القادم الخروج من الاسيويه اذا الادارة تبي تستمر تكابر !!!
 

السلام عليكم ورحمة الله وبركاته ..

هذا هو منبرنا الوحيد فاتمنى من كل قلبي ان لا يحذف الموضوع لان مافيه شيء

يدعو للحذف هذا اولا ... مافعله سامي في هذا الموسم لايمكن سرده في موضوع

واحد او بضع كلمات ولكن الي صار صار رغم تحفظي من قبل بداية الموسم على

تعيين سامي لان ليالي العيد تبان من عصاريها لكن الشكوى لله .. ان اتكلم الان

لم يتبقى الا جولتين بالمجموعات الاسيويه ومباراة باذن الله اذا تاهلنا دور 16

سيكون التاهل لدور ال8 للموسم القادم ليس انجاز لكن شيء افضل من لا شيء

على الاقل سيكون هناك فترة كافيه لتصحيح مايمكن تصحيحه... مكابره موسم

كامل على الخطا شيء محير سامي لاعب اسطوره ولن تنساه الكوره السعوديه

ونحن كذلك لكن اعظم لاعب بالعالم مارادونا لم ينجح بالتدريب فليس عيب ان يتم

تدارك مايمكن تداركه .. في هذا الحال انسو التاهل لدور ال8 شيء اشبه بالخيال

بهذا فريق لايوجد لديه اي هويه فنيه الحل الان اعفاء سامي شيء اساسي ولابد منه

والبديل اما مدرب الاولمبي الالماني رينارد او مدرب الشعله لعلمه بكافة عناصر

الفريق وتميزه المبهر بالنواحي النفسيه اتى للشعله بنقطه وانقذه من الهبوط لتفاعله

مع الاعبين انا لا اقول ان التغيير سيوهل الفريق لكن سيكون هناك امل او بصيص

امل لكن استمرار سامي واضح انه لن ولم نتاهل رغم ان الكوره فيها كل شيء

وارد .. اذا تمت الامور على ماهيا عليه فالقادم بالتاكيد الخروج الاسيوي فانت

خرجت من جميع البطولات المحليه فبالتاكيد الاسيويه لن تكون الاسهل ..

ياعالم ياجماعة الخير والله العظيم نبي نموت من القهر وحنا نشوف الفريق يخرج

من بطولة تلو الاخرى عشان مكابرة على خطاء خلنا نطلع من الاسيويه بس ما

يكون سامي هو المدرب على الاقل انك تحسسنا انك عرفت الخطا لكن تستمر

بهذا الاسلوب ماذا تتوقع !!! اذا انهزمنا قدام الاهلي الاماراتي وهذا المتوقع في

ضل الوضع الحالي اتمنى الاداراة تمشي وتاخذ المدرب معاها لانه ستكون هي

المتنفس الوحيد هذا الموسم....

صحيح يبقى سامي أسطورة كلاعب لن ينساه كل الهلاليين وشكرا على هذا الموضوع الهادف والجميل يا زعيم .

كلام واقعي لكن هل يعي جمهور سامي هالشي اتمنى من قلبي ان يعتذر سامي عن تدريب الهلال قبل ان يخسر جمهوره كاسطورة فالتاريخ لايرحم وحتى الجمهور الهلال لايملك اي ملامح واضحه في اللعب فمن السهل على اي مدرب السيطرة على الهلال لان اسلوب سامي اصبح مكشوف في اللعب تمنياتي للهلال ولسامي التوفيق في الاسيويه لانه الامل الاخير ولن اكتب اكثر فلقد تعبنا من كثرة الكلام في هالموضوع مع شكري لصاحب الموضوع

موضوعك وكلامك في الصميم إذا بقي الهلال على اخطائه هذه
بنطلع بدون نقاش لكن أتمنا وأتمنا ان تصحح الاخطاء
الهلال اصبح مترنح ليس ثابت
متى يعود؟
شكراً

الهلال لم يعد الهلال الذي عرفناه

بكل الود سامي أخطاء باللعب بمحورين دفاعيين ومهاجمين ولكن سامي مدرب بدون خبره وسيتعلم من اخطاءه المشكله المستعصيه على الحل هي الاداره وانهزامها امام لاعبيها وجماهيرها وتصريحاتها المستفزه اذا رحلت سيكون الهلال بخير
وشكرا

خروج الهلال خالي الوفاض من البطولات هو سبب بسيط لابعاد اي مدرب من فريق كالهلال

الحين تطالبوا بالغاء عقد المدرب سامي الجابر كان من بدايه الموسم واضح انه كان من بداية الموسم كان يتعلم مهنة التدريب في نادي الهلال


بس الحين انا من اشد المطالبين بالتمسك في سامي الجابر كمدرب لانه وقت التجربتة انتهت والموسم القادم راح يبدع سامي


الحين نبي لاعبين سعوديين في المحور وفي خانة الظهير الايمن

ويجب الغاء عقد لاعب المحور كاستلو والتوقيع مع لاعب محور سعودي

يجب التوقيع مع لاعب وسط يكون موهوب زي التايب يكون ابو الحطات


يجب التوقيع مع لاعب مهاجم يكون بجانب ناصر الشمراني


يجب الابقاء على المدافع البرازيلي


يجب التوقيع مع حسن معاذ إما بشراء عقده او بنظام الاعارة


احد الشباب طرح هالرأي المتزن

اتحداك إذا الهلال خرج من الاسيوية السنة هاذي ببساطة لانه سوف يحقق البطولة ان شاء الله والايام راح تثبت كلامي إذا الله عطانا عمر وراح تشوفون

جمهور الهلال عاطفي وهذي المشكة

لاحول ولا قوة الا بالله توقعت ان تتم الاقاله ولكن مانقول غير الشكوى لله ...مع الادارة هذي تم استبعاد مدربين ناجحيين ولم يتم التجديد معهم وهم حققو بطولات والان مع كل هذا الفشل وتجديد الثقه هل الهلال صغير الى هذه الدرجه ليتم تجريب مدربين عليه!!!

مع كامل الاحترام والتقدير لك هل تتكلم بعقلانيه اي اسيويه يابوالشباب حنا ماحققناها ونحن افضل من ذلك بكثير سنحققها الان !!! انت الان تلعب مع فرق غرب القاره خليجيه وايرانيه ومع ذلك في مازق كبير حتى تتاهل فما بالك لو قابلت جوانزو الصيني او الفرق الكوريه !!! انا اقول لك بهدوء رح تابع مباراة وحده لجوانزو الصيني وستعرف ان هذا الشيء اشبه بالمستحيل

اداره تبحث عن العقود ولم تبحث عن البطولات
سامي اخطاءت بحق الهلال وبحق نفسك انظر
الى زيدان لم يدرب بسرعه وانماء يتدرب على
التدريب

كلامك واقعي ولكن من يسمع .
الادارة ماهي فاضية للفريق وغير متواجدة مع اللاعبين والمصيبة ارادت تكحلها فاعمتها باختيار الحميداني اللي ماعمرنا سمعنا فيه ولا في تواجده في المجال الرياضي . على فكرة ماكان حسن الناقور يمتلك الخبرة اكثر من الحميداني .
الادارة تركت الفريق في عز المعمعة وحطت سامي في خشم المدفع ليكون الرئيس والمدرب والمدير وانجرفوا خلف المناوشات مع النصراويين مرة بالبيانات ومرة بالشكاوي واخرتها مطاردة لاعب عادي جدا كالجبرين . ما اقول الا الشكوى على الله وبس

والله ماتذوق أسيا و الاداره الفاشله موجوده
والله ماتذوق أسيا وعندنا مدرب بدون خبره
والله ماتذوق أسيا وعندك الزوري و كاستيلو
الموسم هذا للنسيان يازعماء ويازعيمات