|
الفريق الاولمبي يمثل الهلال العام القادم بسم الله الرحمن الرحيم مساء الخير للجميع ياشباب ياليت تخفون علينا بالمطالبات بنجوم في انديتهم وعندنا افضل منهم ...هل تريدون حسن معاذ هالشايب ونركن الشهراني احتياط ......الشهراني ذكرنا ان نهايته غيرسليمه لكنه اثبت في المباراه الاخيره انه الافضل ع مستوى اسيا اذا كان عندك نجم في خانة ما الافضل ان تصعد احتياط له لاعب صاعد ليتدرج حتى ياخذ مكانته وليس قدوم لاعب كبير جدا في مركز يحتاج لياقه عاليه ....فمركز الظهير يحتاج لاعب دائما صغير لانه رايح جاي في الملعب نحن نحتاج لاعب مثل رادوي في المحور ممكن يلعب قلب دفاع وهذين المركزين حساسين للغايه فما فيه مجال للتجارب فيه نحن نحتاج لاعب راس حربه بارع في الضربات الراسيه مثل نايف هزازي وارى ان الشمراني ممتاز في طرف الملعب من اليمين مزعج للخصم والطرف الايسر ممكن يشعله سالم الدوسري مع بقاء ياسر خلف المهاجم الحراسه مطمئنه جدا بوجود السديري وعودة شراحيلي وحارس الشباب (شيعان) نحتاج كما ذكرت تصعيد ظهيرين ليكونوا بدلاء للاظهره ويحفزوا الكبار ع الخانه ...والقلب عندنا الحافظ والدعيع كفايه مع خالص الشكر للمشرفين على نشر الموضوع للنقاش |
حسن معاذ 29عام شايب ظهير ايمن هداف الشهراني يتحول يسار ويسير عندنا اظهرة فتاكه او نستفيد من الشهراني في الوسط الهلال يحتاج معاذ فقط محليا اما الخانات الاخرى فاتفق معك |
يااخي لاتصدق ان الشباب يفرط في لاعب يفيدنا عندهم خالد المعجل يعرف اللاعب المفيد وهو نصراوي ولن يعطي لاعب للهلال يستفيد منه 29 عاما بالظهير يعتبر كبير سن الظهير يحتاج لياقة شاب عمره 19 او20 يعطيك الى 27 او 28 ...يااخي نحن نعرف اللاعبين وعاصرنا اجيال قبل اللاعب محمد عبدالجواد بعد مايصير الظهير في اواخر العشرينات خلاص الا ماندر |
إقتباس:
حسن معاذ سريع قوة دفاعيه اوفرات متقنه تسديد قوي لاعب يجلب بطولات |
هههههههههههه... ضحكتني ياشيخ.. الشهراني ظهير يسار... وفاقدين رفعاته وتسديداته بسبب لعبه في الجهه اليمنى.. من الظلم على نادي الهلال الاستغناء عن هذه الموهبه في الجهه اليمنى.. وآسيا ماترحم النادي الغير كامل.. ونحن ينقصنا (محور دفاعي اجنبي + محلي) وظهير ايمن محلي.. اهم شي يكونو ذو مستوى عالي.. سواء تصعيد او شراء |
إقتباس:
حسين عبدالغني مايطلع وينزل من منتصف الملعب يسوي اوفرات ولاعب فكره غير عن معاذ يبغى العيشه لو نسقه النصر مااحد يطلبه شوف الاظهره اللي كانوا نجوم بطلوا كوره وكم اعمارهم .....التخيفي والدوخي والحبشي الهلال وعنزي الشباب وعبدالجواد وشليه الاهلي كلهم في سن ثلاثين واقل ...جاي تقول نتعاقد مع لاعب في ال30 من العمر مالفائده منه ...سنه وبس ....وبعدين ترى رفعاته احيانا يشوت الكوره شوت ماهي رفع متقن انا معك لو تمت الصفقه قبل العام اما هالحين خساره للهلال ملايين ع لاعب سيعتزل الان مشكلتهم مايلعبون اللاعب الا وعمره 23 في الفريق الاول وهذا خطا المفروض الموهوب من سن الشباب جيبه 18 سنه او من الاولمبي ...تشوفه يقاتل علشان الخانه |
شوف هالخبر من احدى الصحف أكد الظهير الايسر بالمنتخب الاولمبي ونادي القادسية عبدالرحمن العبيد “21 عام” أنه لا يعلم شيئاً عن عرض نادي النصر واصفا ما يشاع بالاجتهادات, مؤكداً عبر حساب على تويتر أن تمثيل النصر امنية لكل لاعب. وتؤكد مصادر “سبورت السعودية” وجود مفاوضات رسمية بين ادارة النصر ونظيرتها في القادسية, حيث قدمت الادارة عرضاً ولكن ادارة القادسية طلبت رفع القيمة وقد يؤجل النصر حسم الصفقة حتى دخوله الفترة الحرة. يشار إلى أن العبيد مثل جميع المنتخبات السنية ولعب اساسيا الموسم الماضي مع القادسية في ركاء ويعد من ابرز نجوم الفريق. |
تصعيد لاعب اولمبي وتواجد حسن معاذ اضافة هلالية يحتاج الهلال ليكون الاساسي والاحتياطي اسامي قوية |
ممكن يجهز الالولمبي الحالى لكاس سمو ولى العهد الموسم القادم ان شاء الله والفريق الاول للدورى وكاس الابطال ويسجل لاعبين من التشكيلتين لدوري اسيا العام القادم وحاجة الفريق وهذا يعتبر تدوير بين اللاعبين بشكل احترافي خاصه اذا عرفنا التوقفات من اجل مشاركات المنتخب في الاستحقاقات القادمه للمنتخب كثيره الفريق سوف يفتقد الى الانسجام بفقد لاعبين مهمين للفريق يجب ان يعد الاولمبي كما يعد الفريق الاول لان الموسم القادم هو موسم الفريق الذي يملك الاحتياط الاقوي |
الوقت الحالي في الهـلال .. لا يوجد مشكله بمنطقة المحـور بوجود اكثر من لاعب صاعد عبدالله عطيف والفضل وبوجود الغنام وكريري والفرج .. لا أرى وجود اجنبي بمنطقة المحـور وفي الأظهره .. اذا وجد حسن معاذ خير وبركه .. واذا لم يتعاقد الهلال معه .. الشهراني والبريك من الأولمبي اكثر من ممتازين الهــلال بحاجة إلى مهاجم اجنبي وسريع .. من نمونة اسامواه لاعب العين أو كيتا وطقتهم لاعب سريع وهداف بجوار الشمراني . |
إقتباس:
الشمراني عرفناه اذا الهلال تقدم بهدف وترك الخصم الدفاع حطه راس حربه ...والا اذا كان الفريق المقابل متقدم بهدف ويدافع او من الفرق الدفاعيه ....الشمراني مركزه طرف ....اذا المهاجم لازم يكون مع ياسر لانهم قادرين على فك اي دفاع |
بعد استقالة البلطان .. امور كثيرة في البيت الشبابي ستتغير !! معاذ مفيد لتحويل الشهراني لجناح ايسر في خانة العابد اللي خذلنا وخذل مدربه كثيرررر مسألة العمر .. كلنا شايفين ناصر الشمراني ماشاء الله تبارك الله رغم كبر سنة إلا انه يغنيك عن 4 مهاجمين من الاولمبي صحيح تصعيد الاولمبي فكرة ناجحة لكن .. ليست الان !! نحن على محك بداية الموسم القادم و اللعب على المضمون مهم !! بعد الاسيوية على خير تقدر تصعد و تجدد اللي تبيه نسأل الله التوفيق .., |
الف شكر للجميع وتمنياتي للهلال بالتوفيق يارب |
المشكله مزعجينا بمعاذ وهو من جنبها في الدفاع صعدوا البريك والبقعاوي وشوفوا كيف يبدعون هذا الاتحاد غير جلد الفريق كامل بشباب النادي وشوفوا كيف سرعه ومهاره خلتهم يوصلون لادوار متقدمه في اسيا وهم شباب ماعندهم خبره وهنا تقول الاعب الفلاني من الاولمبي يقولك ما عنده خبره يعني الخبره تخليه يلعب زين ولا كيف او من وين يكتسب خبره وانت ما عطيته الفرصه كل ماجاء فريق صعد لاعب من الاولمبي وبدع قلتوا تعاقدوا معاه مو شبابنا اولى من انك تتعاقد بالملايين وفوق هذا كله نملك صف ثاني مميز في الاولمبي لو انهم بأنديه ثانيه تلاقيهم يلعبون في الفريق الاول يعطيك العافيه |
| الوقت المعتمد في المنتدى بتوقيت جرينتش +3.
الوقت الان » 02:45 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd