نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/index.php)
-   منتدى الجمهور الهلالي (http://vb.alhilal.com/forumdisplay.php?f=28)
-   -   سبب وقوف اعضاء الشرف ضد سامي (http://vb.alhilal.com/showthread.php?t=1178045)

NeeZaaR 21/05/2014 03:51 PM

سبب وقوف اعضاء الشرف ضد سامي
 
بسم الله الرحمن الرحيم




سامي من بداية الموسم بدأ مع الهاله الجماهيريه الكبير بسبب تاريخ سامي مع الهلال
وكان مستواياته في تطور من مباراة الى مباراة وفي بعض الاوقات للاسف متذبذب لدرجة خسارة الهلال لنقاط بسيط ولكن اقتراب الدوري من نهايته ورجوع اللاعبين من الاصابات بدأ الفريق يعرفنا جيداً من هو الهلال في ظل مستوياتً قوية وثابته في نفس الوقت.



في وقت من الاوقات سامي الجابر انقطع عن ساحات الاعلام ولم يعد يصرح كثيراً ليلتفت للنادي وعمل بصمت فظهرت النتائج المميزة ولكن للاسف وفجأة يظهر في برنامج تلفزيوني مع علي العلياني في برنامج هلا على قناة روتانا الخليجيه ويصرح بتصريحات عن مبالغ قد وعد بها من خلال فترة الامير محمد بن فيصل وسامي اعتبرها من حقوقه بما انها وعد بها وللاسف سامي الجابر اساء التعبير في بعض ما يخص الامير محمد بن فيصل لهذا زرع سامي جبهة وفي نهاية الامر تم الرد من خلال الامير وبعدها بطريقةً او بأخرى تم الصلح بينهم.



ولكن في نفس الحلقة للمعلومية سامي الجابر انتقد الفئات السنية في النادي سلباً ونحن نعرف جيداً من هو المسؤول عن الفئات السنيه بالنادي وهو الامير بندر بن محمد والاسائة للفئات السنية تعني الاسائة للامير ووقتها تم السكوت عن الموضوع من خلال الامير ولكن من الواضح ان الامير بدأ يجمع بعض اعضاء الشرف من اخوانه الى نواف بن سعد بصفه ولكن لم يظهر هذا الشي الا بعد ما اقنع الامير احمد بن سلطان لانه لو دعم سوف يكون للنادي فائض مالي كبير للصفقات وبهذا الامر شدد ان يحرم سامي من دعمه لانه كان اهم داعم لسامي الجابر واذا لم يتغير رأيه ضد سامي لما رأينا كل هذه الشوشرة حول سامي.



مجرد رأي فأن اصبت فمن الله وان اخطأت فمن الشيطان.

Blue CooL 21/05/2014 04:00 PM

مجرد رأي فأن اصبت فمن الله وان اخطأت فمن الشيطان.
بما انه مجرد رأي غير مؤكد ارجو حذفك للموضوع حتى لا تزيد شوشره
وارجو تقبل كلامي بصدر رحب

ببساطه سامي الجابر لو كان محارب لتمت اقالته بنهايه الموسم عندما كانت الجماهير تنتقده
بسبب خساره الدوري والخروج من كاس الملك والمستوى الضعيف بدوري المجموعات
كانت فرصه مواتيه لأقاله سامي بدون أي شوشره

غيث11 21/05/2014 04:12 PM

ايذا اعضاء الششرف مايبونه حنا الجمهور مستعدين نوقف قدام بااااااب النادي لاستمرار سامي الجابر:ey:

عذب السجايا 21/05/2014 04:25 PM

للأسف هناك من يرى الكل مخطىء إلا سامي
مستعد يهاجم كل شيئ حتى الهلال لأجل استمرار سامي
غريب فكر المؤامرات الطارئ على جماهير الهلال
اعضاء الشرف لو حاسبين حساب لسامي حاربوه وهو لاعب وانهوه مثل ماانتهى نجوم في اندية أخرى

آلآسطوره9 21/05/2014 04:30 PM

إقتباس:

الرسالة الأصلية كتبت بواسطة الاسطوره الخالده (مشاركة 21820512)
ياناس قرقعتوا روسنا بسامي ترى هو مبسوط ملايين برصيده وبكرى لاجاب بطوله يقوم يتشرط ع الهلال ويروح للانديه الخليجيه لانها ستدفع له ولا درى عنكم


ياخوي عرفنا .. خلاص من الرد الاول فهمنا قصدك .. مايحتاج كل شوي ترد .. ولا شابه عليــــــــــك

وبعدين سامي الجابر تاج راسك وتاج راس ابوك ..

وبعدين انت مجرد عضو صغير .. ياليت تعرف حجمك .. لا تسوي المتحدث الرسمي لـ اعضاء الشررف

عطنا رايك وضف وجهك .. كل شوي منزل لي رد

انا مااشره عليك .. اشره على المشرفين الي مخلين قــرد يتطاول على سامي الجابر

صلاح الشـراري 21/05/2014 05:16 PM

إقتباس:

لكن في نفس الحلقة للمعلومية سامي الجابر انتقد الفئات السنية في النادي سلباً ونحن نعرف جيداً من هو المسؤول عن الفئات السنيه بالنادي وهو الامير بندر بن محمد والاسائة للفئات السنية تعني الاسائة للامير ووقتها تم السكوت عن الموضوع من خلال الامير ولكن من الواضح ان الامير بدأ يجمع بعض اعضاء الشرف من اخوانه الى نواف بن سعد بصفه ولكن لم يظهر هذا الشي الا بعد ما اقنع الامير احمد بن سلطان لانه لو دعم سوف يكون للنادي فائض مالي كبير للصفقات وبهذا الامر شدد ان يحرم سامي من دعمه لانه كان اهم داعم لسامي الجابر واذا لم يتغير رأيه ضد سامي لما رأينا كل هذه الشوشرة حول سامي.

انت عارف عن من تتكلم

انت تتكلم عن كبير الهلاليين


مو معقوله هذا الاجحاف بحق كبيرنا


من اجل سامي


الي يشجع سامي يرحل مع سامي


اما اساءات باعضاء شرف صنعوا تاريخ الزعيم فهذا مالا نرضاه


بندر بن محمد اكبر من سامي

والهلال اكبر من سامي


الهلال فقط

ناإأااإصرksa 21/05/2014 05:24 PM

الحين سامي هو سبب جمهورية الهلال لاحول الله وش هالكلام اتمنى يحذف الموضوع

لانه كلام شخص مشجع لسامي وليس الهلال

ابوساري 21/05/2014 05:34 PM

إقتباس:

الرسالة الأصلية كتبت بواسطة الاسطوره الخالده (مشاركة 21820509)
عضو شرف واحد يساوي 100لاعب مثل الهلال ومليون مشجع ...زهؤلاء بدعمهم من يسيرون النادي

اختلف معك ..

اي نادي بالعالم مايسوى ولا ريال بدون جمهوره ..

جمهوره هم سبب تواجد أعضاء الشرف اللي كل واحد يبي يدفع علشان يلمّع نفسه ولا تقول لي فيه ناس عاشقة للكيان وتدفع ملايين بدون مايكون لها أي مصلحة :d ..

الجمهور هم أساس أي نادي ..

التذاكر .. الإعلانات التجارية .. الاستثمارات .. وكل شيء يندرج تحت هالأشياء .. مايجيبها إلا الجمهور ..


وكأنك تقول مثلاً إن موظف " البنك الفلاني " يسوى 100 مليون عميل للبنك .. لأنه قاعد يشتغل و يكد بالبنك و بالساعات ..

مع إن العملاء هم اللي يدفعون له راتبه .. يعني هو يشتغل عندهم مهب هم يشتغلون عنده ..

وإن العامل اللي يبيع بالبقالة يسوى 100 مليون واحد جاي يشتري .. لأنه يشتغل 12 ساعة باليوم ويبيع على الناس و مرات يدفع من جيبه و يدعم البقالة :d





نهاية كلامي ..

سامي لاعب كبير و أسطورة من أساطير الهلال و الكرة السعودية حتى وانت في كثير من ردودك تستنقص منه ..

ولا يمكن لأي شخص ينكر هالشيء ..

حتى تدريبياً نجح وبإمتياز .. و عندي كثير من المقاطع و الصور اللي براسي أنزلها بموضوع ..

تبيّن لك إن النصر كسب كثير من مبارياته بالتحكيم و عيني عينك ..

مباراة مرعي العواجي + مباراة العروبة اللي تحولت لكرة طائرة و الحكم ساكت + مباراة الإتحاد و اهداف التسلل ..

9 نقاط عياناً بياناً تسرق و تجيّر للنصر ..

ومع ذلك الهلال بينه وبين المتصدر نقطتين فقط ..


نهائي ولي العهد .. لو حمّلت الخسارة سامي فاعتقد إنك شايل بنفسك عليه ..

هدف من سلطان الدعيع في مرماه من كورة سهلة + ضربة جزاء غير صحيحة وكانت خطاء على شايع و كرت اصفر للتمثيل و الدعس على العابد


الهلال تصدّر مجموعته في آسيا و اللي ضمت الأهلي الإماراتي و السد القطري وكلهم يعتبرون من الفرق القوية في المنطقة ..

السد تأهل مع الهلال لدور الـ8 .. وهذا دليل على إن المجموعة قوية عكس ما أدعى الناس ..

الهلال كسب الأوزبكي ذهاب و إياب .. وبمستوى جميل ..


إذا كل هذا .. وسامي ماله أي دور فيه ..

أجل ليش تتعاقد مع مدرّب بالأساس و الخساير هذي كلها إذا الهلال يقدر يفوز بدون مدرب !!

ويسلي2013 21/05/2014 05:36 PM

كلنا مع إدارة الهلال وأعضاء شرفه

اللهم وحد بينهم ولا تجعل الخلاف بينهم

وحنا الجماهير معكم أنتم من عملتم ودعمتم

وشاكرين لكم

ℓǿṿέ / Ẩℓђịℓαℓ ! 21/05/2014 05:47 PM

إقتباس:

الرسالة الأصلية كتبت بواسطة آلآسطوره9 (مشاركة 21820521)

ياخوي عرفنا .. خلاص من الرد الاول فهمنا قصدك .. مايحتاج كل شوي ترد .. ولا شابه عليــــــــــك

وبعدين سامي الجابر تاج راسك وتاج راس ابوك ..

وبعدين انت مجرد عضو صغير .. ياليت تعرف حجمك .. لا تسوي المتحدث الرسمي لـ اعضاء الشررف

عطنا رايك وضف وجهك .. كل شوي منزل لي رد

انا مااشره عليك .. اشره على المشرفين الي مخلين قــرد يتطاول على سامي الجابر

ههههههههههههههههههههههههههه

المشرفين مو مثل اول

الله يعيين

بدر 21/05/2014 06:30 PM

للاسف عشان عضو شرف زعلان على سامي وبصفه شخصيه صار مايبي سامي للاسف لازم يرضي عشان يرضى على سامي هذي الكوره عندنا

تميم3 21/05/2014 07:53 PM

يجب على الجميع التحلي بضبط النفس يا إخوان وكل وحد يصلح سيارته

مركز معلومات 21/05/2014 08:14 PM

إقتباس:

الرسالة الأصلية كتبت بواسطة بدر (مشاركة 21820612)
للاسف عشان عضو شرف زعلان على سامي وبصفه شخصيه صار مايبي سامي للاسف لازم يرضي عشان يرضى على سامي هذي الكوره عندنا

بالمختصر المفيد هذا هو الحال

اضم صوتي لصوت اخوي بدر هذا هو الواقع للأسف


الاسكافي 21/05/2014 09:27 PM

كاتب موضوع بناء على تخيلات واوهام صايغها من راسك ولو شغلت مخك عرفت ان اعضاء الشرف قالوا مالنا

شغل ورموا الكره في ملعب الرئيس وللعلم غالبية اعضاء الشرف وبأكثر من النصف ايدوا بقاء سامي يعني

سكر الموضوع مو وقت مهاترات ...

الاسكافي 21/05/2014 09:36 PM

إقتباس:

الرسالة الأصلية كتبت بواسطة الاسطوره الخالده (مشاركة 21820512)
ياناس قرقعتوا روسنا بسامي ترى هو مبسوط ملايين برصيده وبكرى لاجاب بطوله يقوم يتشرط ع الهلال ويروح للانديه الخليجيه لانها ستدفع له ولا درى عنكم

ياخي انت اللي قرقعت بروسنا شكلك توك شاري الجهاز والنت وفرحان ياعزيزي من عادة

الهلاليين عدم الاساءة لبعضهم والتكلم بأدب وإحترام وارجوك احترم المنتدى اللي تكتب فيه

وأحترم الاسطوره سامي تراه ابن من ابناء النادي وازيدك البارين واذا جاء طاري الفلوس

سامي كان يلعب للنادي وأكثر من نصف عمره الرياضي بلاش وبدون مقابل قبل ما يجي

الاحتراف وياما اسعدنا الله يحفظه ويسعده من بعده تفحط ماشفت اسياء ولا كأس العالم

دعوووه يعما بلا شوشره اذا كنت فعلا تحب النادي حتى تاريخه سامي مدرب الهلال يجب

الوقوف معه ومساندته اذا راح الله يستر عليه وحتى بدون تجريح لا لسامي اللي قرقع راسك

او اي عضو بالمنتدى وبإمكانك ما ترد فقط اغلق الصفحه ...


الوقت المعتمد في المنتدى بتوقيت جرينتش +3.
الوقت الان » 05:22 PM.

Powered by: vBulletin Version 3.8.7
Copyright ©2000 - 2024, Jelsoft Enterprises Ltd