ألجم إعلامينكم .. !!
شايل ع الهلال .. !!
شايل ع سـآمي .. !!

ياخي انت عندك نظره ثاقبه كل هذا لآحظته من خلال ردي السابق .. !!
وين الاداره عنك مفروض يخلونك مشرف ..
اسمع يا بو نظره انت ..
اظاهر نظآمك إن لم تكن معي فأنت ضدي .. فعشان كذا اتهمتني بأني نصرآوي ..
وأنا ماراح احلف ولا رآح ابرر في هذه النقطه لأن واضح بأن عقليتك صغيره و محدوده ..

نرجع لسآمي ..
انا قلت شوي شوي ع الرجال ولا "تطيرونه" لفوق واعتقد هالكلمه مافيها شي غلط ..
لأن اللي جالس يصير في هالمنتدى مسخره وقلة ادب و فيه إهانه لكل مشجع هلالي ..
مقآرنات بين سامي وبين مدربين عآلمين ..!!
و مو اي مدربين بعد فيرغسون و سيموني "مطور الاتلتيكو" و مورينهو ..!!
قليل من العقل يا اخوآن ..

لازم الوآحد يفصل بين سامي المدرب وبين سامي الاسطوره ..
أوكيه ..
سامي اللاعب : نجم اسطوري و الجمهور يحبه لأنه حقق انجآزات و رفع رآس كل هلالي في المحافل المحليه والاسيويه والعالميه ..
سامي المدرب : خرج من البطولات الموسم و ماله امل هالموسم إلا في الاسيويه .. !!

واذا الواحد انتقد سامي فهو ينتقد عمله لاشخصه و لاحتى تاريخه كلاعب ..
مثل ما كنا نتقد كمبواريه و كالديرون و دول ..
مسألة ان كل ما انتقد واحد سامي نشبتوا بحلقه واتهمتوه بأنه نصراوي ..
فـ قفلوا المنتدى وفكونا احسن ..

واما مسألة الدفع الربآعي .. ايه نعم فيه دفع ربآعي وخماسي و سدآسي بعد للفريق النصراوي ..
وهذا الشي له علاقه بنتائج الموسم ..
لكن اللي متآبع الهلال من بداية الموسم إلى الآن .. فهو يشوف الهلال في اغلب مبارياته متذبذب المستوى ..
اندية الوسط والمنافسه للهبوط كانت تحرج الهلال و كان ما يفوز إلا في أخر عشر دقايق ..

عموما انا صح انتقد سامي لكني اتمناه يبقى لموسم اخر ..
حتى ما يكون للإداره عذر في بداية الموسم القادم ..
المدرب جديد و اصبروا عليه و إلخ إلخ من الاعذار ..

الله يوفق الهلال ..

بالنسبه للهجوم الارعن الغير مبرر اللي تتكلم عنه ..
مدرب مسك فريق يعتبر كبير القاره وهو بدون سجل تدريبي و في نهاية الموسم يخرج من جميع البطولات .. !!
اذا انت تشوف هالشي غير مبرر فهو مصيبه ..!!

من حق اي شخص انه ينتقد .. فسامي لاهو نبي ولاهو معصوم عن الخطأ ..
انت تذكرني بواحد هنا كنت انتقد ياسر و هو كآن يدافع و عنه لدرجة اني حسبت انه قريب له .. !!
سامي حاليا مدرب يعني حاله حآل كمبواريه وكالديرون و جيرتس و باقي الشله ..

صح فيه بعض الاعضاء يفلونها و ماسكينها مسخره وطقطقه ع سآمي ..
لكن مالك حق انك تقيس هالاشكال ع كل من انتقد سآمي .. !!
أصابعك ماهي سوا ..

نرجع لـ إتهامك علي ..

في ردك الاول :

قلت بأني شايل ع سامي والهلال و انه الجم اعلامنا ..
وفي ردك الثاني تقول انك ما تهمتني بأني نصرآوي ..
ياسلآم عليك ..
اجل اللي بردك الاول وشو .. إلا اذا فيك انفصآم بالشخصيه ممكن أعذرك .. ؟

وفي ردك هذا :

قلت لك : اني اتمنى من سامي انه يبقى لموسم آخر ..
وانت رديت علي وقلت : (( انت تتمنى سامي يطير من الهلال )) ..

شف ياحبيبي الفقهاء اذا اختلفوا بالاقوال يطلع لهم قول ثالث و يسمونها جمعا بين الاقوال و الادله ..

وانا احترت فيك :

1- يا انك ما تفهم من رآسك ..
مع كامل الاحترام والتقدير ..

2-يا ان فيك انفصام بالشخصيه ..
مع كآمل الاحترام والتقدير ..

3- والقول الثالث وهو الرآجح .. فيك نسبه من الغباء لكنها لا تصل للغباء المطلق ..
مع كآمل الاحترآم والتقدير ...

الله يوفق الهلال ..