|
لماذا لا نلعب بهذه الطريقة مرحبا شباب اتمنى ما اكون ضيف ثقيل ع قلوبكم هذه اول مشاركة لي اتسائل لماذا الهلال لا يلعب بهذه الطريقة ويملك كل مقومات لنجاح هذه الخطة. لماذا لا نلعب بهذه ىالطريقة 3/5/2 الهلال يملك افضل دفاع الدعيع والكوري والبرازيلي وافضل خط وسط نبفيز و كريري والعابد و وسالم الدوسري وعبدو والهجوم القناص والشمراني ملاحظة : اذا امتلكنا الوسط امتلكنا المباراة |
لانه لا يملك رئيس ولا يملك مدرب خبير فالمطلوب الصبر عسا ان نتاهل للادوار القادمه من اسيا ولا نجيب كاس الملك وشكرا |
الحين حنى نعاني من الدفاع ومن كثرت الاهداف اللي تدخل علينا وتبي تلعب بثلاث مدافعين ؟؟؟ شي غريب والله |
الحين من جدك الهلال يملك افضل خط دفاع الله يصلحك بس .!! |
. . مستحيل تطبيق مثل هذه الخطة مع مدرب ( فعلياً ) وعلى ارض الواقع لايملك تجربة تدريبية قوية في التدريب بشكل عام .. مهما كانت قدرات سامي التدريبية تضل الخبرة التدريبية مطلب وقاعدة يستطيع من خلالها المدرب الانطلاق بكل ثقة وبحافز قوي مرصع بالامكانيات والرؤية الثاقبة للمباريات .. تحتاج ثلاث مدافعين ثابتين طول عمر المباراة والمسافة بينهم لا تتعدى 20 ياردة على الاقل وب انضباطية عالية وهذا شي نعاني منه وبتواجد 4 مدافعين فما بالك 3 ؟ لاعبين الوسط ! اتفق معك ان لاعبين وسط الهلال ب امكانيات جيدةجداً لكن الخطة تتطلب لاعبين وسط بدرجة (أمتياز) .. تمريرات دقيقة .. استلام وتسليم ون تو سريع كلهذا يجب ان يكون بدقة عالية جداً .. ومن ناحية اخرى هذه الخطة كفيلة بأن تترك فراغات كبيرة جداً لذلك نشوف اغلب المدربين في اوروبا يحّول الخطة من 3-5-2 إلى 5-3-2 ومع هذا التغيير تفقد الخطة طابعها الهجومي بنسبة عالية جداً وبكذا حتى لو اقتنعت بالاسماء الموجودة في وسط الهلال هجومياً ستجد ان الاغلبية لايجيدون الدور الدفاعي المتوازن .. كذلك الاطراف الهلال على سبيل المثال مباراة الشعلة رغم تواجد مهاجمين مميزين في الكرات العرضية لم نشاهد عرضيات بشكل كبيرة رغم وجود مهاجمين اثنين بمواصفات عالية في الكرات العرضية .. :rose: |
التغييرا التكتيكية تحتاج لمدرب كبير يستطيع تطبيقها في وقت قياسي حاليا سامي لم يلعب سوى بطريقتين الاولى 4-5-1 وهي اكثر خطة يعتمد عليها وهي خطة تصلح للفرق المتوسطة والضعيفه ولا تلعب بها الاندية الكبار ابدا والخطة الثانية 4-4-2 ونجحت مع الهلال ولكن سامي يغيرها دائما بالشوط الثاني كما فعل مع ساباهان ونادي السد وأدى ذلك لهزيمة وتعادل بعدما كنا متقدمين . اتمنى 4-3-3 ولكن هذا التكتيك يضبطه خورخي وقليل من المدربين وكان قاب قوسين من الهلال الا ان مستشار ابن مساعد خالد الشنيف رفض وجوده وفضل عليه كومبواريه ! |
تكتيك صعب يحتاج لأجنحة تستطيع اللعب الهجومي والدفاعي والهلال لا تتوفر فيه هذه الأجنحة اللي يتكلم عن خورخي سامباولي هذا المدرب لو جلبه الهلال لأحدث طفرة في الهلال افضل مدرب يناسب تكتيكه لاعبين الهلال لكن للأسف لم يتمكن الهلال من جلبه وستشاهدونه في كاس العالم مع تشيلي |
شكرا لكم على الاخبار واتمنى التعويض بكأس الملك والاسيويه |
ههههه ليش تبي الفرق الثانية يعيدون الخماسيات فينا يارجال حنا بأربعة مدافين ونسجل ببابنا ونعمل كوارث بمباركة الفلتة فايز وانت تقول بثلاثة لوبيدي حطيت خمسة دفاع وحارسين فايز معه السديري وعسانا نسلم |
خورخي لماذا لا نستفيد منه مستشار تدريبي للنادي بس أخاف الوضع يكون فيه حساسية ويطلع كلام أن الهلال لا يثق في سامي مجرد وجهة نظر لا أكثر ...... |
اذا عااد كواكك عاد هيبه الدفااع الهلالي لكن مدري ايش ذا الحظ مع الهلال |
خورخي ضالة الهلال وكان سعره رخيص عشان كذا ماجابه ابن مساعد الحين صار غالي ومدرب منتخبات يعني اذا خلص كاس العالم تعاقد معه بأي مبلغ يستاهل كل هلله وعطوه الصلاحيات كاملة ,مدرب 20 سنه ناشئين وشباب بعدها درب فرق درجة ممتازه وحقق معهم بطولات وحقق مع فريق تشيلي بطولة امريكا الجنوبية المحتكرة من قبل البرازيليين والارجنتينيين واخيرا درب منتخب اهله لكأس العالم . صدق لا قالو خبره ,وللعلم اخترع تكتيكات خاصه به وطور في مفهوم التكتيك الكروي وبعض المواقع صاروا يدرسون تكتيكاته الغريبه . اتمناه يجي يوم من الايام وخلو سامي مساعد له خله ينسى 4-5-1 |
| الوقت المعتمد في المنتدى بتوقيت جرينتش +3.
الوقت الان » 03:48 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd