بسم الله الرحمن الرحيم
السلام عليكم ورحمه الله وبركاته

لحمدلله ان الهلال ماوقع مع الجبرين ولا الغامدي
ياعيال والله ذولا اقل من انهم يلعبون بالهلال وكنت اقوله لاخوياي
شوفو الجبرين بامباراه الاياب من الدوري مع الهلال ومباراتهم مع الشباب
ماينفع والمحاور عندنا اللي يكفي وزياده الفرج القرني كريري كاستيلو من غير الاولمببي
بالنسبه للغامدي هذا بس يركض مايصنع صح يعني الزوري احسن منه وارحم
والله ياعيال مايسوون يلعبون بالهلال انا مدري وش تبي فيهم الاداره

الحين نجي للاداره، اداره الهلال مع الاسف صايره طوفه هبيطه لكن الحمدلله اللي موجود
الحميداني بالفتره الاخيره
يعني مو معقول ان رئيس النادي جالس يتبكى بكل قناه ويتكلم عن النصر
حنا وش دخلنا بالنصر ياخي وش تبي بهم خلهم يولون ليش جانا ماجا النصر السنين اللي راحت
انتم كاداره اهتم بفريقك ماعليك من الفريق المنافس انظلمت من التحكيم لا تسكت بس لاتدخل بغيرك
من الانديه

مدرب الحراس
حنا كل مشكلتنا بمدرب الحراس هاتو مدرب حراس زي الناس الفريق كله يصير زي العسل
تذكرون ايام الدعيع كيف كان الهلال العناصر تقريبا نفس العناصر ايام الدعيع
بس العله بالحراسه الباقي وضعنا اوكي بس محتاجين ندعم الفريق بكذا لاعب من الاولمبي
عشان يصير عندنا فريقين الدعيع كل يوم يصيح بالقنوات ويتكلم عن مدرب الحراس
ياخي شي مو معقول الكلام هذا اذا الدعيع نفسه يشوف ان المشكله بالمدرب
تذكرون يمكن كلكم العنزي حارس النصر وش والحين وش صار السبب كله بمدرب الحراس


اسف ع الاطاله

أنا معك في الجبريين حاجتنا له مو مرة قوية ،،، بس الغامدي نحتاجة كثير

مع احترامي للجبرين وللغامدي ما لهم مكان في الهلال اقصـد في التشـكيله الاساسية

وان حدث ودخلوا التشـكيله راح تنكشـف مستوياتهم على حقيقـتها والنتيـجة بالدكة وخذ الدراهم وانت تناظـر َ!

وبخصوص الحارس اللي ما خذين فيه مقلب حارس الجيران والله انكم مصلحين له دعايات وهو اقل من عادي


ياعمي آخر هدف فيه اسخـف هدف في الدوري حق لاعب الشباب وغيره كثير ممن الاهداف بس هذا الاخيـر


الله لا يجيب حارس داج مثله للفريق خلنا على السديري والله ارحم منه

إقتباس الرسالة الأصلية كتبت بواسطة تلميذ الزعيم مع احترامي للجبرين وللغامدي ما لهم مكان في الهلال اقصـد في التشـكيله الاساسية وان حدث ودخلوا التشـكيله راح تنكشـف مستوياتهم على حقيقـتها والنتيـجة بالدكة وخذ الدراهم وانت تناظـر َ! وبخصوص الحارس اللي ما خذين فيه مقلب حارس الجيران والله انكم مصلحين له دعايات وهو اقل من عادي ياعمي آخر هدف فيه اسخـف هدف في الدوري حق لاعب الشباب وغيره كثير ممن الاهداف بس هذا الاخيـر الله لا يجيب حارس داج مثله للفريق خلنا على السديري والله ارحم منه

كلام صح بس انا اتكلم عن مستواه كيف تطور بسبب مدرب الحراس عشان كذا اقول حنا يلزمنا مدرب حراس
السديري صغير سن يبي بس توجيه وتصحيح لاخطاءه وراح يكون الافضل

أحمد الله اننا افتكينا منهم والله اني من أول المعارضين لهم وبقوة خصوصاً للغامدي

المهم الآن اتركونا منهم لا تشغلونا فيهم أمامنا استحقاقات مهمة

خليكم الداعم الأول للفريق بمواضيعكم

بالتوفيق للزعيم