|
عبدالله العمار ؟؟ هاردلكم التعادل ياجمهور الزعيم الي تابع المباراة وشاف النقص العددي بالزعيم يقول التعادل افضل من الخسارة عطفا على مجريات المباراة انا من وجهي نظري / التعادل مثل الخسارة لازم يفوز الزعيم في مباراة سبهان الايراني تمنيت ان الهلال يلعب نفس الشوط الأول من ناحيه الجرءه الهجوميه تدافع لم تفقد الكورة وتهاجم من تستلم الكرة اما الانكماش الدفاعي في الشوط الثاني غير مبرر لان التعادل مثل الخسارة والفوز ياهلك رسميا لدور ال 16 سامي الجابر ؟؟ اخطا الشوط الثاني اخطاء شنيعه لم تراجع مستوى الفريق وتقدم الفريق الاماراتي كان من الاجدر خروج الكعبي ودخول يوسف السالم وخروج الشلهوب ودخول العابد لان الاهلي فتح ملعبه . دام السالم موجود بالدكه يعني جاهز يلعب لو شوط ليه الابقاء عليه وكذالك الشلهوب لاعب كبير بالسن ومستواه بالمباراة سيء المفروض من الدقيقة 60 اجراء تغييرين انا مستغرب من سامي اول تغيير الدقيقة 75 والثاني الدقيقة 80 والثالث الدقيقة 90 تضييع وقت اغلب المباريات هذي تغييراته سواء فايز خسران متعادل ليه هذا التاخير هل هو خوف او ... ؟؟؟ الي يقول مجموعتنا صعبه ؟؟ والله ماهي صعبه السد فريق فاشل وسبهان ماهو هذا الفريق الي يخوف ومستواه طايح والاهلي الاماراتي افضل السيئين اما مقارنتها بالمجموعات الاخرى ممكن اقوى من بقيه المجموعات . لكن الاتحاد معه الفريق الايراني افضل فريق بايران حاليا والعين الاماراتي ولخويا الي صقعنا الموسم الماضي ويمتلك مدرب كبير واجانب مميزين وتأهل ولا يمتلك لاعبين اجانب ومحليين مثل الزعيم . ليه كل سنه طموح المشجع الهلالي ؟؟ التأهل لدور ال 16 بعد ما كان الزعيم مرشح لبطولة آسيا والله تعبان من الانتظار 12 سنه ماقدرنا نجيب آسيا والله غبن . كذالك سامي ما طلع من الفريق الاولمبي ؟؟ الا لاعب واحد سلطان الدعيع والسبب / ماعنده قلب دفاع بيع عقد المرشدي واصابه المسلم ولا ماكان شفناه ليه من بداية الموسم ما اعتمدت على الاعبين الاولمبيين عندنا عبدالله العمار افضل لاعب هلالي اولمبي هذا الموسم وقائد منتخبنا الاولمبي ويقدم افضل المستويات والعابد هابط مستواه ، عزوز الدوسري لاعب منتهي ، الشلهوب لاعب كبير بالسن ليه ماتعتمد عليه كذالك الشامخ ، الحافط ، عبدالله عطيف ، عبدالله حمدان ، الكعبي والقائمه تطول ليه ما تعطيهم فرصه مثلا فيه مباراه النهضة والفتح في نهاية الدوري اليوم امام الاهلي الاماراتي ؟؟ وقفت في موقف محرج واضطريت تشرك الكعبي اول مباراة مع الفريق الاول في آسيا مستحيل راح يقدم ما تطمح له انت شخصيا والجمهور الهلالي . كلمه اخيرة/ مباراة سبهان المعطيات الي اشوفها فريق عادي ومن السهل هزيمته والتأهل بأذن الله لكن الموسم الحالي الهلال لا يطمئن ولا نقدر نراهن عليه على حسب مزاجيه الاعبين لان المدرب ماله اي بصمه ولا له شخصية مباراة فوق ومباراة تحت يعني راح نكون تحت رحمه ( روح الاعبين ) هل يقدمون مباراة كبيرة مثل مباراة السد او الفقر في الدوري او يقدمون مبارايات سيئه وياكثرها هذا الموسم هلال سامي محبط ولا ارهن عليه الا بعد المباراة |
الهلال هاجم وضيع عدة فرص منها وحدة للكعبي وسالم والشلهوب وغيرها التوزان انا واخوك زين سامي صدقني يسير بخطا ثابتة ويتعلم بشكل مثير اتركوا فكر الجراثيم الصفراء الذي اشاعوه اقسم لكم بالله خايفين يرجع سامي هلال الجيل الذهبي لذا يحاربونه يكفي من سامي اليوم اشراك الكعبي وكريري والكوري من أجل تجهيزهم لوقت الضرورة شكرا لك مقال حلو |
كلامك والله صحيح يالغالي بس انا مقهور من سامي هو الي خلا الجراثيم تجراء علينا ايام غريتس كان يعمل ويشتغل صح الجراثيم ماتجراءه تفتح افهما لان المدرب يقدم موسم مميز صدقني مستوى الزعيم المهزوز هو الي خلاهم يتهكمون علينا انا ذكرت بموضوعي اقول ليه ماواصل الشوط الثاني مثل الاول ماقراء الشوط الثاني صح واصبح يتفرج على الفريق والمباراة الخسارة مثل التعادل ماتفرق معك حاول تقدم وتخطف هدف وتأهل المدرب الكبير الي يجازف بالمباريات الحاسمه لكن قدر الله وماشاء فعل |
تاكد ان التاهل حظ وليس فن المهم هو الفوز على الفريق الايراني ومن بعدها يحلها ربنا |
اخالفك الرأي بنسبه للمجموعات مجموعتنا الاقوى العين طاح مستواه وتركتور اليوم انهزم من الاتحاد الميت وكان بيفوز عليه في ارضه والخويا مو كذا الي عهدناه مجموعتنا كل فريق فيها حاصل على بطولة اسيا بستثناء الاهي الي حصل على الدوري الاماراتي ومتأهل للمباراه النهائيه ثانيا ليش نحتاج روح اللاعبين ويكون المدرب فاشل انت تناقض نفسك يعني لو كان المدرب فاشل لو تجمع الف روح في كل لاعب ما هتكسب لان التكتيك مهم واليوم شفنا كيف التكتيك في ضل الغيابات لا عدمناك |
الهلال مع الظروف النقص ماقصر مستوى لابأس الحمدالله سامي تكتيك ع حسب ظروف المبارة والحمدالله انتهت تعادل موعدنا ف الرياض ان شالله شكرا ع موضوعك الجميل |
السلام عليكم جمعيا عندي مشكلة صغيرة وهي ابي اكتب موضوع جديد ف المنتدى كل ماادخل اكتب موضوع جديد يقولي عفوا لايمكنك الدخول وش الحل ؟؟ هل منكم يعطني حل بليييييييييز اللي عارف الطريقه يعلمني برساله خاصه الله يعطيكم الف عافية وعلما مشاركتي 23 وشكر منتظر الرد منكم ومعليش ياصاحب الموضوع |
كان هذا التعادل بمثابة فوز حين تتعادل بنقص خمسة من نجوم الفريق على بطل الامارات وبين جماهيره بعد الخروج من بطلات محليه مستحقه للفريق هذا جيد والمطالب بتغيير جلد الفريق في هذا التوقيت نوع من السوالف غير واضحة الهدف لان الانسجام مطلب ووجود الاخطاء وارد في كرة القدم تغيير الشلهوب كان مطلب بعد مضى ربع الشوط الثانى والتاكيد على الزورى بالتركيز على الدفاع بعد نصف الساعه من الشوط الثانى كان مهم نجومية السديري تجلت في اهم الاوقات الانسان يستحق ما ياتيه من تصوره للاحداث من نهر التفائل او من جمر التشائم العاقل خصيم نفسه |
الهلال هاجم وضيع عدة فرص منها وحدة للكعبي وسالم والشلهوب |
حعلّق بس ع هذي الجُزيئة وحرجع بعدين ان شاء الله إقتباس:
أولًا .. المركز الثالث السّد القطري في الدوري القطري .. الأهلي الاماراني .. الأول في الدوري الاماراتي سباهان الرّابع في الدوري صح .. لخويّا السنة الماضية خرجنا منه .. لكنّ من البداية لخويا دخل وبيضيّع في " آسيا " .. وترا جيريتس انصقع مرتين في أسبوع محليًا وأسيويًا! تعرف من مين محليًا؟ من نادي قطر " ترتيبه في الدوري العاشر " :) جيريتس كالعادة .. يخون الآن ! تخيّل العين! السابع في الدوري :) !! فين القُوة بالزبط؟ العين مرّة نزل مستواه .. والحين مع " زلاتكو " أحسن!! وتراكتور .. الخامس في الدوري " وبفرق 4 نقاط عن سباهان " يعني معليش .. مافي أي مُقارنة : ) ! أوقفُو يا جماهير وعُشاق الهلال مع الزّعيم! خلُّو الاسبوع هدوووء .. الله يوفق الهلال بس :smilie47: |
إقتباس:
قريتس عندة ميزانية مفتوحه ولاعبين محترفين ومجنسين ومنصقع من الاتحاد بالثلاثه ومنصقع من العين وبالخمسة وفشل مع منتخب المغرب وبطولة الدوري للخويا بسبب هبوط مستوى السد والريان والغرافه ولما كان مع الهلال في أهم المباريات خذلنا ولم يستطع التعامل مع مباراة الغرافه الاياب ولو الله ثم روح الفريق وتحفيز سامي للاعبين كان ماجبنا الهدفين والكل لاحظ وقوف سامي مع لاعبين الهلال وسط الملعب وقبل بداية الشوط الثاني وقريتس بنفسه يدين بالفضل لسامي بمعرفته بدهاليز الكرة السعودية ويعترف بفكرة الفني قبل الاداري وهو أول من تنبأ ببروز سامي كمدرب مع احترامي الكامل لقيرتس خدم الهلال وحقق معه بطولات مع فريقه المعاون ومن ضمنهم الجابر والامير عبدالرحمن وادارته ارجوا اخي الكريم احترام الكابتن سامي وتاريخة فهو جزء من تاريخ الهلال واصبح واقع وملموس وبدأ يتمرس على التدريب واكتسب من مصائب الموسم اللي فات خبرة عن عشر سنوات مورس عليه جميع انواع الضغوط ومر بكل الضروف داخل الميدان وخارجه واتوقع والعلم عند الله ان الموسم القادم هو موسم حصاد البطولات للهلال بقيادة الكوتش |
أجمل السيناريوهات ان يكون الرد في مكان العمل الكلام لايغير من نتائج العمل شئ !غالبا العمل وتجاوز الظروف اصبحت صفه هلاليه نرى مولدها في هلال هذا العام ماواجهه الهلال من ظروف متعدده لم تمر على الهلال من قبل ومع هذا تجاوزها والقادم احلى |
| الوقت المعتمد في المنتدى بتوقيت جرينتش +3.
الوقت الان » 09:45 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd