|
دام 60 الف بيحضرون .. تهون الف كيلو من الجوف لعيونك يازعيم السلام عليكم ورحمه الله وبركاته قبل كل شي .. اتشرف بكتابتي في احد صروح زعيمنا الهلال اتشرف بتواجدي بين قامات لطالما قرأت ماكتبت اقلامهم وتمنيت تحقيق مايتطلعون اليه وصلت الرياض بالامس وباذن الله اواكب زحف ال 60 الف في أهم منعطف هلالي هذا الموسم علما بأنها اول مباراه ان شاءالله سأحضرها للزعيم بدات متابعتي للمنتدى قبل تقريبا 5 سنوات .. لدي عده رسائل اود توجيهها اليكم ايها الساده 1:- لطالما قرأت ان الهلال جداره قصير من خلال ماكتبتم هنا .. ويعزئ ذلك الى منهجيه عبدالرحمن بن مساعد في تعاطفه وعدم حدته في الرد على المسيئين للنادي الان يتواجد سامي الجابر لن أتكلم عنه ك لاعب او كأسطوره .. او حتى كأول لاعب هلالي عشقته أسمحو لي ان اعود بالذاكره بكم الى الخلف قليلا في تصريحه الشهير .. ( الاتحاد والشباب فرق قوية وممتازه فنيه قادره على تحقيق الفرق ) صدر منه هذا التصريح قبل التوقف الاخير ... قبل مباراه النصر مع الاتحاد والشباب هذي فرق اعطاها الهلال اربعات وخمسات وفوق هذا امتدحها .. ليش ؟ الاجابه معروفه تمنيت منذ زمن وجود فكر يحمله هذا الرجل .. الهلال داخل الميدان امواج عاتيه لكن كان الاعلاميين الهلاليين لايواكبون قوة هذه الامواج نحتاج رجل سواء مدرب او اداري او لاعب .. يهيئ الفرق المنافسه لنا على منافسه غيرنا من الانديه ومانكون حنا المظلومين ب 26 جوله وكل الانديه تبدع قدامنا بس 2:- النجومية الباهتة اقصد هنا ياسر القحطاني - محمد الشلهوب .. ألخ يعلم الله كم أحبهم .. ومن وجهة نظري اوافق العدييد ممن قالو أن نجوميتهم باهته لكن فكروا معاي بـ الشهراني والزوري وسلطان الدعيع والعابد والدوسري والكثير من الشباب لما يلعبون مع قامات حتى لو كان الاعلام من صنعها .. ماهي النتيجه ؟ خالد الغامدي لاعب النصر في احد تصريحاته قال انا استحي على دمي لما اشوف حسين عبدالغني يحرث الملعب ب 90 دقيقه واحاول اجاريه بمستواه صحيح مستويات القحطاني والشلهوب مو نفس زمان لكن مجرد وجودهم على دكه البدلاء مو بس بالملعب يعطي حافز للاعبين الشباب انا ماشجعت الهلال قد ماشجعتوه ياجماعه .. بس حبيته زي ماحبيتوه الهلال مشكلته اداره تدفع ومدرب يخطط ويجتهد واعلام يحارب وفي النهايه اللاعبين في الميدان يفقدون هوياتهم بشكل كااااااااااااااااامل والله ثم والله لو لعب كل لاعب ب كامل مستواه فقط بدون اي زياده .. اننا بناكل اسيا كلها مو بس السعوديه نحتاج مدرب بتاريخ سامي يحترمه اللاعبين ويقفون وقفه رجل واحد بالميدان لعيونه نحتاج لاعبين كبار امثال القحطاني والشلهوب وكريري وامثالهم .. حتى شباب الهلال يلعبون بكامل مستواهم تكلمت عن المدرب واللاعبين والاداره .. الجمهور ماتكلمت عنه ابدا لانه ماقصر طول هالموسم .. ولانه بكرا انا راح اكون رقم 60 الف في الملعب وأسال الله ان يكسر حتى حاجز ال 60 الف وكلي ثقه ان اخواني مشجعين الهلال قدها اعتذر عالاطاله .. مجرد قرائتكم النص تعني اهتمامكم بمعشوقكم الزعيم في أول خطوة كنت هنا .. وغدا سأكون في الملعب ان شاءالله |
كفؤ وان شاء الله ترجع بالسلامة ومبسوط بالفووووز |
كفوو يآزعيييم .. توصل بالسلامه وكل الملووك اللي بيتحركون للدره توصلون بالسلامه حمآس وتفآؤل ربي يكتب لنا التأأهل .. زعيم آسيا قآدر يتجآوز سباهان الله يوفق هلالنآ وتكتمل أفراحنا بالتأهل |
كفووووووووو الله يحفظكم وتوصلون بالســـــــــــلامه وفااااااالكم الفرح بالفوز بإذن الله شــــــــــعارنا دائماً :ba::ba1::ba:( يدا بيد من أجل الزعيم ):ba::ba1::ba: :ba::ba1::ba: اللهم وفق الهلال فوق كل ارض وتحت كل سماء :ba::ba1::ba: |
تروح وترجع بالسلامة وإن شاء الله ترجع مبسوط بالفوز ع الفريق الآيراني تحيتي |
فديت بحيرة دومة الجندل إنتبه على الخط وفالك الفوز بإذن الله |
الفجررر نطللع من الجووووووف |
تسلم يمناك يالغالي وتوصل بالسلامة وان شاء الله ماترجع الا وحنا فايزين بإذن الله |
ما قصرت اخوي وان شاء الله الفأل حسن اتفق معاك ابن مساعد دمر الهلال في الخمس سنوات السابقة لكن وجود سامي ونجوم الزعيم تفكنا من هالرئيس الذي لا يهش ولا ينش وثقافته حنا احسن من غيرنا كل سنة بطولة صرنا نرجع للوراء خطوات اللحين بينقز علينا ويقول غيرنا ما حقق كأس فيصل ابو النصراوي اسير الشوق هالرئيس قال كلام ما قاله رئيس هلالي سابق هذا الرئيس اعترف بمقولة الجراثيم الصفراء ولا داعي لذكرها كلنا نعرفها رئيس يقارن الهلال بالشباب والاتحاد والأهلي فرق قتات من فتات الهلال تبا لرئيس يقلل من ناديه لهذه الدرجة |
أهم شي لحد يسرع مافي أحلى من السواقه الهاديه ! أن شاء الله تطلع من الملعب مبسوط بالتاهل يارب وتوصل لديرتكك بالسلامه أن شاء الله تحياتي لكك |
الله يحفظك يا زعيم في حلك وترحالك .. ترجع بالسلامه ان شاء الله s13s |
ربي يوفقكم وترجعون بألف سلامه إن شاءالله وكلنا ثقه بجماهير الزعـيم انها راح تملي الملعب ويكون حضورها فـل بسس نتمنى حضور إيجابي وتشجيع ومؤازرة فعـّاله وإن شاءالله متأملين خير بنجوم الزعـيم باللعب بكل قتاليه وروح وحماس بسس تكفوون نبي التشجيع من أول المباراه لنهايتها من غير كلل وملل ,, مهما كانت النتيجه لوقت غير مرضيه .. فالزعماء قادرين على قلب موازين المباراة والنتيجة والفـوز بإذن واحد أحد |
اشكر كل من رد بارك الله فيكم والله يحقق امانيكم اليوم ان شاءالله بخصوص رد الاخ محمود اليحيا صحيح الرئيس الهلالي ضعيف الشخصيه نوعا ما صحيح يدافع عن نفسه حتى لو كان مخطئ او غير صادق ( رحيل جيرتس . رحيل الفريدي .. رحيل هوساوي) صحيح يحاول يخدر الجمهور احيانا ( انا رايح كلمو الاداره الجايه . حققنا كل موسم بطوله بعكس غيرنا ) لكن حتى المتابع يصدقك الرأي في ردك اذكر الايجابيات سلفا مع السلبيات ياسر القحطاني ( لو قالي ابن مساعد وقع بريال راح اوقع ) تأخرت رواتب اللاعبين ولم يعارض او يشتكي اي لاعب .. لانه حسن المعامله معاهم يعني بالعربي مافاحت ريحه فضايح رواتب مثل كل الانديه السعوديه وأخيرا ماننكر كلنا كم دفع عشان الهلال .. اكبر مثال نجم الهجوم السعودي ( ناصر الشمراني ) والكتيبه الهلاليه السابقه ( نيفيز ورادوي وويلي وجيرتس ) كل المشكله انه صادفه عدم توفيق + خذلان من بعض اللاعبين واعضاء الشرف هالكلام ايجابيات لمستها انا اضافه الى سلبيات انت ذكرتها على كل حياك ربي .. اختلفنا بالكلام واتفقنا على حب الهلال بأنتظار البشائر غدا ان شاءالله |
كفو والله بيض الله وجهك وأنا من ضمن الجمهور الحاضر حالياً |
| الوقت المعتمد في المنتدى بتوقيت جرينتش +3.
الوقت الان » 09:30 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd