السلام عليكم ورحمة الله
اخوكم الهلالي عاشق الزعيم من أمريكا يحيكم من جديد

أول شئ أرجوكم لا يجي واحد ويقولي انت مشجع لسامي ولست مشجع للكيان الهلالي والكلام الي دارج في هذه الأيام ... فأنا يا اخوان اشجع الهلال من حوالي 30 سنه بعني من عمري 9 سنوات وشجعت الزعيم قبل وبعد سامي بل وأني صار لي 22 سنه في أمريكا وما زالت اتابع الزعيم ... قرأت بيان النادي الركيك والذي يبدوا أنه فعلا يمهد لإقالة الذيب!!! ومن ثم قرأت مشاركات من بعض الأعضاء تؤكد إقالته!!!
سؤال بسيط هل هو نادي ام مزرعه؟؟؟؟! كيف يحق لأعضاء الشرف إقالة المدرب؟؟؟ اي احتراف وأي عالميه وأي رياضة وأي تقدم نرجوا من مثل هذا القرار وهو شخصي وتصفية حسابات من رجل أفنى وقته في حب الزعيم؟؟؟ اي مبدأ تم الاستناد اليه ان صح هذا الخبر؟؟؟ هل لانه احتل المركز 22 عالميا في التدريب هذه السنه؟؟؟ هل سيحضرون المدرب الخامس على العالم؟؟؟ ام انهم الان يستطيعون الذهاب لاجازاتهم الصيفية بعد تصفيتهم للحساب؟؟؟ للأسف ان صح هذا الخبر فان الحق كل الحق على سامي شخصيا لانه قبل تدريب الهلال!!! ليس لان سامي اكبر من الهلال ولكن للأسف سامي يعي ان هناك من يحاربه ومن داخل الهلال قبل خارجه...
مدرب حقق الثاني في الدوري والكأس ومع الأخطاء التي حدثت في بعض المباريات فكل من هو عادل يعلم انه ومع هذه الأخطاء فان الدوري والكأس كانوا للزعيم ولكن الله لم يكتبها...
ان صح خبر إقالة الذيب فهي وصمة عار في تاريخ هذا الكيان الكبير فالجابر قدم عمل جبار هذا الموسم وحورب من القريب قبل البعيد!!!
ارجوا ان يكون خبر الاقاله مجرد كلام لاختبار ردة فعل الجماهير لانه ان صدق هذا الخبر فلترحل إدارة النادي غير مأسوف عليها لأن تعاقدها مع الجابر كان أفضل ما قدمته اخر 3 او اربع سنوات...
قال تصويت على بقاء المدرب!!!! سلملي على التصويت !!!!


والسلام ختام.....

ي حبيبي لآ تقولي نتريث م نتريث
الكتاب واضح من عنوانه
يعني لو سامي كان بيستمر ليه م اعلنو ؟
ليه اجلو ؟
كان ابسط مايمكن يقولو سامي مستمر

لكن اللف والدوران والتأجيل فاهمين ليش

سامي رآح ...
وسيناريو الموسم القادم :
خروج الهلال من دور الـ 8
من فرق تافهه زي السد والاتحاد
وبيطلع لنا صاحب اقوى شخصيه في المملكه وبيقول المدرب جديد ولسى م فهم الفريق ولا الفريق فهمه
وقتها اش بتسوي ؟
بتقول صح خلاص وبتقتنع؟

ياخي لو كان مدربنا جفين البيشي و وصلنا لدور الـ 8 ومستوى في تصاعد خليه يبقى والفريق يستقر
مو تروح تجيب اجنبي م عمر امه درب في الخليج

موضوع الانتظار وعدم اعلان القرار فيه علامة استفهام...فإما ان الاداره تنهي التعاقد مع مدرب جديد!! او انها فقط تمتص غضب بعض أعضاء الشرف الذين لا ادري ما هي مشكلتهم مع سامي سوى انه سامي!!

كلامك رائع ونطقت بما يدور في ذهن اي مشجع هلالي واعي ويعي ان الاستقرار الفني مطلوووووب

والجابر لم يفشل في موسمه الاول

متى راح يتم اعلان استمرار الذيب من عدمه؟

بعد الدور الثاني من الدوري و الاسيويه والتصاعد المستمر في المستويات
صار مطلب لي كمشجع استقرار الفريق والابقاء ع سامي
ان جلبت مدرب الان ستتوقف قرابه 3 اشهر ولن تلعب مباريات قويه تحدد مستويات الاعبين
وكلنا نعرف ان دوري جميل يبدا في 20شوال ودور 8 يبداء 24 من نفس الشهر

الاستقرار 30 % من نجاح الفريق

AzraqHilali بارك الله فيك اخوي والله ياخوي والله كلنا نحب سامي كلاعب واداري ومدرب ونفتخر فيه لانه الاسطورة بكل جدارة ونستغرب ونرفض تصفية الحسابات بهذي الطريقه وبهاذا الوقت الحرج جدا مما يدل على الامور مبيته من قبل للاطاحه بالهلال وسامي واشغال المدرب والعيبه عن الاستعداد للمباريات المقبله يعني لاامل بتجاوز دور الثمانيه بقى سامي او رحل بمعنى ياساده ياكرام تم تنفيذ حكم الاعدام وانتهى الهلال ولا تنتظرون يرجع لا هالسنه ولا السنه الجايه لانه صعبه جدا التعافي من هالكارثه لان اللي شاهدناه من روح وتعاون بين المدرب واللعيبه يدل على التالف والمحبه والتقدير لبعضهم وبعاد سامي صدمه واحباط للعيبه والان وحتى لو بقى سامي فقد قضي عليه وعلى فريقه

والله المشكــــــــــــــــــــلة في الإدارة وليست في أعضاء الشرف لوكانت الادارة قوية وواثقة من قراراتها لما تدخل أعضاء الشرف ..

شكرا لك على هذا الموضوع

لماذا أصلاً الإعلان عن بقاء أو رحيل
العقد سنتين قابلة للتجديد سنة ثالثة
لا أرى مبرر لأي إعلان !؟!

ياسلام عليك عسل وموضوعك عسل عقلية تحترم وفعلا صدقت بكل كلمة قلتها كلنا نشوف الهلال متقدم لأن يكون اقوى واقوى وصاير يتحسن اكثر بيجيبون ممدرب ياكلها باردة مبردة بعد ماسوا كل شي سامي ثم يقولون شفتوا كنا على حق بإقالة سامي والله شي سخيف