إقتباس الرسالة الأصلية كتبت بواسطة حبر الحب الله اكبر الحين هذا مدرب بطل ومدرب داهيه ... الحين هذا اللي مسوين زحمه عليه اعضاء الشرف عليه وبنجيب مدرب عالمي ومدري وش لا هو من دوري عالمي او دوري قوي مثلا زي قريتس ولا هو مدرب حقق بطولات كبيره مع فرق خارج رومانيا وانتهى به المطاف في الدوري الروماني والهلال بيتعاقد معه مثلا ولا شي . والله هذا مايدل الا لان اعضاء الشرف يدرون ان الهلال ممكن يحقق الاسيويه ومايبون تحقيقها يكون على يد جابر عثرات الهلال ، يبون لهم بصمه لهم فقط لانه كرشهم من التمارين وصار يغلقها ولا ياخذ برايهم ولا يطبل لهم ويمتدحهم .. .

كل السالفه يابعد حيي سامي منع الواسطات في الهلال اي عضو شرف جايب لاعب لازم يلعب لو عشر دقايق من المباراة سامي رفض يتدخلراي واحد في عمله واللي يعطي يلعب وحاول يمد سيطرته على الفئات السنيه هنا ابدت الحرب من قبل اعضاء الشرف ومعروف من يقودهم لكن مانقول الا الله يسامحه كنا نظن انه أكبر من كذا وانه اب روحي للهلاليين

سامي باق .. وفتشوا عن كلام غير ..
خذوها مني .. والاسويه السابعه في الطريق .. وما يجيبها الا الذيب ..

إقتباس الرسالة الأصلية كتبت بواسطة هلالي القلب والهوى هو يقول انه وقع لكن لم يحدد النادي ؟! عموماً اتمنى ان يكون هذا الداهية مدربنا , بدلاً من الكوتش سامي . فالهلال بحاجة لمدرب متمكن لا مدرب مبتدئ مع حبي واحترامي للاسطورة سامي

والله انت المبتدى مدرب فاشل بكل معنى كلمة وش انجازات عشان يجي الهلال خدمته في التدريب 7 سنوات وحقق السنه الماضيه الدوري الروماني دوري اقل من عادي

إقتباس الرسالة الأصلية كتبت بواسطة محامي بندر بن محمد أحنى مو ضد المميز للهلال ولكن سامي غير أبو عبدالله لو أستمر لأطول فترة ممكنة راح نشوف الفرق سامي رجل عندة غيرة على الكيان ومجتهد لو نلاحظ مع سامي الكل يتمنى الهلال الأن مثل مانشوف بتويتر خالد البراهيم يعلنها حمد الحمد هلالي وبرضو يقول حسن معاذ بالطريق يعني أكيد سامي لة نظرة بلاعبين هؤلاء لأنه يعرف أنهم كفو وراح يخدموننا لسنوات لو أتى مدرب لايعرف المنطقة هل سيطالب بفلان وعلان هل بيعرف الخصم اللي بيقابلة طبعآ لا سامي أول سنة تدريب والأن أصبح عندة الألمام التام وبرضو ماننسى خبرتة الطويلة بالملاعب سامي يحتاج يدعم الفريق بحسن معاذ وحمد الحمد وكنو ولاعب أجنبي طرف مميز ويحتاج الصبر ثم الصبر ثم الصبر

انت تبي نتكلم باماني وأحلام اذا كذا فحلمي ان الهلال يجيب كل البطولات حتي لو بدون مدرب ماعندي مشكله
لاكن الواقع غير لو كان سامي علي قولتك عنده الالمام كان مافرطت مننا ثلاث بطولات بموسم واحد وحنا نتفرج
لو كان سامي عنده الالمام زي ماتقول احسب وبواقعيه عدد اللاعبين الي جابهم الفريق بتوصيه من سامي واغلبهم ما لعبو مع الفريق الاول جو وجلسو بس كذا
وعلي رأسهم الحافظ وعطيف والقائمه تطول من اجانب وسعوديين احسب
عدد وكم اللاعبين الي تهمشو با الفريق وهم كان لهم ثقل ومستوي وعلي راسهم العابد والقرني
سألتك با الله فيه مدرب واثق من نفسه يقنعه لاعب كسعود كريري او عبداللطيف الغنام
حتي انه يجيب الاول ويجدد مع الثاني ؟؟
انت شفت استقرار الهلال من دخل سامي اداري واعتماد الاداره عليه بأختيار المدربين وحنا من نكبه لمصيبه ( توماس دول كمبواريه كالديرون زلاتكو ) كل هذولا مرو علي الهلال وزادوه ماساه لحد ماجاء سامي وكملها
يارجل اكثر من 30 سنه اشجع زعيمي زعيم اسيا وهذي اول سنه احس اننا غلابا لاحول لنا ولاقوه
اول سنه يجيني أحساس قبل كل مباراه خوف من النتيجه كنا نجلس نتابع المباراه وانا داري ومتاكد اننا بنفوز كان السؤال كم بنفوز
والحين اجلس والله مادري بننهزم او بتعادل ولا وش بيصير علينا
ياجماعه خلكم بواقعيه انا ماشفت في سامي شي يدعو للتمسك فيه انا افكر في مصلحه الهلال ماهمني سامي ولاغير سامي
والي بيعلق علي ردي ارجو انه يكون علي يقين اني من اكثر الاشخاص محبه لسامي لاكن مو علي حساب الهلال
فريقي اغلا من كل الاسماء الي مرت عليه وبتمر عليه
تقبلو كلامي بطيبه خاطر

إقتباس الرسالة الأصلية كتبت بواسطة الباشا سوداني سامي باق .. وفتشوا عن كلام غير .. خذوها مني .. والاسويه السابعه في الطريق .. وما يجيبها الا الذيب ..

أذا كان ابوعبدالله مستمر فكلنا بندعمه مع رغبتي با التغيير

وان شاء الله الاسيويه تكون من نصيبنا بسامي ولا الروماني ولا سواق الباص اهم شي تجي ان شاء الله فقد طال انتظارها

الله يكتب الي فيه خير للهلال


وبالتوفيق للكوتش سامي