|
من غير مسارك ياجبرين؟ لماذا لا يطالب اتحاد القدم الأتصالات السعودية وموبايلي وزين بتقديم كشف بجميع الأتصالات الواردة على هاتف اللاعب عبدالعزيز الجبرين خلال الأسبوع الماضي ومعرفة جهات الأتصال لكشف اول خيوط الموأمرة ومن أثر على اللاعب لتغيير مساره. وصدقوني ستكون فضحية مدوية على من خطط لعملية تغيير مسار اللاعب الى النصر ولكن هل يملك الأتحاد السعودي او لجنة الأحتراف الشجاعة لذلك؟ |
انا ارشح نستعين بالFBI ومجلس الامن |
اهم شي حقوق النادي ماتضيع وبكيفهم |
البحث عن مفقود ؟ .... الى متى ياجبرين |
الاتصالات السعوديه للدوله والي فاوض الجبرين هو من الدوله يعني تريد احد يفضح نفسه |
اللاعب مايسوى كل ذا القروشة الادارة يجب ان تصدر بيان انها ماتبيه ع ويش بس ما ادري |
إقتباس:
والله ياجماعة الربع انها خيره هالزوبعه الي صارت جعل عمره ماجا للهلال هالجبرين لو فيه خير مانسقه نادي الشباب خله يولي اللي جابه يجيب غيره |
إقتباس:
اي بالله ونستعين ببطل قومي مثل باتمان ولا هولوك على شان يحل المسأله ههههههههههههههههههههههههههههههههههه اهل العقول في راحه يا صاحب الموضوع |
المشكلة بان اللاعب هلالي متعصب وموافق على عرض الهلال حتى يبقى قريب من اسرته بالرياض لكن هالاتصال اللي جاه وغير مساره |
مصادري تقول بان عبدالعزيز الجبرين سوف يبقى في الرائد هذا كلام من شخص ثقة |
"" للأسف باب الخروج قريب " " |
هههههه الاخ اللي يقول مصادري!! شيء معروف انه راح يظل في الرائد, مستحيل يطلبه الزعيم , والكل يعرف ان هذي حركات النصر ولا هم مايبونه, ماجبت شيء وانا اخوك! |
إقتباس:
ي حبيبي كان مطلب هلالي بس بالعكس لو استمر موضوع اللاعب وتطورت الامور بعد شكوى ادارة الرائد المكسب الكبير للزعيم بيوقف اللاعب والعقوبة على نادي الفقر اتمنى توكيل محامي شجاع على هالموضوع ويفكون روسهم عن ذا الطفل |
الجبريين لاعب اقل من عادي يوجد لدي لاعبين حاطهم في بالي في الانتقالات الصيفيه المقبله استعدادا للموسم المقبل ١- احمد عكاش الاتفاق ظهير ايسر سريع ٢- حمد الحمد صانع العاب الاتفاق ٣- علي الزقعان لاعب وسط يمين الاتفاق ٤- بدر النخلي مدافع الفتح الدولي الذي حقق معه الفتح الدوري والسوبر 5- محمد كنو الاتفاق لاعب وسط مهاري 6- شادي ابوهشهش محور التعاون 7- احمد المولد مدافع نادي الزلفي 8- احمد الكسار حارس الرائد المتميز هذا الموسم 9- حسين المقهوي لاعب وسط الفتح |
اللاعب اخطأ خطاء فادح كان يجب منه جعل وكيل اعماله او ادارة ناديه تتفاوض وتبحث برغباته اما مسألت يكلمونه بجواله وياخذ ويعطي معاهم وفجأة مقفل جواله وكانه مخطوف ويطلع بقناة مرتبك وواضح انه متورط حقيقه امر مضحك جدا واللاعب فضح نفسه بتردده وتغير قنعاته بسهوله فاتمنى عدم التعاقد معه لانه غير مخلص لناديه فباعهم بمجرد المفاوضه والطمع فكيف مستقبلا اذا استقطبه الهلال الحقيقه شخص معدوم الثقه فقد رفس رزقه بيده.. تحياتي |
إقتباس:
انا اتفقك بما ذكرت مع تحفظي للمولد.. |
البحث عن مفقود ؟ .... الى متى ياجبرين |
إقتباس:
مدافع الزلفي احمد المولد مدافع شاب اثبت نفسه امام الهلال |
تراكم اشغلتونا ب ميسي الغفله |
انتو من جدكم .. ؟! خلاص بطلوها ليه للحين وهو سالفتكم، لو جا من جديد أساساً غير راضي عنه الجماهير ولا الادارة كنت أتمنى يجي علشان يتمرمط اعارات |
الى الحين مع الجبرين تتكلمو فيه خلوه لاعب عادي جدا |
والله هو الخسران مين يرفض اللعب للهلال خلوه يروح للفقر النفس عافته والله فيه اللي احسن منه احسه اخذ اكبر من حجمه ها الجبرين لو حسبها صح ما راح للنصر كم لاعب بخانة الجبرين بالنصر لو لعب بالهلال بياخذ الفرصه كامله لكن هو اختار طريق غير الهلال والملكي ما يعجز يجيب اللي يفوق الجبرين |
ربما كان الجمهور سيتقبله لو أتى للهلال دون أن يعلن ميوله رغم إني أشك في ذلك ولكن بعد حديثه أعتقد أنه لن يلق قبول حتى لو طلع وبرر حديثه فالشعب الهلالي سوف لن يقبل أي عذر بعد ما حصل بل ولن يرحبون به في معقل الزعماء . |
في قصر من اختفى ؟؟؟؟؟؟ كرهونا في الكرة الكرة السعودية تم تنسيمها بالشوك |
صباح الخير على الجميع ، اول شيء ان شاء الهلال يفوز بالمباراة القادمة مع ساباهان ونتأهل بإذن الله تعالى، ثانياً حابة اتكلم بكل صراحة هل تحسون ان اللاعب الجبرين يستحق كل هالزوبعة والضجة اللي صارت انا من رأئي الشخصي فيه لاعبين أحسن منه اتمنى من ادارة الهلال ان تشيله من حسباتها لانه لو ضلت الادارة تتكلم بموضوعه بيكبر رأسه ويتلاعب فيهم هذا اذا ما كبر راسه الآن . آسفه على الاطالة . اللهم وفق الهلال فوق كل أرض وتحت كل سماء . |
أنا بصراحه ودي أعرفه لسبب واحد.. أبي أشكره لأنه فكنا من لاعب عاااااادي جدا ومادي جدا جدا ولا يمكن الوثوق به أو الإعتماد عليه.. فشكرا جزيلا يا من كشفت لنا حقيقة الجبرين وأنقذتنا من مقلب أوشكنا أن نقع فيه |
اول مره اشكر نصراوي من جد شكرا للمالك عضو الشرف النصراوي فكنا من لاعب عادي وبيخسر الخزينه ملاين عندنا افضل منه بكثير يا جبرين بالله عليك اثبت ع فقرك ما نبيك بريال |
احس انه اجبر بالقوة وبالتهديد |
السلام عليكم .. اول شي هارد لك التعادل .. والمستوى مطمن نوعا ما .. ثاني شي اللاعب عبد العزيز الجبرين أخذ اكثر من حقه في الإعلام وهو اللي خسر الزعيم والزعيم عمره ما وقف على لاعب ..!!! ثالث شي اتمنى من اخواني الأعضاء تجنب المواضيع اللي فيها عبد العزيز الجبرين والتركيز على مباراة الفريق القادمة ..!!! شكراً أخوي على الطرح .. وبالتوفيق والسداد لك وللأعضاء ولزعيم نصف الأرض ،،، |
لا يهمني موضوع اللاعب الجبرين حالياً كثر مايهمني تأهل الهلال ووقوف الجماهير معه يوم الثلاثاء امام سابهان ... الحميداني صرح وقال سنعلن موقفنا من ناحية هذي الصفقه في الوقت المناسب .المشكله تكمن في اللاعب وناديه ونادي النصر حيلهم بينهم .. الهلال يتعامل بواقع واحترافيه لندعه يعمل بصمت لماذا ندخل الهلال معهم ونناقش في الموضوع ونضع تخمينات صار وماصار .. والفريق لديه صف من اللاعبين المميزين وامامه مباره مهمه . |
عندنا بالفريق الاولومبي افضل من الجبرين بـ مليار مره ومن ابناء الهلال ولهم الغيره على فريقهم بيجي الوقت اللي يعظ اصابع الندم هالجبرين بإذن الله واستغرب من مفاوضة الهلال لهذا الطفل |
من هو الجبرين مع كامل الاحترام ........ لاعب لا يعتبر فلته بمركزه ولكن لقلة اللاعبين بهذا المركز لفت انتباه الاندية عليه .... لاعب لا يريد الهلال فعلى الادارة إخلاء سبيله ببيعه على النصر بمبلغ تستفيد منه بشراء لاعب أجنبي مفيد . |
الله يادنيا الله يازمن صار الهلال ينافس على ضم الجبرين وامثالة من الكديش دنيا ماترحم رحم الله أيام سامي والثنيان وعيال التمياط والتيماوي والنعيمة والشلهوب ..... ألخ كلهم تم صناعة موهبتهم في الهلال هلاليين 100% متى اشاهد هلالاً حقيقياً بنجوم القاعدة الهلالية وليسوا أنصاف النجوم نجوم الكاش . وصدق المثل القائل : أللي عنده قرش ومحيرة يشتري حمام ويطيرة وربي مثل مطابق لحالة الهلال والأندية كلها اين صناعة النجم ؟ اين كشافو الحواري والمدارس ؟ النادي هدفة ليس جمع البطولات وشراء أنصاف النجوم لأجل ذلك ؟ النادي رسالة سامية وهدف هو صناعة الشاب منذ نعومة أظفارة كي ينموا ويترعرع وينتمي لنادية ويخدمة بكل أخلاص لأنة يعتبرة منزلة الثاني لافرع البنك المتخم بحسابة... ويالية نفع :ranting: |
لاعب أقل من عادي المفروض انتقاله من الرائد للتعاون أو الفيصلي او احد هالاندية الوسط محمد كنو أفضل بكثير من الجبرين ولا يوجد مقارنة وأتمنى الهلال يركز أكثر على لاعبي نادي الاتفاق حيث يملك لاعبين مميزين أتمنى تواجدهم مع الهلال |
اذا لجنة المنشطات ابعدوا مديرها السعيد لإنه فضح الجراثيم الصفراء ومن يدور في فلكها شالوه بعذر مضحك قالوا التغريدة بشأن متعاطي المنشطات احمد عباس وقالوا ليه يوقف بمدخل الجراثيم الصفراء وبعدها لعيبة الجراثيم الصفراء حققوا الدوري تبيهم يشوفون اتصالات جوال الجبرين مستحيل انسى الاتحاد باع مباراته عليهم عيني عينك بأوروبا في مثل هذه الحالات ينزلوا كلهم الدرجة الثانية وتبيهم يشوفون الاتصالات الواردة على جوال اللاعب الامور واضحة في المفاوضات الأولى بعدما اتفق الهلال مع اللاعب دخلت الجراثيم الصفراء ورفعت قيمته لا بقصد الشراء ولكن بقصد التخريب لما انسحب الهلال ووقع مع كريري انسحب النصر تاركا اللاعب الأهبل يتحسر المسلم رجل ذكي فهم اللعبة والدرس ووقع مع المفاوضات الرسمية وأكلهم تبن هههههع قال اللي يبي الجبرين يروح لناديه الجديد الهلال يتفاوض معه اللاعب هلالي . |
فكونا من الجبريل الله لايرده الزعيم ماهو بحاجته |
إقتباس:
|
| الوقت المعتمد في المنتدى بتوقيت جرينتش +3.
الوقت الان » 08:07 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd