جمهور الهلال فالرياض فالنوم العميق وانا منهم
 

بسم الله الرحمن الرحيم

بدون مقدمات حبيت أدخل في صلب الموضوع متعمداً لكن الهدف اني اصحصح الجمهور الهلالي من النوم اللي هم فيه ..:

1-الحملة الهلالي لازم تكون فعاله في الملعب وبتحديد من الساعة الثامنة وخمسون دقيقة يعني اذا الجمهور حضر للملعب لازم يولعون المدرج باهزيزج من الدقيقة الاولى حتى الدقيقة 90 .

2-الهلال ليس بحاجه للحضور او تيفو او جمهور نام فالمدرجات .. الهلال بحاجه الى موج من الجماهير لا تكون ساكته حين تبدا المباراة تبي جمهور يزلزل الارض من الدقيقة الاولى الى الدقيقة 90 .

3- بكل امانه لا اتمنى حضور ستين الف وماخذين وضع المتفرج الصامت لان هذا يسبب ضغط على اللاعبين ... الا في حالة استين الف هزو المدرجات راح تشفون الهلال ياكل الاخضر واليابس الايراني ..


4- ما ابي فل ابيها .. ابي هز مدرجات من الدقيقة الاولى الى الدقيقة 90



#شقردو_فالمدرجات_وسوف_تجدون_الشقرديه

المشكلة ان الجمهور يحضر من العصر للملعب وتشجيع وحماس

ومن تبدأ المباراة يكون الجمهور هلك من الحر والحماس من العصر

ومافيه بارد تشربه بالملعب .

اتمنى ترقيم المقاعد حتى لو احضر للملعب قبل المباراة بنصف ساعة اضمن احصل مقعد

مو اطلع من العصر للملعب ولا ارجع بيتي الا الساعة 12 بالليل ..!

مشكلتنا في تنظيم الملاعب سيء جداً مايشجعك على الحضور

انا رايح للملعب بكرة إن شاء الله

كونو على الموعد ي زعمآآءء

هنا الزبدة
رقمو الملاعب ونصير مثل دول العالم خلال ربع ساعه الملعب فل وشف التشجيع :naughty:

انا بروح اشقرد بالملعب لعيون النجوم والكيان

بس انا اتوقع بكره اهازيج مجنونه من الملوك الشقردية

لأن مباراة ما تقبل انصاف الحلول ومالنا الا الفوز للتأهل

راح يجن جنون المدرج الهلالي بإذن الله

خذوها وعد مني للشقردية

ان شاء الله كلنا بنروح نشقرد والدور على الاعبين باذن الله والفوز والتاهل

بالنسبة للي يقولون ترقيم المقاعد ؟ ادري لكم كل الحق تطالبون بترقيم المقاعد،،،

بس جمهور الرياض نايم بالعسل .. المقاعد مرقمه ولا مو مرقمه ما ظنتي يحضرون !

انا بيتي قريب جداً من الملعب ولا احضر لمباريات الهلال الا قبل المباراه بربع ساعه او عشر دقايق ودام احب اكون مع الرابطه خصوصاً فالمباريات الاسيويه ..
يعني مو لازم تكون من العصر فالملعب تقدر تتمشي قريب من الملعب وتتغدى بعد المغرب وتاخذ معك مويه يارده وتشربها قبل الدخول للملعب

ان شاء الله اليوم حاضرين ونتأهل ونفرح بزعيمنا

انا كرهت اروح مباراة لزعيم في الرياض لاني اجي من الساعه 4 وانتظر في الملعب واشجع من بداية المباراه احصل واحد وراي يقولي اجلس خلني اشوف ؟؟؟؟؟؟؟؟؟؟؟
بالله عليكم وش اقوله اقوله قم شجع يقولي تعبت طيب انا وش ذنبي
الي يبي يحضر ويجلس الافضل يجلس في بيت اهله من وجهة نظري 20 الف يشجعون وبصوت واحد احسن من الملعب فل ولا فيه صوت ابد

وانت صادق الي حاس ان فيه خمول ونوم الله يعافيه يجلس في بيتهم
نبي جمهور يهز الملعب هز

اتفق معك بخصوص الجمهور .. فعلا الحماس يكون اول ربع ساعه او عشر دقايق

وبعدها يغيب ويحظر متقطع وع دقيقه او دقيقتين .. المشكله المباراه حساسه ولازم يكون التفاعل طول المباراه


يعطيك العافيه ياخوي وما قصرت ع الموضوع المهم جدا





يارب وفق الزعيم ~