|
الحلقه الخامسه ( حارس هلالي اهدافه اكثر من عدد مبارياته ) بسم الله الرحمن الرحيم السلام عليكم ورحمة الله وبركاتة اخواني منذ ( 8 ) اعوام اكتب حلقات قبل نهاية كل موسم للاعبين جيدين لكن لن يفيدون الهلال والحمدلله النتائج تكون صائبه بنسبه تتعدى 95% وسأوضح اسماء هؤلاء اللاعبين في حلقاتي لهذا العام 1435 ربما ينجحون هؤلاء في انديه اقل مستوى من الهلال اما بإعارتهم حتى يأخذون فرصة المشاركه الاساسيه ومن ثم الحكم عليهم بالعوده او الخروج النهائي اومقايضتهم بلاعبين اخرين يستفيد الفريقين واللاعبين او تنسيقهم اذا وصل الام لطريق مسدود او اعتزالهم اذا وصل الامر للاحتضار الكروي او تحويلهم احتياط ليستفاد منهم في لحظات معينه في المباريات حسب الحاجه مع تمنياتي لهم بالتوفيق السبيعي متواجد مع الهلال ما يقارب العام السبيعي تاريخ ميلاده 10-09-1982 وهذا يعني انه سيبدأ الموسم القادم وهو في السن ال 33 السبيعي لديه عيوبه الفنيه منها - الخروج الخاطئ - عدم المرونه داخل المرمى - حارس ثقيل - ولوج اهداف سهله في مرماه - لا توجد لديه قراءة المهاجمين - قليل التركيز - لا يجيد توجيه زملائه - متقلب المستوى ومرتبك ومتردد السبيعي لعب مع الهلال في الدوري 12 مباراة دخل الشباك الهلاليه 13 هدف وهذه نسبه خطيره السبيعي لعب مع الهلال اسيويا 3 مباريات دخل الشباك الهلاليه 7 اهداف وهذه نسبه اكثر خطوره السبيعي عندما تكون الاهداف التي تلج شباك الحارس اكثر من عدد مبارياته فهذا يثبت وجود مشكله فنيه كبيره تحتاج ان يقف عندها المسؤل الفني والاداري السبيعي حارس جيد لكن بكل صراحه ليس طموح الهلال السبيعي بروز الحارس السديري مؤخرا وقرب عودة الحارس شراحيلي وصعود الحارس الواكد المتوقع وربما تمديد اعارة الحارس شيعان واحتمال استقدام حارس اخر بأذن الله تقلل من استمرار الحارس السبيعي مع الهلال الموسم القادم السبيعي يشهد الله اني احبك في الله السبيعي سيصبح الخيار الخامس في الهلال الموسم القادم السبيعي يبرز في مباراة ويخفق في مباراة اخرى ولا يستمر على مستوى واحد ولم نشاهد تطور ثابت او مستمر في ادائه فهذا يعني ان وضع الهلال معه سيكون مجهول المعالم ويصبح المشجع لا يثق في قدرات هذا الحارس السبيعي صفقه فرحنا بها عند اعلانها لكن تأكد لنا انها ليست الناجحه للاسف السبيعي مقايضته بحارس اخر او لاعب اخر هو افضل قرار فني قبل الموسم القادم السبيعي استمراره مع الهلال بهذا التقلبات في المستوى والاداء سيحرم الهلال من حارس شاب قادم رسالتي لادارة الهلال نحن نبدي وجهه نظرنا من خلال متابعتنا لبعض اللاعبين ان تم النظر لها فالحمدلله وان لم يتم النظر فيها فبذلنا مجهود قد يصيب وقد يخطئ اتمنى من الاداره ان تختار اللاعبين ال 30 للموسم القادم بتأني وبقرار فني بحت وبأستشاره مختصين حتى لا يندم الفريق عندما لا يجد لاعب مناسب للخانه مما قد يضطر المدرب لتحويل لاعبين في اللعب لخانات جديده عليهم طريقة اختيار ال 30 لاعب 4 حراس مرمى 5 لاعبين قلوب دفاع 3 لاعبين اظهرة يمين 3 لاعبين اظهرة يسار 5 لاعبين محاور 6 لاعبين وسط 4 لاعبين هجوم صريحين بذلك تكتمل قاعدة ال 30 لاعب المطلوبه في كشف الفريق الموسم القادم قريبا الحلقة السادسه للاعب هلالي اخر لن يفيد الهلال الموسم القادم الحلقات السابقه الحلقه الاولى - يحيى المسلم الحلقه الثانيه - كواك الحلقه الثالثه - كاستيلو الحلقه الرابعه- محمد الشلهوب متابعتي <S>@m</S>sdmrrsk تحياتي |
معك بالنسبه للاعب السبيعي |
طيب ؟ ومين اللاعب اللي بعد السبيعي موب عاجبك؟؟ ادري انك تبي تنتقد علشان يكون عندك حلقات. يالغالي يرحم والديك صدقني خلاص كفااااايه انت ناوي تلف على كل اللاعبين والاداريين والاداره والا وش وضعك بالضبط؟! الفريق اليوم عنده مباراه مهمه وانت جالس تنتقد، تقنعني انك مهتم بالفريق ؟؟ لو كان الفريق يهمك ع الاقل تختار متى تنتقد ٫ يعني بعد ما ينتهي الفريق من جميع المسابقات مو في اوقات حساسه مثل اليوم.. |
يا ناقد صريح انت ونسبتك الى تتعدى 95 في الميه يا هياااااط |
جانا السبيعي اللي كان أسد في مرمى الأتفاق الموسم الماضي لكن حطمّـه الأعلام الهلالي من خطأ واربكه وسامي دمرّه مره أساسي ومره احتياط وكأن سامي يلعب على اهواء الأعلاميين !! الخـــــــــلل ليس في لاعب أو حارس لكن الخلل والعيب عندما نعاقب الحارس على خطأ ولا نعـاقــــــــــب المدرب على " اخطــــــــــــاء" وتتكرر !!!!!! ملاحظة/ اتمني من ادارة المنتدي حذف الموضوع والغاء عضوية المندس النصراوي |
السبيعي نعم مستواه سيء ويلج في مرماه أهداف سهله ولكن الأسوأ حسب وجهة نظري هو مدرب الحراس اتكلم عن جميع حراس الهلال اذا تغير مدرب الحراس فيه أمل يتحسن مستواهم اما إذا جلس نفس المدرب عز الله بيصيرون أسوأ في القادم ... |
صحيح انه حارس ضعيف ومو في مستوى الهلال لكن ابحث عن السبب اولا من احضره للهلال وكأنه الحارس المبدع والمنقذ والحقيقه ان عندنا حراس افضل منه كالشمري اللي ماقد شفناه يلعب ثانيا مدرب الحراس فاشل فاشل فاشل بكل ما تعنيه الكلمة من معنى ولو تجيب افضل حارس ما راح يتوفق بوجود هالمدرب ابعدوا الدعيع المميز وشوف الدعيع وش يقول عنه يقول يعطيني تمارين ما تناسب عمري وارجع لتغريدات السديري بعد كاتب ان مدرب الحراس غير جيد فوق هذا كله شوف مستوى الواكد السديري كان مميز مثله لانهم كانوا تحت تدريب المدرب القدير منصور القاسم اللي كان يدرب افضل حراس اسيا وهذا بحد ذاته شرف له ويعطيه اولويه لتدريب جميع حراس الهلال اتمنى من الاداره تصحصح شوي وتعطي مهمة تدريب الحراس للقاسم لانه اثبت نجاحه يعطيك العافيه |
مع اخوي "SCORPION-KING" مدرب الحراس من الواضح أن تأثيره سيء ..لماذا؟ كم موسم لعبه السديري ولحتى الان مستواه لم يتطور مطلقا؟!! اول مبارة لعبها أظن الكل يتذكرهاو كانت امام الانحاد وقدم فيها اداء جيد..كل هذي الفتره ولم يتطور!! |
السبيعي من وجهة نظري أفضل من مستوى السديري بمراحل |
كنت أتمنى يا استاذنا العزيز محمد بن محفوظ أن تؤجل الحلقات لبعد مباريات الهلال في الأسيوية وبعدها نتشوق نشوف الحلقة السابعة ،، |
صحيح مستوى سئ لكن من انت على شن تقيم لاعبين ! والله انك منسم على اخر |
مع احترامي لك ولحلقاتك انت من تكون حتى تقيم ياخي مو وقته ورنا مباريات في اسيا فكنا يا فقراوي |
بالرغم إني أتمنى انك تطرح حلقاتك نهاية الموسم وليس الآن ~ إلا أنه بصراحة الهلال فعلا يعاني فالحراسه خصوصا بعد اعتزال الأخطبوط الدعيع ~ ف أنا من رأيي إن مدرب الحراس هو مشكلة الهلال مب الحارس ~ لأن أخطاء السبيعي هي نفسها أخطاء السديري ،، والعامل المشترك بينهم مدرب الحراس ! أتمنى تغير مدرب الحراس قبل الحارس ~ عوافي ع الطرح ~ |
عزيزي ناقد صريح ربما اختلفت معك في الحلقات الاربعه السابقه يحي المسلم ضد كواك ضد الشلهوب ضد كاستيلو مع احترم رايك ووجهة نظرك ولكن هذا لايجعلني في صفك دائما اولا فايز السبيعي من افضل الحراس قبل عامين ولديه مرونه ورونق لايمتلكه الا العنكبوت الهلالي ردات فعل سريعه تغطيه دفاعيه جيده نوعا ما قبل النظر الا مستوى السبيعي وانتقاده اين الدفاع الدفاع اين بوجود تغطيه دفاعيه جيده تتلاشى اخطاء الحراس بحيث يكون الدفاع رجل لرجل والمضايقه الدفاعيه اصعب الكرات على الحراس هي ضربات الراس ومن ثم التسديدات القريبه المدى في حال تكتل الدفاع لنضرب مثال مع المضروب النصراوي عبد الله العنزي في كثير من المباريات لايتواجد حيث يأمن الدفاع منطقة الوسط ومن ثم ال 18 ويعملون جاهدا لتخفيف قوة الهجمه حتى تصل الكرات سهله ويستعرض بعد ذلك اين كان امام الاتفاق حمد سجل هدف من بعد 25 يارده هدف ياسر في العنزي عندما لاذ بالفرار خروج غريب من حارس كما يدعي البعض افضل حارس في المملكه والحارس الاول للمنتخب السعودي مع اني ماقد شفته في احتياط المنتخب:s5s: عموما كرة القدم كالمثل الحجازي ((امسك لي واقطع لك )) لاعب يحتك والاخر ينقض ويقطع الكره الكثره تغلب الشجاعه وهذا مافقده هلالنا في المواسم الاخيره لو اوكل لسالم الدوسري عدم الرجوع ومساندة خط الدفاع والعابد من هناك واوكلت المهمه للمحور لاعاد هلال جيرتس ..................ز عموما فايز السبيعي يحتاج الا فرصه حقيقيه وليس خطا وعقاب الا ان يخطئ الحارس الاخر لو انتهج سامي هذا الاسلوب مع الهلال سالم الدوسري ياسر الشهراني سلطان الدعيع مرحبا بكم في الدكة البدلاء وشكرررررررا:ba::ba1::ba::ba1: اللهم وفق الهلال لم تحب وترضى وانصره اليوم امام الاهلي يارب العالمين |
معك بالنسبه للاعب السبيعي |
| الوقت المعتمد في المنتدى بتوقيت جرينتش +3.
الوقت الان » 01:28 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd