السلام عليكم ورحمة الله وبركاته

صبحكم الله بالخير او مساكم الله بالخير على حسب وقتكم

اولا ابارك لجمهور الهلال الفوز على السد وإن شاء الله القادم افضل

ياجماعة الخير الموضوع مهم للجميع وهو ماجعلني اكتب موضوع بالمنتدى من 4 سنوات ندخل في صلب الموضوع انا ملاحظ واكيد الكل ملاحظ اهتمام الجماهير الهلالية بالشأن النصراوي وكتابة مواضيع وكأنك في منتدى النصر انا اشوف الاهتمام والمواضيع هذي لا منفعة لها اطلاقا وبالعكس هي من تضر هلالنا ،، الهلال مقبل على مباريات مهمة جدا ياشباب خلونا بهلالنا واتركوا اهتمامكم للنصر واتمنى كتابة مواضيع تهم الكيان الهلالي

طرح اكثر من رائع
انتهى الموسم الحالي واغلقت جميع الاستحققات المحليه ما عاد كاس الملك كان موسم ظالم بكل ما تعنية الكلمة اوافقك الطرح لابد من تجاهل سفاسف الامور الصفراء والتركيز على الاستحققات القادمة ومساعدة الادارة في اعداد فريق لموسم قادم

نعم انا معك في كل كلمه قلتها

هذ المطلوب حاليا

كلام سليم في المكان السليم
هذا اللي احب اشوفه ويتفاعل به الجماهير
مهما سوينا وفعلنا مايغير الواقع
النصر حربنا من بداية الموسم
للاسف انتهت الحرب لصالح الجار
ياشباب كنا في الموسم الماضي نتشمت فقط على الفقر
والموسم اغلب مواضيعنا عن النصر
والشماته شينه
مانفكر في يوم الله يعقبنا على شماتتنا
هذا قضاء الله وقدره
لنشكر الله على النعم لانضحك على من كتاب الله له الشقاء
لنكن مؤمنين بان العمل ياتي بثماره بعد اذن من الله
الله كتب لهم بطوله فيما نعترض ان شاء الله تكون 4+5 مو 4+4
لاننسى انه فريقنا فرط نقاط ثمينه
انا مااعترف بميول الحكم حتى لو دفع له مبلغ
مثال مو تقليل في النهضه
يعطو رئيس النهضه صافر ويلعب مباراة مع برشلونه
مايقدر يسوي شي
اذا قام بالغاء هدف ستاتي هجمه اخرى منظمه
واتحدى اي حك يلغي هدف بعد هجمه من قبل منتصف الملعب
في الهلال عندنا العناصر دي
سالم الدوسري امام الاهلي اضاع كره في انفراده صريحه
امام الرائد استهتار من بداية المباراه
امام النصر انانية نيفيز
امام الشباب لاشي يذكرصفر على الشمال
عاد الاتحاد والشعله كان في تهاون والامبالاه
انتهى الموسم بخيره وشره
نشوف اللي لنا واللي علينا
انا مؤمن بالله انو الموسم القادم الدوري هلالي وكاس ولي العهد هلالي والملك والسوبر واسيا مرحله متقدمه جداجدا
باذن الله عندنا سامي وعندنا مواهب وعندنا جمهور حاضر وعاشق
مايصعب شي على الهلال
اللهم وفق الهلال لما تحب وترضى

والله كلامك سليم ياغاااااالي

كان ودي اكتب هالموضوع من زمان،، والحمدلله وفرت علي .

انشغلنا بالفقر ونسينا متزعمهم، لو تركنا عنا مواضيعهم الموسم الجاي صدقوني ما يطيب خاطركم الا الثلاثيه او الرباعيه المحليه ! واسيا اللي عاندتنا كثير بس باذن الله سامي يجيبها .

الصمت والخضوع لا تتوقع انه بيفيد معهم
بالعكس السنه الجايه بيتمادون اكثر في ظل هالوضع ( الفالت ) من الاتحاد السعودي
واذا كنت متوقع ان الامور راح توقف عند هالحد فأنت غلطان
اللي جالس يصير دفاع عن حقوق الهلال وكشف للحقائق والفضائح النصراويه
سنين والهلال يُتهم ويشكك في انجازته ونحن صامتون
والان الوضع اختلف
لم تعد المنافسه داخل الملعب المفروض نكمل صمت !!!
اصبح لازم تنافسك خصمك ولجنة الانضباط والاتحاد السعودي والتحكيم وحتى الدفاع المدني !!!!
هل المفروض ان نسكت امام كل هالفضائح !!!!
الساكت عن الحق شيطان اخرس

اتفق معك ولكن اذا كان الرئيس منشغل بالنصر فمن الطبيعي ان يتعاطف معه البعض من جماهير واعلام أتمنى ان يكون لنا رئيس يشغل الجميع وليس يشغلونه
وشكرا