مواضيع تستفزني كثيرا
 

مواضيع تستفزني من الكتاب إما في الصحف أو في المنتدى الهلالي
الكل أصبح يفهم في التدريب ويضع نفسه مدرب للفريق فقط في مباريات الهلال خلال هذا الموسم
إما الهلاليين أو الغير الهلاليين لياتي بعد المباراة ويقول سامي أخطأ وأخطأ وأخطأ وكان يجب أن يفعل كذا وكذا وكذا
ولا نراهم مدربين لأنديتهم عندما تلعب حيث أن التدريب يصبح موهبه عندهم في مباريات الهلال لا غير

أتمنى من الجمهور عدم التحدث عن التغييرات أو التشكيله بكثره لأن هذا سوف يفقدكم صوابكم لأن كل مباراة ولها أعذارها ولها أمور أخرى لا تعلمونها يامن تمكثون خلف الشاشات.


تحياتي
:alzaeem:

ياخي انت جبتها صح


بعض اللي ينتقدون ويخططون ودي اقول لهم ان عمر سامي بالملاعب اكبر من عمرك بالحياة كلها فياليت تتغطى وتنام

اما من ينتقدون من الاعلام فهو حسد وحقد وخوف من نجاح ولد البلد سامي


وفيه اعلام اللوبي الاصيفر الخائن للوطن والوطنية


وعموما ردنا الافضل على كل هؤلاء هو الميدان ياحميدان والارقام


سامي وكتيبته سائرون ودع الكلاب " يكرم الهلاليين والهلاليات والمنتدى" ينبحون على قد اللي يعجبهم

كلام سليم الكل اصبح مدرررررب و يفهم كوووووورة ماشاءالله

ليه يعني المشجع يشجع ولا يبدي ملاحظاته

ولا عشانه مشجع صار مايفهم ...

شفت نصف المحللين الي بساحه اغلب المشجعين افضل منهم ..

المشجع تلقاه يتابع الدوريات الاوربيه ويفهم ومن حقه ينتقد ..


وصراحه بعض المدربينن العمى ينتقدهم مثل كمبواريه .. ودول .. وهشيك ..


وبالنسبه لي ارى ان عمل سامي افضل منهم لكن يعيب سامي انه يجامل الشلهوب وياسر ع حساب الفريق

هذولا كرونا الرياضه السعوديه
يبقا سامي اكبر من ذولي المراهقين

أقول رايي وبصراحة بس من دون تجريح ولا ليش أسسو هالمنتدى وتويتر اللهم وفق الزعيم فوق كل أرض وتحت كل سماء:ba: :ba1:

لم نكن نرى هذه الإنتقادات منكم في الماضي
كنا نجد منتقد واحد أو إثنين يحللون المباراة وبطريقة جميلة
ولكن الآن أصبح كل المنتديات و الوسائل الإعلاميه تحلل مباريات الهلال فقط لا غير
لذلك أنا لا أعيب على المنتقديم إنتقادهم ولكن لماذا ظهر هذا الشي بالموسم هذا وخصوصا على سامي
أليس لأجل أن يجعلوا سامي لا شي بالنسبه لنا؟ يفعلون هذا وأصبحنا نساعدهم بهذا الشي

لا فض فوك ,

جبتها ع الجرح والله ,

ننتقد لكن نقد بنـّاء من غير انتقاص وتجريح .. " أقصد هذا المفروض "

بس الغريب ان ببعض المباريات تحس بتكتيك عالي ولعب مرتب وكله وببعض المباريات ماتحس بهالشيء !!
عمووماً أنا ضد اللي يهاجم سامي لما الفريق يبدع ويلعب وتخلق له فرص بالهبل ,,
ولكن يخسر بسبب رعونه أو حظ !! يعني معناتها الغلط هنا من اللعيبه وأخطائهم وليس من سامي !!
وبعدين يسس أنا معك ان هالموسم أشد بكثيررر من المواسم السابقة من قـِبل انتقاد الجماهير
وخطة الفريق وتكتيكه وخانة كل لاعب وكل صغيره وكبيره في تدريب سامي !!

هي شكلها وحده من الثنتين .. يااما تأثير الإعلام الأصفر أو لانه وطني فالعين والتدقيق عليه يكون بشكل أكبر وبكل شارده ووارده مع سامي !!!!

بسس بجد سامي اثبت انه ماشاءالله عليه كبير ومسيطر وصامد بوجه كللل هالأجواء الهجوميه والمنتقده له بشكل دقيييق وكبير جدااً جدااً
ربي يوفقـه مع الزعـيم ونحصد معه أغلى الألقاب والبطولات بــإذن الله

تلقاهم متابعين برنامج بتال ومحلل مايطلبه بتال ( ابو اثنين)

او محلل قناة بي ان سبورت الجلاهمه وطقته ..


اذا نواف التمياط مدح تكتيك سامي وقرائته للمباراه هذا يكفي،

التمياط يحلل افضل الدوريات العالميه

يوجد في المنتدى عقول نستفيد منها وخبرات نفتخر بها
لابد ان يسال الشخص ويقترح ويبدى رايه وهذا جمال المنتدى

اريد ان اسالك سؤال هل فيه انسان كامل لايخطئ ؟
هل الصواب خلق مع اناس محددين ؟
اطرح رايك بادب دون تجريح والجميع يعرفون كيف يستفيدون من المنتدى
ورواده

والله انك صادق الكلام سهل قال وقيل وسوي كدا وكدا وهو ما يعرف يفرق بين الخطط وانواعها في الاخير الكوره صارة علم ودراسه

إسأل نفسك قبل أن تسألني لماذا لا تريدون من سامي أن يخطأ وإذا أخطأ جرحتوا فيه وأنه مبتدأ وإنكم كنتوا ضد إن سامي يدرب الفريق الأول وكان مفروض يدرب الفريق الأولمبي.
أخي العزيز أنا مع سامي ومع تدريبه للفريق الأول وكنت أنتظر هالشي من قبل أن يعود للملكة لأني واثق من سامي وأعرف سامي وأعرف فكره ودهائه الغير طبيعي لأني أتابع سامي بنفسي ولا أتابع الإعلام السعودي وأقول مثل مايقولون.

تحياتي

أخي العزيز كلامك جميل وحبيت أعلق على كلمة أنه وطني فالعين عليه تكون بشكل أكبر.
طيب ليش مانظروا للقروني مدرب الإتحاد والذي درب غالبية الفرق السعودية بنظرات وجلسوا يحللون كل شي فيه من لبسه ألين بعد المباراة بإسبوع؟.
الإجابة سهله لا يريدوننا أن نفتخر بسامي ويريدون التنقيص منه وتشويه فكرتنا عنه فقط لا غير

تحياتي

اولا شكرا لطرحك هذا الموضوع

ثانيا انا مع الانتقاد بس بهدف وقرائة صحيحه واحصائيات

ثالثا ان اكثر من ينتقد سامي لا يقارنها بالموسم الفائت او اللي قبله او اللي قبله

كل انتقاداتهم ليش لعب فلان وليش دخل فلان وليش غير اخر دقيقة وليش لابس ساعة

من تجد انتقاده بهذا الشكل اعرف انه اما غير هلالي او هلالي عاطفي وطقطقوا عليه جماهير غير هلالية وهو زعل على سامي

يعني هو ما يبي احد يقول شيء على الهلال واذا شاف الجماهير الغير هلالية تركز على سامي هو ينقهر من حبه للهلال وسامي

لا تلومنهم فهم لو يلعب الهلال مع ضمك جلس يتنافض يقول بينهزم الهلال ما عندهم مدرب ولا لاعبين (اجوائهم استوائية)

على العموم من يعرف كرة القدم يقارن بنتائج ومستويات

ويجب وضع نقاط للانتقاد على اللاعبين والمدربين

فمثلا على مدرب:

1- ماهو مركز الفريق الموسم الفائت مقارنه بالموسم الحالي وعدد النقاط وعدد الاهداف وعدد الانتصارات وعدد الاهداف عليه

2-هل نقاط الضعف في الفريق تتلاشى ام هي مستمرة ولم يجد لها حل

3- هل يعطي الثقة لابناء النادي من اللاعبين الالمبي او لا وهل برز نجم منهم في الفريق الاول

4-هل يتفوق في الشوط الاول او الثاني لانه من المعروف ان الشوط الثاني شوط المدربين

5-كم نسبة استحواذة على الكورة بمعدل مبارياته

واسف على الاطالة بس حبيت اوضح قليلا من اللي في خاطري