نادي الهلال السعودي - شبكة الزعيم - الموقع الرسمي - || صيـــــــــد الجماجــم ..الجزء الرابع ||

ردووووود مرة ثانية :
الأخ موج الخليج الازرق

وراك تبي تصيح ...فلم هندي انا :D:D

تحياتي
_________________
سعادة البيه اعصار باشا افندي ==> ابد ماينافق :D:D

إقتباس:

تصدق ياجمجوم أفندي ..

ولا هو إقلال من أي أحد في شبكة الزعيم .. تدري أنك انت الشخص الوحيد اللي تخليني أضحك بصوت عالي .. لدرجة أخاف أحد يدخل غرفتي يقول وش هالمهبول ..

وش دعوى يابو حميد ...احرجتني بكلامك الحلو ..

ترى اصدق نفسي واروح افتح بقالة ==> ماله دخل :D

عاد تصدق انت انك الوحيد اللي بالشبكة ولا يهون باقي الربع - صب القهوة -
اللي اذا شفت رده موجود بموضوعي انبسط واتشقق
أحس اني مثل الشركة اللي حاصلة على شهادة الأيزو العالمية 9002:D:D

إقتباس:

اقولك ..
وش رايك نطلع بكرة الفجر ندور الأسد .. ومنها تمشية ..

الشاهي عليك .. والكاميرا علي واللي يخلي موتر بروق باشا .. جديد وش حليله

وودك ناخذ بعد عارف الهلالي معنا .. يمكن يطيب لما ينحاش من الاسد بخخخخخخ

قدام على التمثال(مصطلح عرابجة ):D ...يعني نمشي

بس مادريتا ...

اليوم نفى محافظ الدرعية يقول مافيه لا اسد ولاهم يحزنون ...

صراحة هالمحافظ محنك سياسي يخاف ان هالحادثة تؤثر على جذب السياح الاجانب القادمين
من الدلم والحوطة وحفيرة نساح .
وايضا يخشى من هبوط مؤشر درعيه جونز الذي ينعكس بدوره على جذب رأس المال الأجنبي . :D:D

اقول (قم بس قم ) :D:D

آخر خبري بالدرعية ان ابراهيم القرملة الهلال ماخذينه من هناك .

وبعدين موتر بروق ياحول عساه يوصله للصالحية ;);)

تحياتي :)
ــــــــــــــــــــــــــــــــ
ابونوره1112

تسلم حبيبي والله يديم المحبة
شكرا :)
_____________
القلب الأزرق

يخليك ربي ...والله انكم تحرجوني ==> مهوب عاقل الثنيان :D

ولا يصير خاطرك الا طيب
شكرا

___________

صدى الامس

ياخي مادري وراه كل ما شفت اسمك ...اتذكر ستريوات منفوحة:D:D

مادري علشان كلمة صدى :D

إقتباس:

يا خوي وش هالأسد اللي ما طلع إلا عقب ما رجع الإعصار من الدرعية ياليته سبق شوي كان انواع العلوم عند هالسد

انت شفت !!!

بس خل عنك والله يا اعصار باشا ان يكوفن هالاسد :D

إقتباس:

بس هل الإعتزال من رغبة شخصية وإلا من سلطات خارجية

تحياتي لك يا خلفهم ..

والله يا انت تحب تصيد بالميه العكره ....وش قصدك هاه ..

شف ياخلفهم وياقدامهم بعد :D

الله لايخلينا من وزارتنا الداخلية يعني زوجاتنا تسان هذا قصدك ..;);)

ولكن تأكد ان السبب مهوب اللي انت تفكر فيه ...;);)

شكرا :)

____________
ياجماعة لااحد يزاعل الحاتمي مر من هنا ...

لأني ناوي افتح مكتب DHL ...

ياحبيبي ياصديقي ياحاتمي يامر من هنا ..

غريبة اول مرة ترد من دون مر من هنا ..
الظاهر عطيناك عين ..وانصلخ عليك كفر :D:D

تحياتي للجميع :)