كلامك صحيح وجميل ويا ليت يوضع بفديوا الان عصر مشاهدة ولو تكتب من هنا لقندهار ماحد دري بك النصر كسب الاعلام بحاجتين الاعلام الفضائي والاعلام الاكتروني . الاهم الان الي اعرفه انا وانا مشجع قديم للهلال ومر علينا مواسم اقشر من هالموسم و الفريق هالموسم يا الربع والله مهو شين صحيح فيه اخطاء وفيه تقصير بس شف حنا ختمنا الموسم ب63 نقطة وسجل اهداف قوي اعتقد 60 هدف وعلينا تقريبنا 25 هدف وخسرنا فقط 3 من الدفع ومن الشباب والرائد يعني اترك التعصب الان وقارن هالمحصله على المواسم الثلاث الاخيره وعلى اندية اخرى وتعرف ان سامي لم يكن سلبي بل هناك ظروف غصب عاندته . واقسم بالله ما اضر بالاندية السعودية الا كثر التغيير وعدم الاستقرار بالمدرب ومجموعة لعيبة حنا كل موسم شل هذا حط هذا وهات مدرب وخل مدرب لدرجة تعودنا بكل موسم ثلاث مدربين ما يصير ولن تجنى فريق بطل ممكن بطولة بس يا ناس حنا نعرف فكر سامي وبالاستمرار باذن المولى راح نكسب هالموسم عرف ما يحتاجه الفريق وراح يتلافى الاخطاء بس اصبروا لا بارك الله بالعجلة اصبروا اصبروا وراح نكسب الله عز وجل خلق السموات والارض بست ايام وهو قادر على كن فيكون والانبياء والرسل عليهم السلام والتاريخ علمنا وش هو الصبر الرزق يجيك بس اصبر و الي اعرفه انا ابن مساعد اقدم على خطوة وهو الي يتحمل المسؤليه اما ان يطلع من الباب الكبير وهذا ضني فيه ولا الله لا يقوله راح ينساه التاريخ و يابو فيصل انت اقدمت على خطوة كتبت بتاريخك الان والان حمي الوطيس وكثرت الاراء والمقترحات وارجوا من الله ثم منك ان تكمل الي بديته قف مع سامي وراح تحارب من القريب والبعيد ومن جمهور واعلام بس اعتقد والله اعلم بان صبرك راح يحسب لك مجد و يغير تاريخ الهلال والكرة السعودية كله ولا ابالغ راح نثبت للعالم ان السعودية والسعودي قادر على عمل الاعجاز والانجاز بالصبر واعطاء الثقه وعلى مر التاريخ الصبر ما تذوق حلاوته الا بعد شرب المر والعلقم ...... استخر الله وباذن الله ان العزيز ما يخذلك . ويشهد الله ا لو اني مكانك يمكن ما اقدر على كذ وغيري كثير ما يقدر بس الي ابوه مساعد وجده عبدالعزيز وخواله شمر باذن الله وان شاء الله يقدر ويقدرو يقدر ... والله يكون بعونك