في رأيي المتواضع وبعيدا عن العاطفه

لا يختلف عليه اثنان انه موهوب بفنياته

اما رجعته للزعيم نضعها بيد الكوتش سامي اذا رأى انه يحتاجه فأهلا به

اما قول بعض الجماهير المحبه للزعيم انه خرج بكيفه . نعم هو أخطأ خطأ كبير ولكن العظماء دائما هم من يصفحوا عن المخطئ .

وها نحن نرى عبدو عطيف يخرج من الشباب بخطأه ولكن اعترف فرجع .

الفريدي لا يقل مهارة عن سالم الدوسري في اعتقادي ان الفريدي اكثر مهارة وتحكم بالكوره من سالم اذا كان محافظ على التدريبات

وشكرا لكم وفالكم الاسيوية s13ss13s

من طلع من داره قل مقدارة خلله يعرف ان الهلال اهو الي طلعه والهلال ماهو بحاجته اجل كل من طلع من الهلال جاء واعترف انه اخطى وجبناه صرنا فاتحين النادي ملاهي . . ~

اولا تسلم على الطرح واتمنى تتقبل مني ولايعذرني الفريدي ومحبيه 0
الهلال الان ليس الهلال اول ماتى الفريدي ووجد مالم يجده اي لاعب في الوسط الرياضي من جميع الهلاليين
سؤال هل الفريدي اول مارحل هل فكر في مايحدث في غيابه لكون مستواه في ذلك الوقت مهم بالنسبة لنا هل فكر ان الهلال من الممكن ان يتاثر بغياب اي لاعب مهما كان مستواه وشهرته طبعا لا الفريدي لاعب هلالي سابق فكر في نفسه علما بان الهلال اوجد له كل المميزات التي من الممكن ان تؤمن له مستقبله ولكن الان الهلال لايحتاج الفريدي ولا حتى في الاولمبي زمن ونتهى مع تمنياتنا له في اي نادي بالتوفيق 0 الهلال نادي عظيم ومن لايعرف قيمة الهلال اتمنى ان نبعد عن العاطفه نحن واقعيين وهمنا الاكبر مستقبل الزعيم الفريدي لاعب سابق وعليه ان يعيش على ذكرى ايامه في الهلال وتكون من ضمن مسيرته الخالده انه في يوم من الايام لعب للهلال 0
وهذا رائي مع احترامي لاراء الاخرين وان كانت عكس رائي 0احترامي للجميع

الاعب تركنا في وقت كنا نبيه والاعب ماحافظ على نفسه ومكانه نادي الوحده والانصار

عقلية الفريدي .. واللي سبق وكتبت عنها كثير ..

نادي احتضنك .. طوّرك .. قدّمك للجمهور .. عزّك بعد الله .. تتصرف معه بكل خسّة و نذالة .. ويماطل .. ويخلي الإدارة مضحكة للشامتين ..

ابن مساعد راح لأبوه .. و كلمه .. ضارب له مشوار تقدير له .. ولا قدر هالشيء ..

الناس يقولون احتراف .. أوكي احتراف ماقلنا شيء .. ينتقل زي ما يبي .. بس باقي بنا علوم الرجال ..

والله لو شخص فتح لي بيته .. و صرف علي .. و تعب علي .. ووثق بي ..

لا يمكن بأي شكل من الأشكال أطعنه بالظهر ..


انتقال الفريدي ما كان احترافي .. وهو ما كان صريح ولا شفاف مع الادارة .. اختار يلف و يدور ويضع ادارة الهلال أمام جماهيره ..

ولا أكتفى بهذا .. صرّح .. و لمّح .. حتى بعد انتقاله .. بكذا تصريح استفزازي ضد الهلال ..


يارجل ..

أنا اعطيك اياها من الأخير ..

إذا هو قايل أبي الهلال .. فأنا متأكد 100% إنه رايح للنصر .. وهذي مسرحية بس ..

علشان يجيك المهبول رئيس النصر و يسوي حركة سوبر مان بيده و كنه جاب الذيب من ذيله .. ويوقع مع الفريدي ..

مثله مثل سالفة الغامدي .. و الجبرين .. كلها مضبّطة من قبل .. والمفاوض الهلال يدابك يمين و يسار ..

الغامدي و الجبرين انعرضوا على الهلال .. مهب الهلال اللي عرض عليهم .. الهلال بس استقبل التلميحات برغبة اللاعبين ..

الجبرين على كلام رئيس الرائد إنه قايل له ما أبي غير الهلال و حققنا رغبته ولا يدري ليه غير الجبرين رأيه ..

والغامدي نفس الكلام ..

والفريدي الحين نفس الكلام .. وتذكروا كلامي .. إذا فعلا قال ابي الهلال .. فهو رايح النصر


--------------------------


== بعد التعديل أضيف هالكم كلمة ==

على فكرة .. وسط الهلال الحالي صار أفضل بكثير من غطرسة الفريدي و استهباله بالكورة في أوقات مالها داعي .. وكنها البارحة حركاته في المباريات والهلال محتاج الفوز وقتها ..

الهلال يملك الفرج و العابد و سالم .. ثلاثي شاب .. أما صناعة اللعب فخلاص بعد الشلهوب ما نبي غير أجنبي .. يانيفيز يا غيره .. اللاعب السعودي عساه يكنتر الكورة صح علشان يصنع لعب ..

بالنسبة للفريدي فهو مهب لاعب محور وما أدري ليه البعض يصر انه محور ..

مركز الفريدي وسط مهاجم .. ومن أكثر اللاعبين مطرسة بالملعب .. و أي واحد لو يصفي راسه ثلاثين ثانية ويتذكر الفريدي الحقيقي ..

1- يركض كنه يمشي على صمغ من البطء اللي به ..
2- من قوة استهتاره .. في أكثر من مباراة هجمة تحتاج لصناعة منه .. لكن يحتفظ بالكورة مرات .. و مرات يحاول بكل بلاهة يحطها لووب بالزاوية البعيدة ولا مرة قرّبت من المرمى شوتاته ..
إذا صانع ألعاب بهالاستهتار و الأنانية .. لا يابوي ما نبيه ..

هذا كله كوم .. وإنه أصلا انتهى كوم ثاني ..

اللاعب من سنة ونص مالعب زي الأوادم ..

انتهى خلاص ..

الفريدي عندما انتقل انتقص من سامي ... وقال الهلال لم يحقق الاسيوية بسبب الظلم
فكيف تبينا نرجعه

لانريده لانريده
........................

(( إذا كان الكابتن احمد الفريدي يريد العودة للهلال ودخل وسطاء كما يقال واعترف بخطئه وندمان ))

ليش لا اتمنى الإدارة تنظر بموضوع أحمد وترجعه للنادي الاعب عمر 25 سنه ما شاء الله تبارك الله ويعطيك خمس سنوات قدام ومن ابناء النادي ..

انت تقارن زلزال بواحد بارد

بعيدا عن العاطفه انه ترك الهلال وندمان ويبقى يرجع هل مستواه يسمح له
بالعودة انا اشوف ان اللاعب سيء جدا صاحب بروود عالي يلعب لشخصه
تمريراته الخاطئه اكثر من السليمه مع الاتحاد واناكنت ضد التجديد لعزوز
الدوسري ويجي الفريدي بعد لا مستحيل

انا اتمنى ان لا اشاهد الفريدي حتى عند باب النادي والله انه فاشل ولايستحق ان يلعب حتى في نادي من دوري ركاء بطي اناني متغطرس غدار يبيعنا بريال ليسى له امان. اتركوا الفريدي وساندوا اللاعبين المخلصين الوفين مع الهلال وهو يذهب لا نحتاجه بعد ماذهب له ابن مساعد الى بيته وبعد ماتوسط عليه باوالده وترك الجميع يريد يرجع يحلــم . اللوبي يريد ان شغلكم بهذا الاعب حتى تنقسمون بين مؤيد ومعارض وهي لعبتهم مع الهلال في السنوات الاخيره.

الفريدي لاعب منتهي قلي مباراه وحدة بدع مع الأتحاد الهلال كان رافعه ومعطيه الي يبي

مانبيـــــــــــــه ..الي باعنا برخيص بتراب ينباااع..
الفريدي اناني همه نفسه وبس انا ومن بعدي الطوفان..كيف تبينا نقبل بلاعب مخه مريض..؟

باسم الله ع لعيبة الهلال ابعدوووه لاينقلهم مرض الأنا ..خلووه بعيد لانه مثل التفاحه الفاسده اذا اختلطت بالبقيه افسدتهم..
اعذرنا يالفريدي فأنت مالك مكان بقلوبنا والهلال زي مابعته باعك..