انا مع الاستغناء عن الجاسر
وضد تعيين التويجري بالمركز الاعلامي
لان المركز الاعلامي راح يقيد ابو غيدا
ف ايطار محدد وصعبه يطلع منه
اتمنى يبقى طليق اللسان ف كلامه ك الصاعقة عليهم 🌹

كلنا عادل التويجري ❤

ياليت وربي واتمنى بعد ان عادل التويجري يكون المتحدث الرسمي لنادي الهلال
بالتوفيييييق للزعيم

التويجري كان مدير المركز الاعلامي زمان
زيه زي الجاسر لا يهش ولا ينش

نعم نريد عادل التويجري يعود في المركز الاعلامي فهو المنبر المشع ويستحق ذلك وحتى نقهر من اقاله من منصبه
لو قامت الاداره بهذه الخطوه سوف ترسل عدة رسائل لمن يريدون تكميم الافواه وحده منها لا تقترب من يخدم الهلال

اتمنى يكون ابو غيداء المركز الاعلامي للززززززززززززززززززعيم

بصراحة موضوع أكثر من رائع وموفق بس بنهاية الموضوع ضربت مثال نسف كل موضوعك
من ناحية المركز الإعلامي جيبوا مثل ( النوفل ) سلامات يابوي وتقل إنك نسيت قامات كبيرة
للهلال وهو غني عن ماذكرته هذا النوفل ..
أشكرگ أخوي تقبل نقد محب للزعيم وفقگ الله ..

إقتباس الرسالة الأصلية كتبت بواسطة زعماء في الحياة بصراحة موضوع أكثر من رائع وموفق بس بنهاية الموضوع ضربت مثال نسف كل موضوعك من ناحية المركز الإعلامي جيبوا مثل ( النوفل ) سلامات يابوي وتقل إنك نسيت قامات كبيرة للهلال وهو غني عن ماذكرته هذا النوفل .. أشكرگ أخوي تقبل نقد محب للزعيم وفقگ الله ..

يعطيك العافيه عزيزي

مجرد مثال لا اكثر

الاهلاويه قبل موسمين كان يطقطقون عالشباب صح ؟

طيب من اللي وقف الطحالب عند حدهم ؟

النوفل لحااااااااااااله .. كتم نادي الاهلي بكبره

والنوفل مدير المركز الاعلامي في الشباب .. مو كاتب ولا صحفي

ليش النوفل مو مقيد ؟؟؟

اي احد يتطاول على فريقه وقفه عند حده

هذا مقصدي طال عمرك

ما ابي مدير مركز اعلامي يطلع في كل قناة ويتسفل ويطقطقون عليه وهو يضحك

وللمعلوميه

فيه برنامج اسمه 10 على 10 في السعوديه الرياضيه

استضافوا الجاسر وسأله المذيع عن كاس اسيا .. كان الرد مرتبك وقال انا اشوفها صعبه

اذا انت يا مدير المركز الاعلامي بهالطريقه تتكلم !! وش تترجى من اللاعبين اذا كلامك كله محبط !!

يا ناس هذا حده زاويه في جريده النادي ورب البيت

تعاقدات اللاعبين ما نعرفها الا من اعضاء بالمنتدى والا من مواقع اجنبيه

وهو نايم بالعسل الاخ بالقنوات متبطح

شي يرفع الضغط

حقيقة نعم التويجري هو المناسب جدا لرئاسة المركز الاعلامي بالهلال من زمان
وهذا احلى توقيت له

انت خل ابن مساعد يفك نفسه بعدين يجيب عادل التويجري تبي الصراحة ولو كانت موجعة عادل التويجري اكبر من ادارتنا الحالية
لأنه رجال ما يلف ولا يدور رجال ما يقول هذا أمير زيي عيب ارد
اخوي ممكن تقول لي وش قال ابن مساعد تجاه الاتهامات الحمقاء من ابن الرمز البائد اتحداك تجد حرفا واحدا وجهه ابن مساعد للكذاب ممدوح ولا لنواف بن فيصل

لا لا ياعزيزي
اخلافك الراي لثلاثة اسباب :




اولا
عادل التويجري رجل شجاع وصارم والدليل انه :
احرق جميع الخبثاء الصفرالماكرين والخائنين للامانه
و لو عين اعلامي للهلال لفتح مجال اوسع للعابثين في تشويه سمعة
وتاريخ شؤون الهلال بسبب توقيف التويجري عن الاعلام وسوف يعتمدونه كدليل لهم .

ثانيا
اتفق معاك بان عبد الكريم الجاسر لايستحق البقاء في الهلال نظرا لبروده في ردوده .

ثالثا
اقترح بان يرشح عادل التويجري مستشار أعلامي في الهلال
ليتفرغ لردع كل من تسول له نفسه في تشوه صورة وسمعة مدرب ولاعبين وادارة الهلال وشكرا لك

عادل التويجري اعلامي حر وهلالي يعني ماينفع يكون المتحدث الرسمي لنادي الهلال بسبب انه يدخل في مشاحنات ويظهر كثيرا في الاعلام وذلك عكس المتحدث عن مركز الاعلام للهلال او اي نادي فقط مهمته الاعلان عن صفقات او انظمام احد للنادي اعطاء اخر المستجداد بالنادي الرد ع بعض الاخبر مثل ذهاب مدرب او اصابت لاعبين او الاستغناء عنهم زي كدا نرجع للتويجري يصلح اعلامي حر حتى ادا دخل في صدام مع الاطراف الثانيه مايكون اعلامي حقيقي للنادي وبكدا يضر النادي وعقوبات وتعرف الهلال يدورو الزله عليه لكن هو موجود خلف الكواليس حتى يلجم الاعلام الاصفر ولاننسى ايضا فهد الروقي الله يقويهم

المفروض عندنا قناة خاصة بالزعيم وتبث من دوله خليجيه حتى لاتكون تحت سلطة وزارة الاعلام ويكون من كادرها ابو غيداء وتبث كل مااضر الهلال من عهد خالد الفيصل الى فيصل بن فهد الى سلطان بن فهد واسير الشوك وتبين ماحصل عليه النصر والاهلي والاتحاد من تسهيلات وظلم للازرق