الف الف الف مبروووووك يا جمهور الزعيم من القلب مبروك - نادي الهلال السعودي - شبكة الزعيم

بدر البقعاوي · #1 12/04/2014, 05:52 AM

الف مبرووووك الخساره

من جد مبروك الخساره

تطمنووو ماني مندس هلالي منذو طفولتي

لكن انا مبسوط بخساره الهلال

تـــدرون ليـــش ؟؟

اولاً لاني متوقعها من قبل المباراه

ثانياً علشان الاداره

ياعالم وربي من جدددد مقهوووور

من متى والهلال يتعبر اضحوكه من متى جماهير الانديه الاخرى تطقطق علينا

عشرين عام نطقطق على النصر والموسم هذا ماخلوو شي ما قالوه علينا واحنا كل بطوله هذي بطولتنا

ورئيسنا وووووينه ؟؟؟

وووووووووووووووووووووينه ؟؟؟؟؟؟

الامير فيصل بن تركي كنا نطقطق على تصريحاته بعد كل مباراه وتهجمه على الحكام في الاعوام المنصرمه وشاهدنا هذا الموسم كيف خافوو منه

واميرنا غاااااائب

افشل موسم للهلال ولم نشاهده

اذا تبغون بطولات اذا تبغون فريق صح نبغى رئيس مثل الامير محمد بن فيصل
او الامير ابن مساعد يسوي نفسه

كل صفقت لاعب للهلال نشاهد النصر يتدخل ويفسد الصفقه

والامير لا حس ولاخبر

الفريق محتاج فلوووووووس .. دعم .. صفقات .. بديل ناجح

موسم هذا للنسيان
لكن نبغى ( كنو .. عكاش .. الحمد .. الزقعان .. الفهيد )
واستبدلوهم بـ ( البيشي .. القرني .. الغنام .. المسلم )

وتغيير ( كاستلو .. كواك )

ونبغى مكانهم اجانب يفرقون بالفريق

ووووو ......

ما ادري وش اقول وش اخلي

الشق اكبر من الرقعه

Katmy · #2 12/04/2014, 05:58 AM

أملنا بالاسيويه،،
،،، ولو انها صعبه لكن كود يحسون ع دمهم أشباه الرجال ويلعبون للشعار ،، استغرب اليوم عدم مشاركه الشلهوب ،،،، اذا اطرافك ضعيفه جدا ( هذا اللي صار) لعب الشلهوب يصنع اللعب اليوم مافيه كور توصل للهجوم كلها اجتهادات من سالم ،،،، الشلهوب ينظم الوسط ،،، العابد مادري ليه داخل يتمشى اذا بتلعب صح ولا غيرك بالأولمبي يحلم بالفرصة هذي ،،، الله يعين ،ًًًًً،،، إذ اطلعنا بالتعادل مع الأهلي مكسب ،

عبووووووود · #3 12/04/2014, 05:58 AM

انا مستغرب من بعض جمهور الهلال للابقاء على سامي ويستدلون بكارينو اول موسم مع الفقر كارينو قدم مستوى يشفع لع وكان قاب قوسين من تحيقيق كاس ولي العهد سامي لاتكتيك ولامستوى وكل مباراة يختلق عذر تحياتي للجميع...

دراسة جدوي · #4 12/04/2014, 06:09 AM

صرنا أضحوكة لآن رئيس النصر اولآ:
دفع الملايين
جلس في الدكة مع اللاعبين
ارهب الحكام واللجان
دخول الملاعب اما ل ترهيب الحكام في حالة الخسارة او الاحضان في حالة الفوز وسلب النتيجة
الدخول في كل الصفقات سواء للظفر بها أو التخريب

للأسف المثالية لاتنفع في كرة القدم

اتنفق معك الرحيل هو الاحل الامثل , لانريد عبدالعزيز الدوسري في نادينا.

MBA · #5 12/04/2014, 06:58 AM

نسيت المدرب يالحبيب ؟

هل مازال في قلوبكم

والا يمشي؟

بدر البقعاوي · #6 12/04/2014, 08:57 PM

إقتباس

الرسالة الأصلية كتبت بواسطة MBA


	نسيت المدرب يالحبيب ؟ هل مازال في قلوبكم والا يمشي؟

كل شي لازم يتغير لمصلحة الفريق واللي كويس يبقى

سام 66 · #7 13/04/2014, 01:12 AM

عن نفسي اتمني يبقي سامي. لانة جاء عشان اسيا وراح تشوفون باذن الله

شلال99 · #8 13/04/2014, 01:25 AM

زمن انكسار الهلال !!!

مرض من ثلاث سنووات وحاله يشاهده المحب

فلا مستووى ثابت

ولا قووة رئيس

دووامة تخبطااات تتلو تخبطاات

في اختيار المدربين
واللاعبين

ابتعد رجال الشرف واقترب رجال الاستثمار

فضاع هلال الشرف والزعامة .. وحل هلال بلا قووة ولا مهابة

لك الله ياهلال ووبس !!!

ابو خديجه · #9 13/04/2014, 01:33 AM

البطولات هذه السنه راحت من الزعيم ولكنها ارزاق موزعه الموسم القادم لابد من تهيئه الفريق من بدري

ابومحمد66 · #10 13/04/2014, 03:59 AM

من يعوضني قيمة 12 فنايله الدروش تم تمزيقها..... اول مره اشوف الهلال كذا ياخساره

الحلم لازرق · #11 13/04/2014, 06:30 AM

في موسم من المواسم واتوقع في فترة محمد بن فيصل خرج الهلال من الموسم بدون اي بطوله

لكنه عاد الموسم اللي بعده وفاز بجميع بطولاته

بعزيمة اللاعبين والاداره اكتسحوا جميع البطولات

انصح الأداره ب اعارة بعض لاعبيها اللي نازله مستوياتهم هالموسم مثل عزوز والعابد والقرني لأنهم في الهلال غير قادرين ع حجز

الخانه الأساسيه واذا غاب لاعب اساسي ما استطاعوا ان يسدوا مكانه فيخسر الفريق مباراه لسبب الغيابات والشواهد كثيره

واخرها خسارة كاس الملك

عندما يكون لدي فريقين بمستوى واحد عندها لن يترك الفريق بطوله الا اكتسحها

al3nan · #12 13/04/2014, 07:43 AM

قلتها بنفسك 20 سنة نطقطق عليهم وايش المشكلة اذا سنة عليك

يوم لك ويوم عليك (الله وحده هو الدائم) لابد من الانكسار

حتى تستمر الحياة ليس هناك فائز مستمر ...

ودي واحترامي

سعد الشمالي · #13 13/04/2014, 07:54 AM

إقتباس

الرسالة الأصلية كتبت بواسطة سام 66


	عن نفسي اتمني يبقي سامي. لانة جاء عشان اسيا وراح تشوفون باذن الله

ليالي العيد تبان من عصاريها

كرتون باتشي · #14 13/04/2014, 08:06 AM

الاداره الحاليه لن تدفع ريال لجلب لاعب
واذا فكرت تتعاقد مع لاعب تجلس تفاوض وتكاسر بالقيمه
وغير كذا الاخبار التي يتم تسريبها عن مفاوضه لاعب
الهلال يحتاج دفاع محلي بطل ووسط وجهوم اجنبي ناري
عزز دفاعك بنجوم وادفع الملايين لتحصل على البطولات
تواجد بالملعب .. ليس شرطا ان تكون بدكه البدلاء ..
تواجد بالمنصه .. اظهر نفسك للاعلام
اما الاختفاء التام .. فلن تحقق ولا بطوله ولن تجلب ولا لاعب

ابومعلا · #15 13/04/2014, 08:09 AM

لو احلف لو جاب الاسماء اللي كتبتها بعد فتره انت اول من ينتقد جلبهم!
صحيح الهلال فاقد للهوية, لكن اذا الادارة تحتاج تغيير والمدرب..فبعض الجماهير المفروض تغير من طريقة تفكيرها واسلوب طرحها
"ما اقصدك اخي كاتب الموضوع"
بالتوفيق للزعيم..و انا مع بقاء سامي حتى لو خرج الزعيم من البطولة الاسيوية مع توقعي بالاستمرار..