|
إقتباس:
لخويا فريق مكتمل بنجوم محترفين ومجنسين ع مستوى عالي مو هذا موضوعنا لكن جريتس جاء والهلال يعيش أفضل مواسمه عناصرياً ومع ذلك ماحقق كأس الملك ولا حقق آسيا ؟! ولا هو موضوعنا المقارنه بين كوزمين وجريتس لكن مدرب مايحقق لي آسيا وينحاش والفريق محتاجه وش بقوله عنه ؟؟ غير أنه خاين ولا يستحق العوده للفريق |
إقتباس:
الهلال كان مزدحم بالنجوم أساسي وأحتياطي وفوق هذا محترفين أجانب توب + ابن مساعد في ذاك الوقت كان متحمس ويعمل بقلبه مو مثل الحين صافط الفريق ع جنب ولا همه يعني جاء والفريق مكتمل عناصرياً وإدارياً فهمت ؟! وبالنسبه لحضوره مباراة الهلال والسد تررى كان حاضر عشان سامي مدرب للفريق مو عشان الهلال ولو بتقولي حاضر لعيون الهلال بقولك الموسم اللي راح الهلال لعب بقطر وجريتس كان يدرب لخويا ليه ماحضر ذاك الوقت !! |
ياناس هلالنا ف خطر , اتركو الهواش قريتس وكوزمين , الاثنين مرتاحين واحنا نحترق يبي للهلال شغل كثير وصفقاات عال العال |
إقتباس:
جريتس " فششششل " في آسيا مع الهلال وش ابي فيه ارجعه يدرب الفريق ؟! وحتى مع لخويا فشل الموسم الماضي مع أن لخويا عناصره مايعلى عليها وانا أتحدى أذا حقق كأس اسيا مع لخويا " اتحدى " مع أن لخويا عناصره ( مكتمله ) لكن جريتس لن يحقق آسيا |
إقتباس:
|
إقتباس:
الهلال كان الأحق بالدوري والكأس لكن أنت متابع للدوري وتشوف النقاط المجانيه اللي حصل عليها الفقر وتشوف الظلم والحرب الأعلاميه اللي تعرض لها الكوتش واللاعبين مستحيل هالأشياء ماتأثر ع الهلال خصوصا ان سامي أول سنه تدريبه ويتعرض لحرب قذره جداً حتى عايلته ماخلوها بحالها شوف مسيرة الفريق أول الجولات وكيف كان سامي يضرب الأنديه الكبار بالخمسات والأربعات لكن بعد فترة التوقف والحرب الأعلاميه اللي بدأت منها مو بس سامي اللي تأثر حتى اللاعبين تفسياتهم تأثرت . جريتس شخص خاين وماعندنا استعداد نرجع لتجربته ونتحمل المقلب اللي بيجينا منه مره ثانيه عموما ما اتوقع أنه بيتخلى عن لخويا ودولة قطر "الكاش " الكوتش سامي شبيه باداء جريتس لولا سوء عناصر الحراسه والدفاع انا اعتبر سامي حصل ع الدوري والكأس لأن بكل صراحه الهلال هو الأحق فيها لولا الدفع الرباعي شكراً لك .. |
إقتباس:
الادارة هذي من افشل الادارات من ناحية اختيار اللاعبين وبالذات االاجانب !! معقولة من عام 2009 ما في لاعب مؤثر استقطب للفريق !! من موسم الرباعي " ويلي ونيفيز ورادوي و لي يونغ بيو" لم يحضر للهلال لاعب اجنبي عليه الكلام ومستحيل تقدر تعطيني لو اسم واحد ! بوليفار ، يو ، احمد علي ، مانغان ، اوزيا !!! هذي هي صفقات الادارة ، والصفقات المحلية حدث ولا حرج بإستثناء الشمراني هالموسم والشهراني " بطلعة الروح " الموسم الماضي ! الحلم الازرق مدري كيف تتكلم عن مسيرة الهلال مع قيرتس اسيويا وتنتقدها وتتناسى انه هو المدرب الوحيد اللي وصل لنصف النهائي مع الزعيم ! وهو ابعد دور وصل له الفريق من اكثر من عشر سنوات ! لا كوزمين ولا غيره قدر يوصل لنصف النهائي وكان قريب جدا من النهائي لولا اضاعة ويلهامسون لركلة جزاء وخطأ هوساوي وظهور معظم اللاعبين بمستوى سيء على غير العادة خصوصا في مباراة الاياب بالرياض . |
الف مبروووووووووووووووووك الفووووووووووز الحمد لله اليوم الهلال فاز مستوى ونتيجة اللاعبين كلهم ابدعو وخصوصا السديري |
اتمنى من الان على الادارة الهلاليه التفكير في اللاعبين التي ب تتعاقد معهم وان شاء الله يتعاقدون مع لاعبين مميزين |
إقتباس:
مع الهلال ومع لخويا الموسم الماضي اتوقع خرج من النصف نهائي مع ان لخويا فريق زاخر بنجوم عالميين وبغض النظر عن وش سوى جريتس مع الهلال يضل جريتس خان الهلال وتركه وهو محتاجه وضحى فيه وراح لمنتخب المغرب هالشيء اللي سواه كفيل بإنه يمسح كل ذكرى حلوه من فوز أو انتصار لجريتس مع الهلال الله لايذكره بالخير الخاين الأناني |
إقتباس:
يا حبيبي ما في شيء اسمه خاين ، يمكن ما اتفق مع الادارة ع الامور المالية ، يمكن مو مرتاح بالرياض يمكن ويمكن ، بالنهاية هذا احتراف !! من الظلم انك تلغي عمل المدرب وجهده فقط لانه انتقل وترك الفريق وتنسب الفضل لكوزمين !! السير اليكس مدرب اليونايتد ترك الفريق مدجج بالنجوم وبطل للدوري لخليفته ديفيد مويس والاخير جاب العيد وخرج من كل البطولات تقريبا وقدم مستوى سيء جدا ! وعلى كلامك المفروض يبدع لانه مستلم فريق جاهز من المدرب السابق ! |
زعييم قصيباء + Mr.B.H.T أنتم بكلامكم هذا تبون جريتس يرجع للهلال ؟ إذا حقق جريتس كأس آسيا مع لخويا يحق لكم تطالبون فيه لأن مطلب الهلال الأساسي كأس آسيا لكن إلى آلان جريتس فاشل بالآسيويه خرج منها مرتين مره مع الهلال يومها كان الهلال يعيش أفضل مواسمه وخرج مع لخويا الفريق المتخم بالنجوم ع أي أساس حطيتوه أنه هو اللي بيجيب الآسيويه للهلال :s2: يعطيكم العافيه تصبحون ع خير .. |
من ينتقد غريتس لايفقه شيء بكرة القدم غريتس قدم افضل موسم للزعيم بعد يوردانسكو حقق الدوري وكأس ولي العهد وخرج من نهائي كأس الملك بضربات الترجيح وتأهل للدور الثمانية بعد ماتغلب على بنيودكور بثلاثيه وقتها كان مرشح للنهائي الفريق الاوزبكي بفريق معظمه منتخب اوزبكستان ومدربه سكولاري ومحترفين اجانب اعلى مستوى . اما الي يقول خله يحقق مع لخويا بعدين جيبوه بصراحه مايفقه بالكورة ماهو كذا تقيس المدرب لا تنسون خرج من افضل فريق ب آسيا غوانزو الصيني محترفين ومدرب كبير . هذا فوساتي حقق مع السد بطولة آسيا بالحظ وخسر مع الشباب بطولة آسيا معناه مدرب كبير كوزمين من افضل المدربين خسر مع الهلال والعين والسد بالبطولة الاسيوية مو معناه ماهو مدرب مشكلة بعض عقول الجماهير مايفهمون من الكورة الا شكلها . حتى لو خان غريتس على كلامكم يبقى مدرب كبير المفروض بعد اقالته من تدريب المغرب عرض على نفسه تدريب الهلال لكن رفض رئيسنا على شان اجره عالي متى لخويا يوصل قبل النهائي غريتس مدرب بطل الشلهوب حقق هداف الدوري معه وقبل مايجي ٣ سنوات طايح مستوى صحيح مر بظروف وفاته والده ووالدته لكن غريتس رجعه اسامه هوساي افضل مدافع اين اسامه حالياً الدبشه المرشدي وينه الحين وكيف مع غريتس المدرب الناجح يصنع الاعبين بعكس السابق الاعب هو الي ينصع المدرب وكفى . آسف على الاطاله |
| الوقت المعتمد في المنتدى بتوقيت جرينتش +3.
الوقت الان » 03:23 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd