله لاأحد يستطيع ان يفرض عليك رأي سواءً تريد بقاء سامي او رحيله طبعاً سلاح مصادرة الآراء هي كلمتي ( مندس ومطبل ) رغم اني ممن يؤيدون رحيل سامي لكن تبقى وجهات نظر فلن يتفق الناس على أمر واحد ابداً كلنا مع الهلال وضد اي مصادرة للرأي الآخر طالما انه لايمس ثوابت الدين واحترام الاخرين |
احسنت القول وما وجدت في كلامك الا كلام العاقل المحب للهلال بس فريق تم تجهيزه وبناء شخصيته واللاعبين تمكنو من تنفيذ فكر المدرب وهذه بداية وليسة نهاية او اخر ما يمكن عمله اللاعبين المبدعين والذين عندنا امثال سعود و ناصر و الشلهوب و تياقو والمدافعين الاجنبيين الان يفكرون وم في الاجازه اجيب مدرب جديد يغير ومتى يفهمون تغييراته |
ماعتقد العقد الجزائى هو السبب لان المدرب بمكانه ان يدهور الفريق حتى تطلب الاداره انهاء عقده بكذا تخلص من العقوبه |
الشرط الجزائي الكبير لو كان المدرب سامي لانه يعشق الهلال بقولك صح اما اجنبي اذا ما يبي الجلسه ماراح يجلس وبيخليك تدفع له مستحقاته مو تدفعه الشرط الجزائي لانه ببساطه بيحوس لك فريقك وبيخليه مهزله عشان تقيله وبذلك ماراح تقدر تخليه يكمل احنا ليش نطالب بسامي لانه من مصلحة الفريق ولو تسألني للان وانا اقول سامي مو مقنع فنيا لكن جيب له مساعد ممتاز واجانب على مستوى وبينجح ولو اقيل سامي من منتصف الموسم كان بيكون افضل من انك تقيله بهالفتره اللي تتطلب الاستقرار يعطيك العافيه |
مصلحة الزعيم في بقاء سامي للبطولة الأسيوية و اذا رحل عمر الزعيم ما وقف على لاعب ولا مدرب نحن جمهور الزعيم ياقوم لندع العاطفة و نوحد كلمتنا خلف الزعيم |
شاكر للجميع التفاعل مع الموضوع وتشرفني ردودكم بالنسبة للشرط الجزائي فقلته من باب المزح ولكن المقصد من كلامي ان بغض النظر عن من سيكون مدربا للهلال الموسم القادم الاهم هو الاستقرار سامي ناجح الى الان مع الهلال قياسا على الظروف وعلى المستويات اللي قدمها الفريق والمستوى التصاعدي اللي شفناه فالاونة الاخيرة. فالاستقرار على سامي مطلب وانا ادعمه شخصيا للاسباب اللي ذكرتها ولكن لا امانع احضار مدرب اجنبي يكون افضل من سامي فنيا بشرط انوا يعطى الفرصة كاملة... موسمين عالاقل بغض النظر عن النتائج عندنا مشكلة مستعصية ... الا وهي الاستقرااار لاحظوا الفرق اللي تصاعدت مستوياتهم في السنوات الاخيرة الشباب النصر الفتح تلاحظ ان الاستقرار كان العامل المشترك بينهم ولاحظ الفرق اللي تذبذبت مستوياتها وتدحرجت للاسفل الهلال الاتحاد والاتفاق تلاحظ انها مرت بعاصفة من عدم الاستقرار والتغيير المستمر الخلاصة انا ابحث عن الاستقرار ... اتمناه بوجود سامي لانه قدم ما يشفع له ولا امانع وجود مدرب جديد اذا الادارة وعدت بالاستقرار الفني وهاذا شي صعب.. ((اذا سامي لا يرحححلللل)) لانه افضل الموجود من ناحية الاستقرار |
إقتباس:
اهلن بك اخوي عذب السجايا برغم من حدة انتقادك احيانا لسامي في مواضيع سابقة الا انك تفرض احترامك باسلوبك الراقي وهاذا يدل على حرصك على النادي اكثر من اي شي شكرا لمرورك وفعلن الظاهر انا يشوفوني مطبل وانت مندس او كلهم سوا بنفس الوقت مطبل ومندس ههههههه الله يكتب اللي فيه الخير للهلال |
| الوقت المعتمد في المنتدى بتوقيت جرينتش +3.
الوقت الان » 01:18 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd