نردد علي اي أساس لاعب غريب شوي لزم نردد علشان يلعب يا يلعب مثله مثل اي لاعب محترف يانادي يمسكه الباب لاعب خذل سامي وخذل الاداره والجماهير وآخر الموسم جاي يحاول يصحح وضعه بديته الموسم وهو خارج التغطية

هؤلاء محترفين يا يطبق الاحتراف يا غيره موجود
اذا بنجلس نداري كل لاعب بيتدلعوا اللعيبه وكل واحد يبي جوه
ياحبيبي تقدر العقد اللي بينك وبين النادي والا امسك الباب

الهلال ما يوقف علي العابد او غيره والدكه تربي اللي ما يتربي

فيه ناس تستاهل تردد اسمه مثل ناصر ياسر الشلهوب تياقو
اما الصغار ذولي لو عطيتهم جوهم ماصار يلعب الا بجرعه

يحترم نفسه ويشد حيله والا الموسم الجاي يجلس في الدكه لين يعرف ان الهلال مو نادي حي الله
ولا وقف عليه ولا علي اللي افضل منه

تحياتي

اردد اسم عربجي مستهتر ..... ردد اسم الغنام اذا تبي تنصف

عطونا مواضيع تفييد

فكرة جميلة وخاصة إنهـ بيلعب أساسي قدام الأهلي الإماراتي في ظل غياب القحطاني والشمراني

فبتكون دفعة معنوية قوية لهـ

الترديد والتشجيع المفروض ليوسف السالم

واتمنى التيفو يكون فيه


F16 كنوع من الدعم للمباراة مابعد مباراة الشباب وهي مباراة الأهلي المفصلية

يوسف السالم محتاج التحفيز والتشجيع

أتمنى العابد يشاهد مستوياته في نهاية الموسم الماضي


ويشاهد بنفس الوقت مستوياته بداية هالموسم


وكيف كانت وقفة الجماهير الهلالية معه ، وكيف تحولت وأصبحت إلى ماهي عليه


أتمنى ان يلتفت نواف العابد للملعب ويدرك تماماً أنه لاعب محترف ، مثلما له حقوق فإن عليه واجبات يجب أن يقدمها


لا بد ان يعمل على نفسه كثيراً لكي يضمن بقائه في التشكيلة الأساسية ، ويبتعد عن الانانية والعك الكروي اللي يسويه بالملعب


مع تمنياتي له بالتوفيق والعوده لمستوياته السابقه

اقدر غيره الجميع على الزعيم ,,,,,
نواف يظل ابن النادي,,,,
فهم الدرس وحماسه في مباراته الاخيره اكبر دليل ,,,,,
الهلال على المحك في الاسابيع القادمه ,,,,,
العتاب والمفاهمات ارجو أن تتأجل الى نهايه الموسم ,,,,

خله يقدم مستوى طيب في المباريات القادمة وتالي يصير خير .
ماضيع الاعبين الا هالدلع الى من غير لازم .

نواف الله يهديه هو احد اكبر اسباب خسارتنا للدوري
انا ما عندي مشكلة اهتف له 24 مباراة مة دقيقة وحدة
لكن بشرط يرجع زي ما كان وافضل
تبي تهتف اهتف لناصر الشمراني ونيفيز وياسر وسالم وياسر الشهراني
اللي كانوا يقاتلون موسم كامل

التشجيع للاعب اللى يعطيك بالملعب وعنده غيره على الفريق

التشجيع للاعب الملتزم في التمارين ويحترم ناديه ومدربه

اما العرابجعه والمستهترين اتمناء ابعادهم عن الهلال

اقول تبي تشجع شجع اللي يتعب طول الموسم ويحضر التدريبات ويلعب اساسي وكم بطولة ياسر الشهراني الفرج تياقو ياسر سالم...............نواف العابد وش سوى هالموسم
وجهة نظري حاليا والله مايستاهل التشجيع غير ابو علي ماشاء الله عليه الله يكفيه شر الاصابات وعيون الحساد

كل شخص له رايه في الموضوع

ولكن لو نظرنا للناتج العام للاعبين سواء نواف او غيره . اجد ان الفريق قدم مستوى ممتاز هذا الموسم.

ويعيب على بعض الجماهير .. انها ترا ان الكيان اكبر من اللاعب وان اللاعب يمكن تعويضه بشخص اخر. وان اللاعب لابد ان يخلص ويقدم ويعمل لانه يستلم راتب كبير .. فعلية ان يقوم بذلك بنفسه بدون مساعدة من احد .

اخالف الجمهور الذي يرا ذلك ..

-----


فعندما كنت ارى ان الاهلي لن يستطيع الوصول الي المراكز الثالث او الرابع بترتيب سلم الدوري فقد قام جمهوره بحمله كبيره. ومساندة وتشجيع حتى وهو باسوء حالاته.

فقد وصل للمركز الثاني بسلم الترتيب خلف الشباب ومتقدما على الهلال.

--

فالجمهور صوته اقوى من صوت المدرب والادارة

الجمهور هو من يعطي الاعب الدفعه المعنويه والنفسيه وحتى البدنيه

فمتى ماكان اللاعب في نفسيه ممتازه بسبب الجمهور.. فستجد من اللاعب الاخلاص والحماس.

واذكر مساندة جمهور الهلال لياسر القحطاني .. في عام 2009

-----
اخالف من يقول شجع من يلعب كويس ومتحمس

-----

الهلال مقبل على بطولتين غاليتين


والجمهور ارجو من تقديم دورة.. وعدم لعب دور الناقد .. فيكفي اللاعبين .. الصحافة والاعلام بجميع وسائله ضد لاعبيكم


فتوقفوا عن ذلك وساندوا اللاعبين مهما كانوا فالتشجيع درس وجمهور الهلال من يعطي الدروس