إدارة الهلال والصفقات المحلية.. رسالة للمتحسفين على الجبرين
 

مساء الخير

إلى إدارة الهلال بعد التحية،

للأمانة ما أذكر صفقة محلية أفادت الفريق في عهد إدارتكم إلا صفقة ياسر الشهراني فقط.

وليد الجيزاني.. فيصل الجمعان.. فواز فلاته.. سعود كريري.. عيسى المحياني.. سعد الحارثي... إلخ

كل ما سبق لا يوازون اللاعبين الحاليين في المستوى بل وأغلبهم أقل منهم!!

لمــاذا؟

للأمانة ما في لاعبين محليين متميزين ويستحقون العنوة خارج الهلال إلا فهد المولد، عبدالفتاح عسيري، عبدالرحمن الغامدي، مصطفى بصاص، وحسن معاذ.. من غيرهم؟!! ينعدون ع الأصابع!

بتقولي لاعبين متميزين ولن تتخلى عنهم أنديتهم، أقولك النادي والفريق الأولمبي فيهم الخير والبركة

إما أن تجلب الإدارة لاعب يضيف للفريق وإلا الدكة ففيها من يملآها


ماعلينا

أكثر اسمين ارتبط بهما اسم الهلال مؤخراً هما:

خالد الغامدي

عبدالعزيز الجبرين


بالنسبة للغامدي فحمدت الله أنه جدد للنصر لأن استقطابه ضرب من الجنون

هجومياً اللاعب يركض فقط وبعض عرضياته جيدة.. دفاعياً اللاعب يركض فقط!

الجبرين، أكاد أجزم أن أغلب الهلاليين لم يتابعوه إلا في مباراة الدور الأول وأعجبوا به وبحماسه اللذي عرف سببه بعد ما أعلن ميوله رغبته بفرقة الفقر

المشكلة أن الهلاليين غضوا الطرف عن الأربعات اللي كان يأكلها الرائد من الشباب وغيره بتواجد اللاعب والحارس الكسار

المهم، بعض الهلاليين تضايق من دناءة الفقراويين في تخريب صفقة الجبرين

وأنا أقولهم:

أولاً، هذا شيء معتاد من الفقراوية.. توقعتوا منهم الأخلاق والمنافسة الشريفة مثلاُ.. هذا الفقر من أيام عبدالرحمن بن سعود الله يرحم أموات المسلمين..

ثانياً، والله العظيم أن كريري ومحمد القرني لو انضبط -وهذا اللي صاير الآن- أن يحطون الجبرين وغيره في كمهم

ثالثاً، الفقراوية مبسوطين يتوقعون أنهم بخستهم يبردون حرة فوز الهلال بصفقات بشار والهويدي والدعيع.. لكن الفرق أن الهلال جاء من الباب وهم جاؤا من مرمى النفايات -وأنتم بكرامة-.

رابعاً، نهاية الجبرين أراها كـ نهاية هوساوي والفريدي.. كلهم في الصباح ركضوا وراء العقود وأمسوا في طي النسيان

تحياتي للزعماء

ناصر الشمراني ؟؟ عبدالله الحافظ وعطيف مع الاولمبي
بالاضافه لكريري وشيعان لولا ظروووف الاصابات ولا كانت صفقات ناجحه وقووويه
ايظا يوسف السالم حينما تم استقطابه كان مهاجم المنتخب الاول.

في النهايه نجاح اللاعب من عدمه يعود الى توفيق الله وليس بيد الاداره

عطني نادي سوا هالصفقات خلال سنه ونصف ؟؟

اتوقع اعطيتو اللاعب فوق حقه
اتمنى من جمهورنا الواعي عقلاً واخلاقاً
اغلاق مواضيع الغامدي والجبرين

من عافك لا تعطيه أهتمامك

أنا معك في صفقة الجبرين اللي مايبانا ما نبيه

بس ابي من الادارة الموقره رفع الصفقة الى عشرين مليون وعند المزايدة النهائيه الانسحاب من الصفقه وتوريط الفقراوية بالصفقه او تجلوس الجبرين متحسرا على ضياع الصفقه الحقيقية التي جائت له من الباب وليس من باب النفايات .

هناك لاعب وهو في نظري من افضل الاعبين وهو" كنو " في الاتفاق
مهارة وتسجيل للاهداف .
وشكرا لكم

كلامك سليم ولاتنسى صفقة الزلزال الي اتى عن طريق الاسطوره سامي الجابر
ضعف المفاوض الهلال واشاعة المفاوضات للاعلام قبل اتمامها ممايجعل الفرق الاخرى تتحرك وتزيد في سعر الاعب هذا الي صاير الان في الهلال !

اين العدل يا صاحب الموضوع
نسيت الشمراني

أنا نسيت الزلزال ناصر ومثله ما ينسى.. لكن من روحه العالية كأنه مولود في الهلال << وش رأيكم في التصريفة هههههههههههههه

ناصر الشمراني لبى قلبه بس شهادتي فيه مجروحة

ومهما تكلمت عن هذا الاعب لن اوفيه حقه

عبدالعزيز الجبرين ميوله الصدقية بالهلال
انت ما شفت وشلون هرب وقفل جوالاته
الرجال موقع عقد مع الهلال رسمي
بشهادة رئيس نادي الرائد عبدالعزيز المسلم

عبدالعزيز الجبرين يرغب في الانضمام للملكي الهلالي
وش فيكم يا ناس

كلامك صحيح مشكلة بعض الجمهور يبي الاداره تتعاقد وبس بغض النظر اذا هو يفيد والا لا وعاد الجبرين الاغلب خايف من شماتة جمهور الفقر

والله العظيم حلال عليهم تراهم بيبلشون فيه واذكركم والحمدلله انهم فكونا منه ومن الغامدي

وعلى قولتك اما لاعبين افضل من اللي عندنا والا بلاش هذا حنا جبنا المسلم والجيزاني وفلاته وكعبي والجمعان وش استفدنا منهم غير الخساير

الاهم والمهم التعاقد مع اجانب مؤثرين هذا اللي يفرق في الفريق فيه اجانب يشيلون لك الفريق نبي مثلهم مع لاعبينا المحليين وبعدها الهلال بيكون متكامل

يعطيك العافيه

بالطقاق بالجبرين ، بالطقاق بالغامدي .

اتركوا عنكم الصفقات والعقود والكلام الزايد هالكلام للادارة مب لنا ! خلونا حنا نفكر بمباراة الشباب اللي ما بقى لها الا يوم واحد ومحد طاق لها خخبر !

ورئيس الرائد قال وقعنا مع الهلال ف خلونا منهم وفكروا في مباراة الشباب مباراة خروج مغلوب.

والشباب مو بذاك الفريق السهل :) .

الصفقه منتشره من قبل إعلام الزعيم، ثم نستغرب فشل الصفقه !!
الإعلام الهلالي يضر الزعيم اكثر من مما يفيده !

اقولها وبكل ثقه ويقين. مستوى الجبرين لا يرقى. لتمثيل الهلال. حرام تدفع فيه هذه الفلوس.

اري ان يتمالمزايده لرفع قيمته وتدبيس الفقراويه به

الجبرين ماهو طموح الهلال لكن الموضوع أكبر من كذا بكثير ,, السؤال هل للهلال حقوق يقدر يطالب بها والا الموضوع وما فيه انه لازم يكسر الهلال ويرفع النصر ؟؟ اذا كان كذا لازم يكون لنا تصرف يناسب الوضع الجديد