|
يازعيم الزعيم كنو الاتفاق يرغب بالانتقال السلام عليكم بعد اخفاقنا ببعض الصفقات نرجو من ابن مساعد تعويضا بلاعب الاتفاق كنو حيث ابدى اللاعب رغبته بعدم الاستمرار واذا رفضت ادارة الاتفاق ندفع قيمة غرامة فسخ عقده ونتعاقد معه وهذا نص حديثة للعربية نت أعلن محمد كنّو، لاعب وسط فريق الاتفاق السعودي، رغبته في الخروج من أسوار النادي الشرقي بعد هبوط ناديه إلى الدرجة الأولى وسط أنباء غير مؤكدة عن اجتماع اللاعب مع إبراهيم البلوي رئيس نادي الاتحاد في الأيام الماضية. وقال كنّو لـ"العربية نت": "عندي رغبة في الخروج، من الطبيعي تواجد هذه الرغبة؛ لأن اللاعب لا يفضل اللعب بدوري الدرجة الأولى (ركاء)، إذا وصلني عرض رسمي الحمد الله، وإذا لم تصلني عروض يصير خير". وأكد لاعب محور الارتكاز، تواجده في مدينة جدة قبل أيام قائلاً: "كنت في جدة من أجل استلام سيارتي، لم أتفاوض مع الاتحاديين". وأضاف: "وكيلي هو من سيتفاهم مع الإدارة حول العروض، ولا أعلم إذا وصل للاتفاقيين عروض انتقال من أندية، تبقى في عقدي اربع سنوات، وأنا الآن في إجازة". من جانبه علّق عبد العزيز الدوسري، رئيس نادي الاتفاق، على تصريح لاعبه كنّو بحنق شديد، وقال: "لا أريد التعليق كثيرا على انتقال كنو، أنا المسؤول الأول والأخير في النادي، اللاعب اتفاقي ولن ينتقل ولا أحد يتكبر على المكان الذي يتواجد فيه، ما زال سن محمد صغيرا وتبقى في عقده الكثير". وترغب أندية الهلال والاتحاد والأهلي في خدمات كنّو (19 عام)، حيث يتنبؤ الخبراء الفنيين للاعب بمستقبل واعد. اللاعب الشاب والمولود في الثاني من شهر سبتمبر عام 1994، شارك هذا الموسم في 22 مباراة بمسابقة الدوري تمكن من تسجيل خمسة أهداف فقط. المصدر |
والله عندك مفاوض ضعيف يجيك المفاوض النصراوي 10 دقايق ويتفقون |
كل صفقه تكون تحدى بين الانديه يجب ان تترك لان السماسره اخذو راحتهم كثير هل تصدق ان لاعب منسق يصل سعره 37 مليون لولا السمسره ماتجاوز 6 مليون ارجو ان لانساعد السماسره ووكلاء اللاعبين على الانديه مصلحة النادى وسلامته من الديون اهم من تحدى لايقدم الكثير للفريق لاعب لم يخدم فريقه للهروب من الهبوط كيف يحتاجه الهلال ؟ الهلال لديه اولمبي ممتاز |
كنو اقولها بالفم المليان اذا الهلال لم يستعين بخدمات كنو وكادش صغار سنة الاول19سنةوالثاني21 فرصة اذا راحت ع الهلال يخلف الله |
الاعب الوحيد الذي اتمناه بالهلال |
محور رائع وصغير بالسن وفريقنا يحتاجه الله يوفقه في نادينا او في غير نادينا |
إقتباس:
يجب ان نتفق مع اللاعب ثم نخاطب ناديه بكل اسف نادي اللاعب هو الحلقة الاضعف |
اتمنى يكون في الهلال لكن ما اتوقع ما دام المفاوض الهلالي ضعيف ومثالية رئيس الهلال |
ترا هذا نادي الهلال مواي نادي مفروض يكون المفاوض قوي والرئيس يجيب لاعبين امكانيتهم عاليه ويخلي المثاليه اللي بتعبث بالكيان فيه مليون رئيس ينتظروون وعندهم قدره ومال وشخصيه قويه يبون رئاسه الهلال واسعاد الجماهير وعندهم طموح بالمستقبل ! المشكله انه ماوده يصلح من نفسه ولايستقيل ترا والله العظيم مب مغصوب على الرئاسه فهموه قبل لايجلطني بمثاليته الله يهديه |
الهلال ما يحتاجه لو لعب سلطان الدعيع في المحور الدفاعي لبدع اكثر منه اضافة لـكريري + الغنام + عطيف + الفضل الهلال محتاج اظهره على مستوى عالي |
محمد كنو مطلب هلالي نبيه لايطير علينا تكفووووووون والي يقول عندكك الغنام ي حبيبي الغنام نص الموسم مصاب وكريري لو أصيب أو توقف من بداله ؟ ولاتنسون ان كريري باقي ع عقده سنتين فقط ؟؟ بتقول لي الفرج سلمان يلعب محور هجومي وعطيف محور هجومي كنو محور دفاعي نبيييييييييييه ي أدارة الهلال مهما كلف الأمر جيبووووووووووه الاعب هذا راح يخدم الهلال لـ 10 سنوات قادمةة محمد كنو أتوقع أنه راح ينتقل للأتحاد لان كالعاده المفاوض الهلالي ينسحب من الصفقه بكل سهولهه !! |
انت جب لنا رئيس يعرف يفاوض ويحسم الصفقات بعدين يكون خير انتم عارفين كريري بكبره لو ما اعط كلمة شرف وكان صادق مع الهلال ولا شفتوه ينتدح مع الفقراوية لكن كلمة الشرف واخلاقيات اللاعب قادته للزعيم |
هذا تقرير عن كنو أتمنى من الادارة السعي للتوقيع معه http://m.youtube.com/watch?v=JCnB30KEZXQ |
الحين مجرد يطلع خبر ان الهلال يبي اللاعب يجوك الفقراويه يا انهم ياخذوه يا انهم يهددونه عشان مايجي الهلال وساخه بس |
ادارة الهلال مزعجتنا بعقود الرعايه الضخمه والميزانيه الكبيرره للنادي الموسم القادم اذا لم تسخر هذه الميزانيه لخدمه النادي وخصوصا في الصفقات مالفائده منها اذن ؟ محمد كنو محور نادر وهو أكثر محور سجل اهداف هالموسم لذلك كل الانديه ترغب فيه فمن الطبيعي ان يرتفع سعره محور وهداااااااف من خارج منطقة الجزاء لو 50 مليون يندفع فيه ماهي بخساره لصغر سنه ومستواه المميز |
المفاوض الهلالي فاشل بعكس النصراوي |
المفروض المفاوضات تكون عن طريق سامي يتواصل مع اللاعب ويعرض عليه مستقبله مع الهلال ورغبته وحاجته للاعب محور ... متاكد ان سامي يقدر يجيب اي لاعب فيه لاعبين كثار يبغون الانجازات والمستقبل والشهرة اكثر من الفلوس واقرب مثال القحطاني والشهراني |
فعلا كنو مطلب للزعيم لاكن من يوصل الرساله للكوتش سامي ورئيس الزعيم مافي حل الا عن طريق تويتر افضل من الجبرين بمراحل |
محمد كنو مكسسسسب كبيررر جدا ولاتنسووون ايضا لاعب الوسط الحمد جدا مهم نحتااااااجه بدلا عن الشلهوب او عزوز الدوسري لان كل اللاعبين ماقدموا مستويات خصوصا هالموسم الشلهوب وعزووووز يكون الحمد لاعب مميززززز ومنها تقوية لخط الوسط |
أرجو من الإدارة حسم هذي الصفقة اذا أمكن، و لعدة أسباب: (1) الهلال يحتاج لمحور صغير في السن، نظرا لأن محمد القرني غير مرغوب فيه من الجهاز الفني والأسباب لا نعلمها قد تكون انضباطية (2) محمد كنو فنيا ممتاز جدا، وصغير في العمر 19 سنة، يخدمك 10 سنوات ان شاء الله. (3) عبدالله عطيف، وسلمان الفرج يلعبون في مركز المحور الهجومي (4) اللاعب هلالي ياجماعة ( والخبر هذا من ناس يقربون له ومتأكد منه 200٪) والله انه افضل من الجبرين عشرين مرة. ياسامي الجابر لا يفوتك هاللاعب |
ياشباب رئيس الاتفاق فقراوي للنخاع ولن يترك الاعب ينتقل للهلال سوف ينقله للاتحاد او الاهلي والنصر وشاهدوا كم لاعب انتقل لهذه الانديه مقابل انتقال الاعبين للهلال الفقراويه متعاونين في الوقوف ضد الهلال وقد استقطبوا الطحالب والتشاد معهم لا تضخطوا على الاداره فتدفع له مبلغ لا يستحقه وقد يؤثر على الاعبين الاخرين في الهلال الحذر ثم الحذر |
والله لاعب إرتكاز له شأن كبير صغير و خلوق وهذا الأهم ... |
والله الاعب مكسب وصغير سن .. كتبت موضوع عنه وعن كذا لاعب بالاتفاق بعد الهبوط مباشره بمطالبه التعاقد معهم قبل فوات الاوان .. صمت الاداره حتى الان وراه شي كبير .. بس اصبرو لين تنتهي مباراه بونديكور وباذن الله نسمع اخبار حلوه |
ياخي مو غصب نجيبه وبعدين سامي مو يبي أحد إلا اللي معه .. أحس أنه لاعب عادي والجمهور مو مصدقين أنه أفضل محور في العالم .. |
ياخي انا كاتب موضوعين عنه مهمه ورفضتو تنزلونها ليش؟؟؟ يعني تسرقون افكار المشاركين وتبدون انفسكم على الكيان الهلالي حسبي الله على كل مراقب خاين بالمنتدى اللي كرهت،ني فيه ليش اتعب نفسي واكتب وووالخ وبالاخير احصل واحد منزله باسمه بعد اسبوع!!!! بديت اشك ان الفقراويه سيطرو حتى على منتدانا اتمنى يوضحون ليش مانزلو موضوعي اللي صارله اكثر من اسبوع ليش يعني؟؟؟؟ |
إقتباس:
|
كل يوم جمهور الهلال تبي لاعب مو شرط مبدع او يحتاجه الفريق اهم شي نتعاقد مع لاعب كنو مو لاعب حر والدوسري معروف طماع بزياده يعني عادي تلقون الاعب يوصل اربعين مليون على ايش مدري بس مدام فيها هياط عادي نبيه عند البعض |
إقتباس:
فيه شي شي اسمه عقل ومنطق الهياط خلا الاتحاد ينافس على الهبوط والنصر يمشي على نفس المسار الهلال مو نادي يهمه تحقيق بطولة محروم منها وخلاص الهلال يعمل لليوم وبكرا وللمستقبل |
ان شاء الله الاعب هلالي والله يكتب اللي فيه الخير للزعيم |
بسالكم سؤال واحد هل هو افضل من سلمان فرج ؟؟ اجل نحتاجه فيه هو محور هجومي وعندنا سلمان الفرج وعبدالله عطيف |
إقتباس:
أما الي 2011 وفوق ماينزل موضوعكك ع طول لازم يمر عند المراقبين وبعدها ينزل موضوعكك ع حسب المشرف ! أتمنى وضحت الصصصورة لكك . |
إقتباس:
جمهور موناقص تلعب باعصابه ياادارة المنتدى |
كنو؛ حمد الحمد؛ حسن كادش؛ أحمد عكاش أسماء مميزة بالترتيب .. الهلال لازم يستفيد من هبوط الإتفاق :) !! |
بسررررررررررررررررررعه يالهـــــــــلاليين لا يفوتكم ثلاث أسامي تكفي وتوفي كتعاقدات محلية وكل اللاعبين معزمين على خروجهم من أنديتهم والهلال إلى الحين ولا صفقة محليه ينهيها بالثلاثة وبس 1- حـــــســـــن مــــعــــــاذ. 2- مــــحـــمـــد كـنــــو. 3- حسن كادش |
الدوسري يرفض انتقال كانو الى اي نادي وهو مصرح هالشي |
إقتباس:
ما يمنع انك تتفاوض مع اي لاعب الهلال فاوض الفيصلي للحصول على النجعي ثم انسحب نعم حصل تفاوض لكن عندما رفع السعر من نادي الفقر في المره الاولى انسحبنا وتركناه لهم لان قيمة اللاعب الفعلية لا تستحق هذا المبلغ بعدها انسحبوا بدورهم المفاوضات مع الاتفاق مضيعة للوقت والمال اذا ما علمنا بانهم تنازلوا عن الشهري بمبالغ تصل لاكثر من 50 مليون إذاً كلامهم عن 100 مليون غير مستغرب كما ان الفائدة المرجوة من اللاعب ليست بتلك الاهمية للهلال اذا ما علمنا بان الهلال يزخر باكثر من لاعب في هذا المركز كريري - الغنام حتى بعض قلوب الدفاع ممكن بروزهم في هذا المركز ولقد شاهدنا عسيري الاتحاد يبدع في المحور الدفاعي لذلك انا ارى ان سلطان الدعيع سوف يفيدنا كثير متى ما اتيحت له الفرصة و الـ 100 مليون نتركها للاعب محترف اجنبي يصنع الفرق للملكي مهو لاعب محلي يأخذ المبلغ ويكبر المخده |
إقتباس:
اضف عليهم الزقعان السؤال المطروح ليش الاتفاق ما استفاد من هالاسماء وما هبط :) |
اذا لم يجلب الهلال كنو فهذه مصيبة لأننا محتاجين اثنين محاور محلي واجنبي ولن نجد محور محلي افضل من كنو لذلك على الادارة سرعة القيام بواجباتها قبل تطير الطيور بأرزاقها |
إقتباس:
وانت ماتعرف ان النادي اللي يفاوض لاعب من دون علم ناديه مخالفه وعليها عقوبه |
إقتباس:
ضف عليهم كسار |
محمد كنو ( موسى نضاو ) الجديد لاعب خورافي وصغير بالسن وهو ضالة الهلال .. |
| الوقت المعتمد في المنتدى بتوقيت جرينتش +3.
الوقت الان » 11:14 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd