تدري !! وش اللي يافهد يرفع الضغط

في عالم الكورة .. من ايام جدي

بقول لك : واسمع ! وخلك على الخط

أما تأيدني .. أو تكون ضدي

لامن لعبت !! وثّم خبطت الخصم خبط

تفوز .. بإستحقاق ! وفن ! وتحدّي

تدقه .. ! بخمسه وسته على الشرط

طول السنة .. وأنته تعشي ! تغدّي

عندك زمام الأمر !!والحل والربط

ورأسه ! مابين الناس ماكان يبدي

عشرين عام .. زانطه يافهد زنط

الين سمّوه .. " الفريق المصدّي "

بطيت حتى كبود من شجعه بط

من مابهم صاحوا : " ايا فقع كبدي "

مثل الهلال ! ونادي النصر بالضبط

عفوا" !! ذكرت أسماء ماكان ودّي

لكنّي !! أشوف الأمر صار به لغط

وحاولت أعدّي !! بس عيّت تعدي

بالغصب ! بالقوة ! وخذلك من الخرط

كلام جاهل .. والبراهين عندي

أهدافكم !! ثلثينها من ورى الخط

والثلث الاخر .. من عميل مفدّي

ودلهوم .. يوم انه لقط كورته لقط

بيديه !! وعيون الحكم به تلدّي

ماصار ببطولتك ! ماقد حصل قط

دفعك رباعي ! دفع زوجي وفردي

وبطولتك صارت كما " زيجة الرّهط "

جابت ولدها ! والنصر قال : ولدي

من عاش في حرمان يستنكر البسط

ومن طار بالعجّة .. لزوم يهدّي

فقير فكر .. وتعشق الشيل والحط

وأنا أحمد الله !! يوم أني شقردّي

اربع بعد خمسين !! مانعرف القنط

بالاربعة زعيمنا! شاخطك شخط

يعني ! حسب مفهومك "فلم هندي "

شاعر رائع بروعتكم .. لاأعرف من هو ولكنني ناقل حروفه واتمنى ان تنال اعجابكم .

النصر انهى موسمه ببطولتين وتفرغ لاشغال الهلاليين وتشتيتهم عن البطولات القادمه .. كيف نشره على سفيه مثل خبيلان وقد تكلم على ياسر والعابد واتهمهم بالمنشطات يعني وش الجديد .. لازم نركز وضع الهلال حرج يجب التركيز لانقاذ الموسم ببطوله على الاقل وترك النصر يحتفل ويفرح ويسرح ويمرح وله عوده في ارض الميدان بحول الله اذا لعبنا معاه السوير اذا شدينا حيلنا وفزنا بكاس الملك

كفو والله ياشاعرنا ...
ابيات قويه

صح لسانه وتسلم على النقل

صح لسانك

الهلال أكبر من فيصل بن تركى رئيس النصر
أجل ملعب الملز فيلم هندى يا فيصل ؟

صحح لسانك
قصيده من اجمل القصايد التي قرأتها
يعطيك العافيه