|
انتهى الموسم بخيره وشره لكن بقى شي لازم نقوله...!! سامحونا يا لاعبين الهلال.. لو اخطينا في حقكم فاالجمهور مهما كان عاطفي ويتمنا دائما ان يراكم افضل ليبقى الهلال افضل يمكن غلطنا (بالالفاظ) في اوقات لكن لابد ان تتحملون جمهوركم... وكل لاعب يلعب للهلال لازم يتحمل كل شي.. وتأهلكم الى دور الثمانيه نعتبره اجمل هديه قبل التوقف ومقدرين تعبكم وجهدكم وكثر الله خيركم يارجال .. و نعتذر لرئيس الهلال ابن مساعد ونائبه محمد الحميداني والاداره اللي بعد تحملو كثير لكن هذا قدرهم انهم مسؤلين عن اعظم نادي في اسيا وهم كفو لهذه المسؤليه .. و نعتذر لسامي الجابر عن كل زله بدرت منا ضده ونقوله حنا معك على الحلوه والمره ومانبي منك الا ان تستمر على نفس العمل الى ان يصل الهلال وجمهوره الى مبتغاهم . . كنا ضدك لكنك احرجتنا بالنتائج الجيده والحكم عليك من اول الموسم والاستعجال كان خطا كبير لان كل مدرب يجب ان ياخذ وقته وهذا من حقك وكل اساءه جتك من ضعاف النفوس متاكد انها لن ولم تهزك يابطل انت وصلت ( وهم لازالو على حقارتهم ) وشكرا للامين الكبتن فهد المفرج ولكل طاقم التدريب والجهاز الطبي والفني وشكرا لجمهور الهلال في الكويت:smilie47: والامارات:smilie47: وقطر :smilie47: وعمان :smilie47: والبحرين :smilie47: حتى الشكر والله مايوفيهم حقهم فعلا جماهير الهلال في الخليج ترفع الراس وحبهم لزعيم لايوصف ونفتخر يوم نشوف علم الكويت او الامارات او عمان او قطر او البحرين مرفوع في مدرجات الهلال وايضا شكرا ل جمهور الاتحاد الاصيل الوفي شفنا شعار الاتحاد موجود في المدرجات في اكثر من مباراه في اسيا للهلال شكرا لكل شخص ( هلالي او هلاليه) تعبت اعصابهم هذا الموسم علشان الهلال وخاصه الشيبان الله يعطيهم الصحه والعافيه لكن مع هذا اثبتو ان الهلالي مهما كان عمره جبل مايهزه ريح ويحضرون ويساندون شكرا اولمبي الهلال على تحقيق البطوله 55 ورفضتو ان يخرج الزعيم بدون بطوله من الموسم كاعادته شكرا لمن عمل على هذا الفريق وخاصه سعد المنصور والامير محمد بن خالد شكرا لفهدالروقي / وشكرا لعادل التويجري/ ثامر الحميد/ سليمان المطيويع/ علي الزهراني/ محمدالذايدي اللي دافعو عن الهلال هذا الموسم بكل قوه.. وتعرضو للمشاكل والايقافات مقابل كلمة حق عن الهلال شكرا للاعبين الهلال المعتزلين اللي اثبتو وفائهم للكيان محمد الدعيع ، النعيمه، الشريده، العواد، صالح السلومي شكرا برنامج سعودي ليق وكل من ساهم وعمل فيه شكرا اذاعة يو اف ام وكل من يعمل فيها شكرا لكل الصحف النزيهه التي كانت محايده واعطت الهلال حقه شكرا رشيدالسليم رسام الكاريكاتير اللي كان يلجم ويضرب بقوه هذا الموسم وكشف بربسة لجان عيد شكرا لكل اعلامي كتب رايه ودافع عن الحق في الصحف او في تويتر وشكرا لكل مغرد هلالي في تويتر دافع عن الهلال والجم كل متطاول على زعيم اسيا شكرا لمصممين الهلال اللي دافعو عن زعيمهم واسكتو الافواه بمقاطع واثبتات ملجمه .. شكرا لمجلس الجمهور الهلالي على عملهم اللي يشرف ويرفع الراس وكفو والله .. شكرا للمركز الاعلامي شكرا لمصورين الهلال شكرا لشبكة الزعيم برئاسة الامير بندر بن ثامر شكرا لادارة الشبكه والمشرفين على صبرهم وتحملهم لنا شكرا لكل عضو كتب او حاول يكتب موضوع في مصلحة الهلال... وسود الله وجه من باع ضميره وخان الهلال في عز ازمته وحاولو بكل الطرق ان ينهار الزعيم وهم معروفين عند جمهور الهلال اشخاص الظروف اللي مر فيها الهلال كشفتهم ( لكن الهلال في غنى عنهم) ولاعاد نقبل منهم كلام ولاشي ولا عليهم حسوفه اخيرآ انتهى الموسم بخيره وشره لكن الفريق يحتاج الى عمل واكيد رجال الهلال راح يعملون كل مايرضينا وبنشوف مايسعدنا متاكد ... لان الموسم القادم راح يكون اشررس واقوى بكثير حسب توقعات كل المحللين استودعكم الله ولنا عوده ان شاءالله اذا كنا من الاحياء واي عضو غلطت بحقه او ( ازعجته) يسامحني:cry: |
للرفع مبدددددددددددددددددددددددع صح لسانك وسلمت أصابعك هاذا الشي الي ينقال بهل وقت |
إقتباس:
|
دائماً مبدع في طرحك اخووي يعطيك الف عافيه دمتم بحفظ الله |
إقتباس:
الله يعافيك .. و مروركم على الموضوع يكفيني :rose: |
كلام جميل نابع من القلب كل الشكر على طرحك المتميز |
تحليل جميل لما حدث اثناء الموسم من معوقات ضد الهلال |
كفيت ووفيت،،،، وبإذن الله قاادمآ جميل للملكي ون شاء الله نباارك لبعض في تحقيق الاسيويهـ وبطولات الموسم القادم،،، |
طرح رائع احسن قلمك تقبل مروري |
حتى لو انتقدنا سامي لجل الهلال وحبنا له ومايرضينا احد يذمه أو يقلل منه شكرآ للآسطوره قدمت في آسيا دروس صعبه الجاهل يفهمها .. مع سامي هيبة الهلال حضرت آسيويا يارب تمم علينا برفع هذي البطوله الغاليه شكراا للإداره حتى لو انتقدناها لكن وقت العمل لآزم نشكرها واللي يعيبها غيابها عن المباريات الموسم القادم نبغي حضوور شكرآ لنجوم الزعيم بعد ( التعثر ) المحلي قاموآ وأبدعوآ في البطوله الأسيويه وحطوآ هذي البطوله من أولوياتهم فشفنآ زعيم يقههر الحاقد قبل المنافس شكرآآ لرقم الصعب . . مدرج الرعب فعلآ أنتوآ جمهور ( أوروبي ) في آسيا قدموآ دروس العشق والولاء شكرآ لكم بعد توفيق الله لكم الفضل في وصول زعيم آسيا لهذا الدور وبإنتظآر الابداع في الموسم القادم لآجمال في حضرة جمهور الهلال شكرا من القلب لكل من ساهم في إظهار مدرج الملووك بهذي الروعه والاحترافيه العاليه شكرآ لكم في الأخير : شعبك يآهلال مآيخذلك .. أسمك لحاله فخر وعز شعبك يآملك يعشقك , يهوآك .. يآجاهلين معاني الحب اسالوآ الشقرديه ليش تعشقون الهلال .. الحمدالله على نعمة الهلال غيابك لايطآق يآمعشوقنا لكن بإنتظآرك الموسم القادم بإذن الله |
فواز البقمي ماكنت اهضمك ولا تعجبني تغريداتك ، لكن شهادة حق عندما قراءت موضوعك ، قبل مباراة بنيودكور اللي عنوانه ( قال ايش تخدير! ياشيخ طيـر) بعد ما قراءت هذا الموضوع عرفت انك كاتب هلالي شجاع واصيل ، وصاحب نظره ثاقبه ، اصبحت ادخل لاي موضوع تكتبه بدون تردد لثقتي في انك كاتب هلالي مخلص ستطرح ما يفيد ويضيف ، شكرا لك اخ فواز ولكل هلالي شهم اصيل مثلك |
| الوقت المعتمد في المنتدى بتوقيت جرينتش +3.
الوقت الان » 12:53 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd