|
مهر بقاء سامي والاداره . بطوله الدوري وذهبت بطوله كاس ولي العهد وذهبت واخيرا بطوله كاس الملك ذهبت في موسم غير عادي للهلال .. تبقت بطوله اخيره ومهمه هي المعترك الاسيوي والذي اصبح كـ الحلم ممكن تكون هي الفرصه الاخيره والمهمه سواء للمدرب القدير او الاداره القديره ممكن جدا ان تكون مهر بقائهم في حاله تحقيقها ,, وفي حاله الاخفاق لاسمح الله تكون كل الفرص استنفذت لهم ويبقي الهلال اهم با النسبه لنا ,, والمنطق يقول ان لانجامل علي حسابه وتاريخه (مع حبنا وتقدرينا لسامي والاداره) المركز الثانى في الدوري ليس نجاح المركز الثاني في كاس ولي العهد ليس نجاح النجاح يقاس فقط بتحقيق البطولات والله من وراء القصد |
يا أخي مباريات خروج المغلوب حظ والهلال لعب وجاته فرص مع عدم وجود الحظ وما شاء الله وقدر وإذا كنت تعتبر سامي وما فعله ليس بالشي العادي فأنت غير منصف ومتعصب وتريد فقط البطولات لك وهاهو برشلونه يخرج من أبطال أوروبا ومعهم أفضل لاعبين في العالم فالدنيا يوم لك ويوم عليك وصعب إنك جميع المواسم تسيطر على البطولات فيجب أن يأتي موسم أو مواسم لا تأخذ فيها بطولات لكي تعود وتشتاق للبطولات من جديد ولو لاحظنا من كثر البطولات للسنوات الماضيه اصبحنا نأخذ البطوله ولا نحتفل بها مثل باقي الأنديه وإنما أصبحت البطوله بالنسبه لنا شي عادي إن حضرت البطولة فهو شي عادي لنا وإن لم تحضر فهي مصيبه بالنسبه لكم وبالأمانة انا أتمنى أن يختفي الهلال ويبتعد عن بطولة أسيا لموسم واحد لنعود لها مره أخرى بروح جديدة ولكن سبب الكوارث الأسيويه التي تحصل لنا هو أن الهلال وعلى مدى سنوات يشارك في جميع المواسم وهذا سبب ضغط على اللاعبين وعلى الجمهور لذى نتمنى أن يبتعد الهلال عن أسيا لموسم وسوف ترون الهلال سوف يعود ويحقق البطولات للمواسم التي تليه. تحياتي |
ريح راسك يا عزيزي مساله الخروج الاسيوي مساله وقت. المتاهل من مجموعتنا السد والاهلي .. وعدنا مع اداره جديده ولاعبين جدد ومدرب جديد اول ما يعلن الحكم نهايه مباره سابهان الايراني |
يااخي مايقهر ويرفع الضغط غير مقارنات الفشل شف الفريق الفلاني فشل وشف الفريق الثاني ماحقق شي ليش ماتكون المقارنة مع هذه الفرق اوقات النجاح الاخ اللي يقارن ببرشلونة برشلونة بطل الموسم الماضي دوري و2011 ابطال اوروبا ومازال ينافس عالدوري وكاس اسبانيا وصل للنهائي وومكن ياخذ الكأس اتمنئ ان اللي يشجعون الهلال يعرفون انهم يشجعون معقل البطولات وسيدها مو مستانسين حققنا المركز الثاني ببطولتين اااااااخ بس عالزعيم اللي صار العوبة وحقل تجارب |
إذا الادآره عندها نيه ترجع جيريتس او كوزمين .. فأنا معكم في تغيير الجهاز الفني الحالي .. لأن هـ الاثنين عارفين الفريق و عارفين علة الفريق .. أما انها تروح تجيب لي مدرب ما قد درب الفريق او أي نادي خليجي .. فـ أنا اضد هالشي .. على إني اكره سامي "المدرب" وأتمناه يطلع من الهلال .. إلا إني في نفس الوقت ودي إنه يجلس لموسم ثاني .. " في حال إنها رفضت جيرتس وكوزمين" لأن الهلال يا اخوان صار له فتره ما ثبت على مدرب وآحد موسمين ورا بعض .. من دول إلـ هاسيك و كالديرون و إلخ إلخ .. ومستحيل يكونون هالمدربين كلهم خطأ أو ما يفهمون بالتدريب .. !! العله في اللاعبين اللي عندك .. لاعبين مزآجيين و حصلوا لهم إداره تطبطب ع الوآحد اذا زعل و تدلعه إذا فرح .. هذا غير مستواهم المتدني .. الفريق يحتاج اساسا إلى تغيير كامل في اللاعبين .. يعني أسألكم بالله شوفو هالاسماء واحكموا : الزوري و كريري و البيشي و الغنام و كاستيلوا و عبدالعزيز الدوسري و الشلهوب والقحطاني و السالم و مزاجية العابد .. أول كنا نعاني من مشكلة الاحتياطي .. ألحين ابتلينا بالاحتياطي و الاساسي .. كلهم مش حآلك .. و الاداره زادت الطين بله .. صارت ما تجيب إلا رخيص وكويس .. من طقت الجيزاني و الحارثي .. ويوم بغت تدفع في لاعب .. راحت تجيب كريري الشايب .. والحمدلله انها صملت و جابت الشمرآني .. |
المدرب أخطاء في اللعب بمهاجمين ومحورين وللمره الثالثه هذا الموسم فاما ان تلعب بمهاجم ومحورين او مهاجمين ومحور ولكن سامي ليس لدي أي مشكله في استمراره اما الاداره فهي كل يوم تبقى في الرئاسه يعني يوم سالب زياده على نادي الهلال كاملا وليس كرة قدم أتمنى ان تستقيل رغم ايماني بعدم حصول ذلك قبل حصول هزه كبيره في المجتمع الازرق. وشكرا |
اذا كان قصدك التأهل الى دور الثمانية في دوري أبطال أسياء فهذا يمكن أن يتحقق ... واذا كنت تقصد الظفر بالبطولة فسيكون الادوار النهائية للبطولة في الموسم المقبل المحلي ووقتها ربما يحصل تغييرات كثيرة في الزعيم ... شكراً |
إقتباس:
كلام صحيح ومنطقي وخصوصا اللي تحته خط . جبتها في الصميم |
اتوقع الثلاثاء الجاي اخر يوم لادارة غشمشم ، واتمنى ذلك صراحة |
أكبر خطأ ارتكبته الاداره كثرة تغيير المدربين وان كان بضغط جماهيري اي مدرب تحضره يحتاج موسم ع الاقل للانسجام والتعرف اكثر على اللاعبين وامكانياتهم واذا كل موسم بنغير مدرب هذا يعني انه كل موسم مافي بطوله .. طيب الى متى ؟؟؟؟ وجهة نظري ؛ مشكلتنا اداريه وليست فنيه ، بصراحه يجب ان تستقيل الاداره وتاتي اداره صارمه تؤدب اللاعبين اولاً ومن ثم تؤدب الاعلام اللي صار يتطاول على الكيان بكل شارده ووارده . |
إقتباس:
اتفق معك بكلامك يااااااخوي العزيز |
| الوقت المعتمد في المنتدى بتوقيت جرينتش +3.
الوقت الان » 10:30 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd