للتوضيح فقط (بقلمي)
 

بسم الله الرحمن الرحيم

السلام عليكم و رحمه الله و بركاته

للتوضيح فقط :

http://vb.alhilal.com/t1175595.html

هذا موضوع كتبته قبل يومين عن الكوتش سامي الجابر

و الكثير فهمه خطا مع الاسف و قام يعلق على كلام انا ما قلته

احب اوضح نقطة (

1- انا ما قلت ان الهلال وصل مرحلة صار طموحه الثاني او الاخير

انا كل الي قلته (( انه انا شخصيا من بداية الموسم ما كنت اتوقع انه سامي راح يكون

له الحظ في البطولات هذا الموسم لانه اول سنة تدريب في حياته

(قلت ما اتوقع سامي ياخذ بطولة هذا الموسم ما قلت انه الهلال طموحه المركز الثاني )

2- بالنسبة للي يقولون اني اطبل على سامي او اظلل عليه عشانه كان الاعب المفضل

او انه عشان مجاملات عشان صديق الرئيس او شي زي كذا (

يا جماعة بالنسبة صديق الرئيس و مدري ايش (تراي ما اعرفه و لا اعرف الرئيس شخصيا عشان و الله ادافع عنهم و اقول أي نبيه عشان الرئيس )

اما عشان الاعب المفضل (( انا لله و انا اليه راجعون ما احد راضي يقتنع و يفرق بين

بين (الاعب سامي الجابر) و (المدرب سامي الجابر) (بالمنصب انا اتكلم)

انا اتكلم عن المدرب سامي الجابر ((لازم نفررررررررررررق ))


انا كل اقوله بالموضوع ((لازم نصبر عليه مثل ما صبرنا على مدربيين جو و حشو الدنيا و راحو و لا كنهم دربو الهلال (ما احد تكلم عليهم)

سامي له العذر على الاقل اول سنة تدريب و في نهاية الموسم القادم تعالو حاسبوه

لانه يكون مارس التدريب اكثر و لكم حق اذا كان ما حصل الي تتطمحون عليه


اما تقولون (متدرب) ههههههههههههههههه شر البلية ما يضحك

متدرب (وصيف كاس ولي العهد و الدوري و نافس بقوة على كاس الملك )

كل هذا متدرب (اجل المدرب العالمي ينافس الهبوط وش يسمى ؟؟؟)


على العموم
0
انا حبيت اوضح شي لاحظت ناس تفهمه و تفسره على كيفها


تحياتي



((الاختلاف في وجهات النظر لا يستفد للود قضيه))

بصراحه لايهم بقاء سامي من عدمه فالمهم هو رحيييل إدارة الفلس والاستثمار اللي دمرت النادي خاصة في أخر سنتين ...

الله يرزقنا بمدرب مثل معلمين المدارس اول لك اللحم ولنا العظم
ماينفع الا هالاسلوب مع بعض المحترفين بالاسم

انا ماشفت موضوعك الأول لكن شدني في موضوعك هذا بعض النقاط مثل قولك :

ماله عذر ولا يحزنون وخلونا من العاطفه لو سمحتوا :) .
يعني شخص توه داخل مجال التدريب تجي تدرب فريق كبير مثل الهلال !!!!؟؟؟؟
يا اخي روح درب الجيل والصقر والانديه هذي بعدين بالتدرج تتكون عندك خبره وبعده تصل للهلال اما بيوم وليله تدرب الهلال سلامات :surprised: !! .

وصيف كأس ولي العهد على بال ان الفرق الثانيه مثل الأهلي والأتحاد في مستواه المعروف !!!!!

والله لو الأنديه الثانيه بمستواه كان الهلال ترتيبه السادس او السابع

الله يفكنا منه ومن ولد مساعد

مشكلة البعض انه لم يحدد هل المطلوب صناعة مدرب ام صناعة فريق
اختي الكريمة الهلال فريق بطل لم يعتد الغياب عن المنصات ولو افترضنا ان الوصيف انجاز واعجاز لسامي فهي فشل ذريع للهلال وتاريخه
لم اقرأ موضوعك الاول ولكن لانحتمل موسم آخر للنسيان فالحال لن يتغير وليالي العيد تبان من عصاريها
اضعف موسم في تاريخ الرياضة السعودية ولم نحقق اي بطولة فكيف سنحققها اذا عاد الانحاد والاهلي كماكانوا وكشر الشباب عن انيابه واستأسد النصر
ليس ذنبنا ان سامي استعجل الوصول للقمة عكس كل مدربين الدنيا واصبحنا مطالبين ان نحترم تاريخه كلاعب ولانجعل النصراويين يتشفون فيه فهو من وضع نفسه في هذا الموقف ووالله حذرت ومعي الكثيرون قبل التعاقد معه انها حرق لسامي وضياع لهيبة الهلال لكن لاحياة لمن تنادي وهاهم الآن يكررون نفس الخطأ
ان كان سامي حقق ارقام ترونها مميزة فهذه تعتبر خطوة اولى في عالم التدريب ويكفي الهلال ان ساهم معه في انجازها وعليه ان يتجه لنادي آخر فالهلال ااكبر من سامي ومن كل الاسامي من لاعبين ومدربين واداريين