نادي الهلال السعودي - شبكة الزعيم - الموقع الرسمي - الأسيوية يبي لها عمل مو كلام ..!!

بسم الله الرحمن الرحيم

الاسيوية

لتحقيق العنيدة والمستعصية لابد من عمل كبير ويوازي هذي البطولة فريقنا حالياً ينافس على الادوار المتقدمة في البطولة بعد النظام الجديد للبطولة وبإستطاعتة التكويش على البطولات المحلية بالاعبين المتواجدين حالياً .. لكن تبي كأس البطولة اعمل واتعب على الفريق المال والفكر هو من يجلب البطولة .. اكبر مثال الفريق الصيني عمل على فريق قوي لتحقيق البطولة وشفناه يضرب بالخمسات والاربعات فرق شرق اسيا !! الفريق الصيني جلب مدرب كبير لكن المدرب يحتاج لاعبين على مستوى البطولة الاسيوية وفعلا جلب اربع لاعبين على مستوى فني كبير جداً رفعوا الفريق الى منصة البطولة وسينافسون عليه في هذي النسخة بكل قوة ويعتبر أكبر المرشحين من القارة .. إذاً المدرب لوحدة لا يعمل من غير عناصر وادوات تساعد على عمل التكتيك الفني وفرض فكرة على المستطيل الأخضر .. وكما يقولون المدرب 30 % و الاعبين لهم 70 % لان الاعبين هم من يطبق التكتيك داخل الملعب فريقنا يحتاج بعض العناصر القوية تساعد المدرب على المنافسة وجلب البطولة عناصر تكون اساسية في الفريق او ينافسون الاساسي لا نحتاج لاعبين احتياط ولا يستفاد منهم .. الفريق من وجهة نظري يحتاج لاعب جناح ايسر سريع ومهاري يساند تياقوا وسالم في الوسط ويكون فيه خيارات كثيرة بصناعة اللعب ومساندة الهجوم .. اهم خط في الفريق الوسط وينقسم الى هجومي ودفاعي بذكر اللي لعبوا اساسي او احتياطي بالمركز هذا في الموسم
الوسط الهجومي : مافيه غير سالم الدوسري وتياقو نيفيز اللي يعتمد عليهم والباقي مجتهدين مثل حبيبنا الشلهوب و عزوز والعابد الى خذل الجميع الموسم هذا ولا يعتمد عليه ..!!
الوسط الدفاعي : كريري الفرج والغنام ولا يعتمد عليه لكثرة اصاباته الله يشفيه وكاستلوا الله يستر عليه أوت
الاعبين اللي يحتاجهم الفريق من وجهة نظري
الاجنبي لاعب في الجناح الايسر
المحلي محور دفاعي وظهير ايمن

باقي المراكز قائمين في واجباتهم وينقصهم الروح اللي شفناها اخر الموسم وان شاءالله تستمر

واتمنى من سامي ان يصعد بعض الاعبين من الاولمبي وفيه كذا لاعب يستاهل اللعب في الفريق الاول لكسب الخبرة والتعود على الاضواء
اسف على الاطالة
اتمنى التوفيق للفريق بتحقيق المستعصية