ماحصل لكابتن العرب صالح النعيمة في ملعب الجوهرة نقطة سوداء في تاريخ

الرياضة السعودية.


رمز من رموز الكرة السعودية ومخلصها الأول يتم دعوته لحضور افتتاح ملعب


الجوهرة ، ويأتي من الرياض تكريماً للدعوة التي قدمت له ، وفي النهاية يتم


منعه من دخول الملعب !!!!!!.


تهون ما يتم دخول مشجع للملعب ، ولكن يتم منع دخول مدعو كريم كصالح


النعيمة !!!!


لأنه صالح النعيمة الذي سالت دماءه في الملعب من أجل المنتخب، لأنه صالح


النعيمة الذي توفي والده وهو في مهمة خدمة الوطن. لانه صالح النعيمة


رمز الوفاء والإخلاص والرجولة أطالب أطالب أطالب باعتذار رسمي


وعلني من الجهة التي قدمت له الدعوة ولم تفي بالواجب

من يتفق معي فليطالب مثلي ، وهذا اقل شئ نقدمه للمخلصين وفي مقدمتهم


رمز الإخلاص صالح النعيمة.

المشكله والمصيبه انه يقول رجال الامن يعرفونه ويسلمون عليه ومع هذا منعوه من الدخول !!! اي حقاره هذي

النعيمه ما دخل وشعار الهلال ما عرض والرئيس بدبي وتقولون ليه تطالبونه بالاستقاله مافيه اكثر من كذا اهانه عذرا ابو فيصل الهلال اكبر منك .......

إقتباس الرسالة الأصلية كتبت بواسطة ثائرالهميجان النعيمه ما دخل وشعار الهلال ما عرض والرئيس بدبي وتقولون ليه تطالبونه بالاستقاله مافيه اكثر من كذا اهانه عذرا ابو فيصل الهلال اكبر منك .......

وش دخل رئيس الهلال بتصرفات غبيه من الامن ومن منضمين افتتاح الملعب؟؟؟؟؟


ارحمو عقولنا



الرئيس في دبي يوقع للهلال عقود بالملايين ماهو رايح سياحه

والله عيب عليهم يعاملون اسطوره بقامه صالح النعيمه لازم يفتح تحقيق على المهزله هذي

مطلوب اعتذار رسمي من صاحب الدعوه اولا

هي قلة حياء هذا شي متفقين عليه.

الشي الوحيد اللي خرب جمالية الحدث.

ماضرك تقصيرهم ونكرانك فأنت الامبراطور والكابتن والقائد التاريخي والاسطوره الخالده يا ابا فهد .

شكرا
لو استطاعوا لشطبوا الهلال
إنها ضريبة التفوق والتميز
قل موتوا بغيضكم فلن تثني الهلال أحقادكم
الله يرحم الرياضة من المخافين

لوبي اصفر متامر ضد كل ماهو ازرق
لازم يقدمون اعتذار لاسطورة الدفاع وكابتن الهلال والمنتخب والعرب

صالح النعيمة يجلس على الرصيف ؟

خلاص ماعاد فيه وفا !

أكلتوه ونسيتوه ! أخذتوا خيره ورميتوه !

أطالب إدارة النادي بدعوته لمباراة بونيدكور في المنصة

وتخصيص جزء من التيفو له ..

ويجب على لاعبي الهلال أن يقدموا التأهل إلى دور ٨ كهدية لهذا اللاعب التاريخي ..

ولن يكون ذلك كافياً لهذا الرجل

والله عيب اللي صار

إقتباس الرسالة الأصلية كتبت بواسطة ثائرالهميجان النعيمه ما دخل وشعار الهلال ما عرض والرئيس بدبي وتقولون ليه تطالبونه بالاستقاله مافيه اكثر من كذا اهانه عذرا ابو فيصل الهلال اكبر منك .......

الله يهديك اخوي ... اللي اعرفه ابن مساعد
ينهي الامور النهائيه للراعي الاستراتيجي لنادي الهلال ...
وقيل الامور الماليه بتكون اكثر من 100 مليون
بالعكس خليه يروح الله يستر عليه دام فيها مصلحه ...
اما بخصوص النعيمه ماله اي علاقه بالاداره الهلاليه
الله يهديك بس
ومع ذلك موضوع صالح النعيمه ماينسكت عليه

والله تنكدت لما شفت صورة النعيمة برى..


والله العظيم يابو فهد مكانك بقلووبنا..

الهمة ياجمهور الهلال ..

المفروض حنا نكرم ابو فهد، بدل ما نلعن الظلام ، نضيء شمعة


مجلس جمهور الهلالي يبدأ يحضر لتكريم ابو فهد..

لافتة كبيرة وصورة أكبر وهتافات باسمه..وقبل المباراة درع تكريمي وهدية قيمة..


تكفون الهمة، وأنا اول الداعمين واذا احتاج الموضوع دعم مالي ..أعطونا رقم حساب أحد بالمجلس


نحول له دعمنا باللي نقدر عليه، وباذن الله حنا ياجمهور الهلال نكفي ونوفي

أدارة فاشله وجعلة نفسها أضحوكه للمتشمتين بها
وليس بها فقط بل بكُل ما ينتمي للهلال
والرئيس يريد يرحل وهو كاسب وليس خاسر وأتحدى أنه دفع فلس واحد من جيبه
ولا يهمه سمعة الهلال ومكانة الهلال المهم الأستثمار والربح من وراء الهلال
على العموم صالح سيبقى رمز من رموز الرياضه السعوديه ولن يحبطوه
بتصرفاتهم العنصريه البغيضه والله يحفظ الهلال وجماهير الهلال
من دسائس وكيد الكآئدين

سبحان الله عشان رجل الأمن مخلص ووفي رغم معرفتهم في صالح النعيمة وتقديرهم له..
ولكن ينفذوون اوامر عليا أتتهم بعدم دخول اي شخص الملعب بدون استثناء ..
تجوون تقولون رجال امن متعصبين وحقيرين وانواع الااتهام ..؟
شي مؤسف بصراحة