الهـــــــــــــــلال ملك جماهيره وليس لقلة من اعضاء الشرف - نادي الهلال السعودي - شبكة الزعيم

إيهاب زكري · #1 22/05/2014, 07:07 PM

السلام عليكم

الهلال باقي له مباريات باسيا وجمهورنا ...... ها سامي بيروح لا بيستمر و واحد يأكد شوي ويحلف انه بيستمر والثاني يقوله ابد سامي رايح رايح

المشكلة الاثنين مصادرهم المنتدى هنا وتويتر ههههههههههههه يا عالم ارحمو نفسكم بتجيكم جلطة من التفكير بسامي

ان استمر كان افضل للاستقرار وان راح الله يستر عليه والهلال ما وقف على سامي ولا على غيره

انتو الله يهديكم تصدقون كل ما يكتب ويقرأ ويسمع

خذو الهرجة من البيانات اللي يصدرها النادي فقط هي اللي تقدرون تعتمدون عليها قالو خلال ايام خلاص ننتظر ونشوف ايش يصير

اعضاء الشرف صراحة بان معدنهم الان ... مصلحة الهلال في استمرار سامي الين ما يخلص مشوار الاسيوية بعدها تبون تمشوه مشوه اما الان تقولون يمشي ونجيب غيره هذا والله اللي يسمونه (حب التملك) يعني انو النادي ملكهم وهم يتحكمون فيه

لااااااا معليش النادي ملكنا حنا جماهيره لا اعضاء شرفه ولا حتى رئيسه الهلال لنا حنا انتو وقت ما طقت براسكم تركتوه ورحتو شفتو اشغالكم لكن احنا بنكون معاه بسامي ولا بدونه وبكم ولا بدونكم حنا مع الهلال الكيان الشامخ

اللي بيقولي انو الرئيس سوى وفعل اقوله هذه مهمته و واجبه وتراه مايسوي شي الا لسواد عيوننا احنا جماهير النادي ... اذا بيقولون لا يسوي لعشقه للنادي .. اذا يعشق النادي يديره بحكمه مو يدخل اعضاء الشرف في كل كبيره وصغيره هذا قراره بيزعلون بقريييييييييييييييييييييييييييييييييييح الله اكبر النادي يطرهم على غفله

قلبي مفقووووع على الهلال عمري ماشفته يمر بهالخرابيط الادارية صراحة والشرفيه

اجل محمد بن فيصل يطلع ويصرح بكلام في مرحلة الهلال يحتاج الى التفاف اعضاء شرفه واحمد بن سلطان جا يكحلها عماها "التوقيت"

العالم تقول الموسم انتهى نعم محليا طيب واسيا داخلينها علشان نسافر لدول الاندية الثانية ونتمشى في بلادهم ؟؟ مو كأننا نحارب بكل اسلحتنا علشان نحققها

كنت اشيد باعضاء الشرف واقول انهم اعمدة الهلال لكن شكلي غلطان اذا كان تفكيرهم مصلحة الهلال فعلا ليش يخرجون بهذا الانقسام ناس تبي المدرب وغيرهم من الان يفاوض مدربين .. وش دعوة فرد عضلات مو اهتمام هذا

والرئيس يوم يجيك بقرارات ولا ازين ويوم يجيك بتخبط اداري ما عرفنالك يا بن مساعد مره فوق ومره تحت وقلوبنا تقرقع مع كل قرار خوفا على الهلال

الزبده بننتظر بيان النادي ونشوف نهاية هالمسلسل .. لكن بكل الاحوال الى الرئيس واعضاء الشرف حطوها حلقة في الاذن الهلال لنا مو لكم لو تأذنون باليوغسلافي الهلال لــــــــــــــــنـــــــــــــــــا احنا جماهيره مو ملككم

والله قـــــــــــــــهر