السلام عليكم ورحمة الله وبركاته

في البداية اتوقع لا يغيب عنكم جميعاً يا جماهير الهلال العاشقة المشهد في البيت الهلالي حالياً..لذلك لن استرسل في وصف الاحداث...بل سأتطرق الى نقطة مهمة جداً...


أشاعة إنقسام اعضاء الشرف وانقسام الجمهور حول سامي الجابر...!

القضيه ليست انقسام كلنا نعشق الكيان اولاً ثم بعد ذلك تكون وجهات النظر ربما نتفق وربما نختلف...لكن الهلال خط احمر لا نسمح بالتجاوز عنه...!

من حق اعضاء الشرف المطالبة بإقالة سامي....

من حق إدارة النادي المطالبة بأستمرار المدرب....

رغم انهم مختلفين لكن متفقين على مصلحة الهلال...

لذلك طبيعي يكون الجمهور مختلف في وجهات النظر...وهو حق مشروع..

من يرغب في إقالة سامي عذره ان الهلال تعود على البطولات في كل موسم..وهذا بحد ذاته سبب مقنع في تصورهم الشخصي..وهو امر صحيح!

من يرغب في بقاء سامي يرى ان البطولات هذه السنه كانت محبوكة الاخراج قبل بداية الموسم..وهذا امر صحيح والكل شاهده..!

كل هذا امر طبيعي....ويحدث في كل اندية العالم.................!

لكن المستنقع الاصفر الخبيث له سوابق في الفتن والبلبله والاثاره..!

لو نرجع للتاريخ سنشاهد جماهير سيرت مظاهرات واستدعيت لهم الشرطه هم ذلك الفريق الفقير...!

اول من تهجم على رئيس النادي ووصفه بالحرامي..هم نفس الجماهير..!

اول من حمل كرت احمر في وجهه ما يلقبونه كحيلان..هم انفسهم..!

وتحت قيادة اخبث اعلامي بتال القوس....!

لنا سنوات بتال لم يعمل استفتاء الا حينما حصل فريقه الاصفر على البطوله..!

وهل يعقل ان مدرب الهلال ثالث اسوء مدرب بعد الهابطين..؟ وفي نفس الاستفتاء نادي الهلال ترتيبه الثاني في افضل الفرق..؟

المهم ماعلينا منهم..اللي ابغى اوصله لكم..

لاتنجرفوا خلف هولاء الشرذمه..نحن خلف الكيان بوجود سامي او بوجود مدرب غيره...نختلف في القناعات لكن نتفق في حب الهلال..!

نقطة اخيره....!

استغرب بعض الاعضاء اللي يدعي انه هلالي..وينهش في لحم سامي الجابر..!

انتقد عمله انتقد نتائجه..لكن لاتنكر تاريخه ومجهوده في الهلال..!

استودعكم الله..يا اعظم جمهور عرفه التاريخ...

يدا بيد خلف الزعيم
سامي اسطورة لكن الزعيم هو مصنع الاساطير
لذلك لنتحد خلف الكيان يا أحبه

كلاااااااااااام من ذهب
اصبت كبد الحقيقة
الهلال خط احمر
ومادونه نختلف ونتفق عليه
دمت بالف خير

خل عنك موضوع اعضاء الشرف
شوف المندسين بالمنتدى كل شوي منزلين موضوع عن وقوفهم مع سامي وانهم راح يتركون التشجيع لو مااستمر سامي
تتوقع عشاق الهلال يقولون هالكلام ؟؟
كلنا نحب سامي
لكن اذا جانا مدرب عالمي هل من المعقول نرفضه عشان سامي ؟؟
حدث العاقل بما لايعقل

الإدارة تتحمل كل شيء
بلبلة لا داعي لها
قلنا من العام الماضي مشكلة الهلال في إدارة انتهى وقتها وفكرها .
ولكن نحن مع النادي ومع أي مدرب يدرب الهلال سنقف مع الهلال كما وقفنا معه من الصغر ولا نقول إلا حسبنا الله ونعم الوكيل
ارهقتنا البشوت نريد تخصيص الأندية
والتخلص من بشوتهم وكروشهم

إقتباس الرسالة الأصلية كتبت بواسطة عزتي بشموخي خل عنك موضوع اعضاء الشرف شوف المندسين بالمنتدى كل شوي منزلين موضوع عن وقوفهم مع سامي وانهم راح يتركون التشجيع لو مااستمر سامي تتوقع عشاق الهلال يقولون هالكلام ؟؟ كلنا نحب سامي لكن اذا جانا مدرب عالمي هل من المعقول نرفضه عشان سامي ؟؟ حدث العاقل بما لايعقل

مدرب داج اللي جايبنه بس اللي مطلوب من الجمهور دعم المدرب وادارة الفلس عشان نشوف وش اخرتها

يعطيك العافيه ياصاحب الموضوع كتبت فأوجزت ووضحت

الله يعطيك العافيه
وبالتوفيق للزعيم الملكي

اخوي كلامك عين العقل

لكن صدقني وجود سامي راح يحقق الاسيوية وخاصتاً ان الفريق يمر باستقرار تام في المستوى وبالاخص الدفاع
وبالتالي بمجرد يتم التعديلات في الفريق وانتقالات محلياً ولاعب اجنبي جناج او خلف المهاجمين وبذلك نحقق بطولات في الموسم القادم
واولها الآسيوية اتمنا من الادارة الابقاء على سامي الى نهاية عقده صدقوني سامي له نظرة مستقبلية للفريق

وبالتأكيد نتفق جميعاً على مصلحة الهلال وسامي راح يقود الهلال الى احسن حالاته

بالتوفيق للزعيم

ما نقول الا اللهم طولك يا روح تعبنا والله