|
لو أُقيل سامي وطارت الاسيوية ، فما عذر الاداره وقتها ؟! فريقك كويس لا تغيره ، هذي مقوله بسيطه وبديهيه يوم زبط الفريق ، رحت تغير وتلعب وتتعبث ، وانت راح تبدا موسمك باسيويه ، يعني المدرب الجديد مايلحق يسوي شي بياخذها تجربه وتعارف ع اللاعبين وتجربه خطط ويتكرر المسلسل الموسمي ،،، ثم طاااارت ،،،، ونص الموسم واطردوه وهاتو واحد زي زلاتكو ويلا انا اتفهم لمن الحظ ، يخذل الاداره ، اصابات ، تحكيم ، لجان ، لكن يكون فريقك كويس وتغيره وتخربه هذا غير مقبووووول اطلاااقا ،،، وتتحمل الاداره وحدها تبعات هالقرار ،،،،،،،،، وتستاهل مايجيها لو فعلا ضحت ب سامي وليس لانه سامي او اسطوره هذي خليها ع جنب مدرب فحط طوال الموسم الين ضبط الفريق وانهى الموسم بستوى تصاعدي تقووم تشوووووته بها الطريقه الغير منطقيه ، مالها داعي اصلا اعضاء شرف الهلال ناس راقيه وماهي من النوع اللي يضغط ويحارب ويدس الدسائس ، شغله انك تجيبهم وتحملهم قرارات هي من ضمن مسؤولياتك اللتي اؤتمنت عليها ولن يلامو هم سيلام رئيس النادي فقط صاحب الكلمه الاخيره والمسؤوليه اتمنى تكووون اشاعات فقط ،،،،،، |
أنا صراحة ما قاهرني غير شيء واحد بهالبيان ! هو أن الادارة عارفه أن صارت مهازل بشكل واضح وما ينسكت عنها هالموسم وهي من تسبب بخسارة الهلال لبطولة الدوري وكأس ولي العهد ! والدليل ما ذكر في نهاية البيان أنها ما رح تسكت الموسم الجآي لو تكرر ما حدث هالموسم من مهازل !! ليه هي تأخذ فرصة جديدة وللمرة السادسة ع التوالي وسامي اللي عدل من أخطآءه وجاء وقت جني الثمار بآسيا تردد بإعطائه فرصته كاملة ؟! وربي ما همني مين اللي يدرب الهلال الآن لاعب هلالي سابق ولا لا !! همي أن الهلال لازم يستقر سواء ع مدرب أو اللاعبين إذا ما أراد تحقيق آسيا وجميع البطولات المشارك فيها ~ وع هالحال إذا الهلال كل ما جاب مدرب وما حقق جميع طموحات الجماهير بأول موسم له رح يقيل ~ ردد ياليل ما أطولك .. ولا تحلمون بأي بطولة لا محلية ولا أسيوية ~ صبر جميل والله المستعان .. الله يرجع لنا هلالنا زمان بالقريب العاجل ~ عوافي ع الطرح أخوي ~ |
انا اتمنى نصير محترفين ولانربط المدرب باي بطوله واذا تعاقدنا مع مدرب بعقد نكون عند كلمتنا وينهي عقده الا في حالات نادره.لانه بكذا لو استمر سامي وخسرنا الاسيويه لاقدر الله بيقول البعض قرار عاطفي وليه يستمر وان شالوه وخسرناها قالو قرار غبي كان المفروض يستمر يعني ماكو فكه ..ع فكره انا مع استمرار سامي لثلاث سنوات |
وان لم يحقق سامي الاسيوية ماهو عذر الادارة وهي تجامل على حساب النادي كل بطولات الهلال الاسيوية كان المدرب جديد لكنه كان مميز وخبير الادارة الهلال من بعد جريتس وهي تبحث عن رخيص وكويس وعندما ضاق الجمهور بتصرفاتها وضعت سامي في وجه المدفع وهو لايملك خبرة والان نتمنى ان تصحح اخطاءها اتمنى اقالة سامي لكن ان استمر فنحن خلف الهلال كما كنا عندما تعاقدوا معه رغم انني كنت ضد ذلك التعاقد |
بغض النظر إذا كسب الهلال البطولة الأسيوية مع سامي او لم يكسبها الفريق محتاج استقرار فني وصبر يا عالم الفريق بدا يتحسن بكثير شفنا تغيرات على الفريق الروح و الحماس الهلال محتاج استقرار فني وصبر على سامي الجابر قرار ابعاده قرار محبط للجماهير الهلالية قبل المدرب سامي الجابر الصبر ثم الصبر ثم الصبر والله يكتب كل خير للزعيم |
السوال بالعكس ايضا ماذا لو كان قرارك بالتشاور بوضع المدرب " علنا مع الاعلام قبل اعضاء الشرف" مؤثرا في مسيرة الفريق في الاسيويه عما قريب الم تفكر في ذلك قبل ان تعلن كل ما يقال وما لايقال الا في مجالس مغلقه ام هي مساله محاوله رمي الحجر في مرمي الاخرين ؟؟؟ وحسنا فعلوا ان اعادوا رميه في مرماك |
إقتباس:
المفروض مايفتحون مجال للاشاعات لكن شكلهم مترددين ، مع ان الشغله مايبيلها تردد ابقي كل ع ماهو عليه فقط كاستيلو يستبدل بمهاجم قوي بجانب ناصر وفريقك زي الفل ، بس |
الادارة تستمر في الاخطاء وكل سنه اضعف من اللي قبلها يالله تستر على هلالنا بس |
إقتباس:
دام الموضوع كله تنظير بأخذ عنوان الموضوع كبداية لو أُقيل سامي وطارت الاسيوية ، فما عذر الاداره وقتها ؟! ولو استمر سامي وخرج في بداية الموسم راح يقال ويتم تعيين مدرب جديد وراح يكون للمدرب القادم العذر انه استلم الفريق بعد بداية الموسم ووقتها راح تظهر الادارة وتكون كل الاحداث اللي صارت الحين لتتهرب من المسئولية بعدين تقول الفريق ما ضبط الا نهاية الموسم , اخالفك بها الشيء شكل الهلال فنياً هذا الموسم سيء جداً وين المعسكر الخارجي اللي استلمه سامي وطاقمه الفني وش كان يسوي الفريق هناك سياحة !! بدأ الفريق طول الدوري مهزوز لاتنظيم في الملعب وبطىء في نقل الكرة ناهيك عن ضعف التنظيم الدفاعي. وفي البطولة الآسيوية في مباريات العودة بالذات ما شفت اي تغيير آيجابي الا ان المدرب غير تكتيكه اللي كان ماشي عليه طول الموسم وصار يبحث عن هداف ويتراجع الفريق كامل هذا التكتيك راح يجيب لك كؤوس وبطولات النفس القصير ولكن الدوري صعب جداً "يبقى هذا التعليق وجهة نظر شخصية " حال الهلال ما يسر مع هالادارة اتمنى رحيلها اليوم قبل بكرة هي السبب في الانقسام بين الجماهير ووضع الفريق من 3 مواسم من سيء الا اسوء من كالديرون الى هاشيك ودول وكومبواريه وزلاتكو اللي اشوفه افضلهم فنياً ولم تتاح له الفرصة عُمر جمهور الهلال ما كان يقف عند الوصافة ويتغنى فيها ولكن بلينا بجيل جديد من الجماهير ...الهلال قدره ان يكون كبير وفي اسواء مواسمه لايخرج دون بطولة ولو كانت تقف ضده لجان و تحاك له في الظلام المكايد وخلف الابواب !! |
اشكككككككككككككككككككككككككرك اول موضوع ينكلم عن هالشي وينقل وجهة نظري بالضبببببببببببط انا معك حنا مو نبيه لانه"سامي الاسطورة" حنا نبيه لانه قدم مستويات وحقق استقرار حنا بحاجة اليه عشان نقدر نجيب الاسيويه |
إقتباس:
سؤال انت تبي الاسيويه ولا الدوري؟!!!!! اذا الاسيويه فمروض الهلال يلعب بالطريقة اللي انت قلتها اما اذا تبي الدوري خلاص طالب بمدرب جديد ولاعب وسط سريع جنب نيفيز لان هالبطولتين "مستحيل" يجون مع بعض بسنة وحدة وشوف ريال مدريد وع الصعيد المحلي الاتحاد لما جابها اذا انت طموحك المحلي ماخلص غيرك طفح بطولات محليه وجا الوقت اللي نطالب فيه بالتاهل لكاس العالم للاندية 2014-2015 |
إقتباس:
يالبى قلبك ليت فيه مثلك كثير نبي ناس تفهم مثلك ماهوب ترفيع وقصايد كفيت ووفيت |
هذا سيفوه وهذي خلاقينه = ادارة الهلال دام يكون الضحيه عندها المدرب وهي ملائكه مافيها اخطاء ابداً !! حتى زوجة نيفيز بالتويتر مستغربه من قرار ايقالة سامي تقول من المفروض أن يبقى حتى نهاية بطوله اسيا وهذا الصح !! للأسف صررنا ملطشه للرايح والجاي بسبب هالأداره المفلسه |
وانت الصادق بعد كل ذي الشوشره اسال ذا السؤال لو بقي سامي وطارت الاسيويه وش السواة؟؟ اعتقد سامي واللاعبين اصبحوا تحت ضغط عصبي رهيب وقد تهز ثقة سامي بنفسه من ناحية الانقسام حوله سواء من جماهير او ادارة او اعضاء شرف واللاعبين اذا لاقدر الله خرج الفريق من البطوله ايش راح يكون موقفهم محرج من الجمهور او الجماهير اللي تنتظر سقوط الهلال سواء نصراويه او غيرهم مع احترامي لرئيس النادي بيان سيئ وتوقيت اسوأ للبيان والتصريح |
| الوقت المعتمد في المنتدى بتوقيت جرينتش +3.
الوقت الان » 06:13 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd